MATTHAI 3:10 - PATHIEN LEKHABU THIENGTHO (BSI)

¹⁰ Tu zieng hin le heicha thing bul tin ah a kawih tau hi; khutichun thing tin, gah pha suoh lo cheng chuh phuk in, mei ah a paih sek ui.

MATTHAI 3:10 ပူးပေါင်းရင်းမြစ်များ

JOHAN 15:6

Mi, keimah a a um zing loh chun, bâk guola paih dawkin a um a, a vuoi sek; tichun, a chawm u a, mei ah a paih u a, a kâng sek.

LUKE 3:9

Tu apat in heicha thing bul tin ah ah a kawih tau hi, khutichun, thing tin, gah pha suoh lo ta cheng chuh a phuk u a, mei ah paih lut sek ui,” a ti a.

MATTHAI 7:19

Thing tin gah phalo ta chuh a phuk u a, meia seh lut ahi sek hi.

JOHAN 15:2

Ka kizawppih bâk gah lo ta cheng a paih sek a, a gah pha ta chuh a hih thiengtho sek hi, a gah tam zawk diek na’n.

JEREMIA 17:8

Amau chuh lui luong panga thing phuh, lui panga a zung khawh, khuolum hungtun ding le lau lo, a nah le hing zing, khuokhal kum khawksalo; gah loh tik neilo tawbang hi hi zaw’nau.

HEBRAI 6:8

Himahlele, hamlingnei leh buolhaw a hung keh chun chuh, hansie buokkhum a hung hi sek a, a tâwp achun hâltum ahi sek hi.

MATTHAI 21:19

Lam panga chun theipi kung khat a mu a, a va zuon a, a nah ngâllo chuh bangmah a mu puoh a. Khutichun, thing kawm achun, “Kumkhuo’n gah ta kih,” a ti a. Tichun, theipi kung chuh a nâng zieng ta a.

MALAKI 4:1

Ngaitiem u, ni chuh hungtung ding ahi, “Mi kiletsakte leh mi gilote chengcheng buhpawl banga a kâktum ni hungtung ding ahi tai! Zie ni chuleh, katum vek in tin a zung leh a bâkte le sit hiel puo’n a, Bangkim hihthei Lalpa chun a tii.

SAM LEHKHABU THE PSALMS 1:3

Amah chuh luiluong panga thing phuh, A hun cha a gah zel; A nah le vuoi ngeilo tawbang hi ahi, A thilhih tapoh ah lamzang zel in a.

LUKE 23:31

Thing hing a bawn zie tawbang phet hi a hih chun, thing gaw achun bang a hung ti taphet dem maw?” a ti a.

ISAI 61:3

Zion a lusûnte chuh vut thasanga pakchavui, lungkhamna sanga kipahna sathaute, nguoina thagau hilo a pahchakna silhlechen te a kawm u a pie ding leh, amau haw chuh diktatna thing Lalpa phuh ngêi, a thil dik hih teu zieka Pathien chuh a lopi theihna dinga sawl ka hi.

ISAI 27:11

Thing bawkte chuh hung vuoi tha’n tin, bawng intin, tichun, numeite’n meia tih dingin chawm khawm un au. Mipite chun bangmah het theihna mawng mawng a nei puou a, a siempau Pathien in lungsietna leh a chung u a zahngaihna himhim latsak ta puo’n a.

HEBRAI 12:25

Thugenpa chuh a na deih lo kha’n lau, chingthei un! Lei a amau haw hilhgaihna thugen ana ngai lote bawn a suohchak loh uh chun, van apat a I kawm u a thu hun gen pa nungngatte hih, suokcha mawh zawsem hitiu!

2 SAMUEL 23:7

A va khawih ding chun thik tawn leh tiengcha lung mat ahi; Tichun a mun u ah hâltum vek hiding ahiu hi, ti’n ei hopih a,” a ti a.

SAM LEHKHABU THE PSALMS 92:12

Mi diktat chuh tum bangin duoh hut hut intin; Lebanon tânga Sidar bangin khang hul hul ina.

SAM LEHKHABU THE PSALMS 140:10

A chungu achun mei-âm kie hen la: Mei a paih in um u hen; Kawkhuk achun paih in um u henla, Tho dawk kit ta kiu hen.

DANIEL 4:14

Aw ngeih tak in, ‘Thing chuh phuk inla, a bâkte chuh heuh inla, a nahte chuh theuhtha’n la, a gahte chuh thehzak ah: a nuoi apat in gamsate chuh chiehmang u hen la, a bâk apat in chung leng vachate chuh leng mang u hen.