MATTHAI 27:6 - PATHIEN LEKHABU THIENGTHO (BSI)

⁶ Khutichun, thiempu liente chun dangka chuh a lau a, “Ziehi tuoklawm bawma kawih a thieng puoi, thisan man ahi ngâl a,” a tiu a.

MATTHAI 27:6 ပူးပေါင်းရင်းမြစ်များ

DAN NIHNA 23:18

Nawhchi man ahim, uicha man ahim chuh kitiemna sukpitin na dinga Lalpa Pathien In a na hun chawih ding ahi puoi; a khawi zaw chule Lalpa na Pathien u a ding a thil tenum ahi.

JOHAN 18:28

Chun, zingkal matak in Isu chuh Kaiapha In apat chun, gamvaipuo pa In achun a pui u a. Juda lawiupa haw chuh vang leng in achun a lut puou hi, khutilochun, kisubuok un tin uh, Chiehkân Kut an ne theilo ding a hih ziekun.

MATTHAI 23:24

Nang haw lamkai mitdûk, thosi thit ngim a, sangawngsau valh zawte haw!

ISAI 61:8

“Kei Lalpa hin vaihawmna dik ka ngaina sek ngâla, diklohna leh chapona hi ka haw a. Tichun, amau haw diktatna chuh tihtakzet in a kawm u ah pie’ng ka ting; chun, kumlekhuo a thuthun chuh amau haw tawh siem ing ka.

MATTHAI 27:5

Tichun, Juda chun dangka chuh mun thiengtho achun a seplut a, a taihsana, tichun, a chieh mang a; a va kikhailum ta a.

MATTHAI 27:7

Tichun, a kiho u a, malzinte vuihna dingin Beldengte mun chuh chawkna’n a mang tau a.

MARK 7:11

Nang haw’n la hiti hin na ti sek ui, Mi’n a nu ahim, a pa ahim kawmah, Nei thanekna ding chuh Korban ahi tai, a tih chun, zie chuh Pathien kawma piek tihna ahi a; zalen ding ahi, na tiu hi.