MATTHAI 3:11 - PATHIEN LEKHABU THIENGTHO (BSI)

¹¹ Ken chuh na lunghei ui tih suklatna’n tui in ka hun baptist sek a, ka nunga hung ding pa hin chuh Thagau thiengtho leh mei in hun baptist ding ahi. Kei sangin a lopi zaw a, a kengtawbek khau phel hâwi le ka hi puoi.

MATTHAI 3:11 ပူးပေါင်းရင်းမြစ်များ

LUKE 3:16

Johan in a kawm u ah, “Ken chuh tui in ka hun baptist na hiu a, himahlele, kei sanga lopi zaw hung ding ahi. A kengtawbek khau phel hâwi le ka hi puoi. Amah chun Thagau Thiengtho leh meia hun baptist ding ahi.

ISAI 4:4

Lalpa’n vaihawmna thagau leh kâkthienna thagau a Zion chanute buokna a silngim a, Jerusalem a thisan suohna zieka buokna cheng a sawpngim tâk ziekin Zion a umte leh Jerusalem a umte chuh “Thiengtho” tih hita’n au.

NASEPTE 1:5

Johan khan tui in a baptist sek a, himahlele, ni sawtlo kâl in Thagau Thiengtho in baptistma chang unla,” ti’n.

ZEKARIA 13:9

Tichun, amun thumna te chuh mei ah patep ing ka ting; dangkaguo sukthientho bangin amau hih thiengtho ing ka ting. Sana patep a um bangin amau chuh enchien ing ka. Zie tieng chuleh kei kawmah paucham untin, amau haw ngaitha’ng ka. Chun, amau chuh ka mite ahiu, ti’ng ka ting, amau haw chun, Lalpa chuh ka Pathien uh ahi, ti’n au,” tih hi Lalpa kamsuok ahi.

TITA 3:5

ei uh ei hukdam ta a. Zie chuh eimau mawng in thil I hih phat ziekuh hilo in, himahleh, amah mawng hehpihna chun, Thagau Thiengtho a pienthakna leh hinna thak a chuh ei sil in, ei hukdam I hi tau hi.

1 KORINTH 12:13

Zie tawbang mah chun, I bawn un, Judate ahim, Grikte ahim, suokte ahim, suok lo ahim, sapum khata um dingin Thagau khat mah ah baptist in I um u a; thagau khat mai ei dâwn sak chiet uh ahi.

MATTHAI 3:6

A gitlohnateu kiphuong in Jordan luia chun a khut ah baptistma a chang tau a.

NASEPTE 19:4

Paul chun, “Johan khan chuh, ‘Ei hun zui ding pa Krista Isu na hun ginchak dinguh ahi,’ ti’n, lungheina baptistma’n mi a baptist sek ahi kha,” a ti a.

LUKE 1:17

Thiemgau Elija guola hât leh thilhih thei takin Lalpa masang achun chieh intin. Pate leh chate chuh puikhawm kit intin; mi, thu-awilo te chuh thil dik lam ah kai hêi kit intin; Lalpa mite chuh amah a dinga kisazo dingin hilh ina,” ti’n.

JOHAN 1:30

Amah hi ahi: ‘Mi khat ka nunga hung dingin, ei makhelh tai, ka maa umsa him ahi,’ ka tih pa khah.

MARK 1:4

Gamthip ah Johan in a baptist a, chun, thil hihkhelh ngaihdamna dingin lungheina baptistma thu a gen a.

EPHESI 3:8

Jentel te kawma Krista neihzawhna hawldawk zawh loh haw chanchin gen ding leh,

ISAI 44:3

“Dangchâk na gam achun tui hun pie’ng ka ting, gamgaw achun luicha luon sak ing ka. Na tu leh chateu chung achun ka thagau sung tha’ng ka ting; na suonteu chunga le ka vangsakna sungtha’ng ka.

1 PETER 5:5

Khutibang mah in, nanguh tanglak deuhte haw; upate kawmah kitulut un. A hii, na bawn uh a kizen tuoh chiet dingin, nuoilutchuhna’n kivan un; Pathien in mi husiete a do a, kingainiemte vang chuh lungsietna a pie sek hi.

JOHAN 1:15

Johan in amah thu a gen a. A kiko a, “Ka nunga ei zui ding ka tih khan, ei makhelh ahi tai, ka maa umsa him ahi, ti a a thu ka gen khah amah hi ahi,” a ti a.

LUKE 3:3

Johan chuh Jordan lui pang vel gam tin achun a chieh viel a, thu a gen a: “Na gitlohnau apat in lunghei unla, baptistma chang un; khutichun, Pathien in na gitlohna teu hun ngaidam ding ahi,” ti’n.

NASEPTE 8:36

Chun, lampi a a chieh lai u chun, tui umna mun khat hi a tung u a, chun, mitilgeh chun, “Entie! taka hin tui a um, baptistma channa ding bangin ei dal hi?” a ti a.

NASEPTE 8:38

Tichun, kangtalai chuh a din sak a, a nih un Philip chu tawh tui achun a va chieh khawm u a, chun, Philip chun amah chuh a baptist ta a.