MATTHAI 27:52 - PATHIEN LEKHABU THIENGTHO (BSI)

⁵² thân haw chuh a hung kihawng a, mi thiengtho tamtak thisa te chule kaihthawh in a um tau a.

MATTHAI 27:52 ပူးပေါင်းရင်းမြစ်များ

ISAI 26:19

Na mithi te chuh hung hing kit untin, a luongteu chuh hung tho kit ina. Aw nang haw leivui a ipmute haw, hung tho unla, kipahna la sau in. Na dâichîm chuh thaichi dâichîm bang ahi a, hun sawt taka ana thite chuh lei hin hun paih dawk ding ahi ngâl a, tih hi.

1 THESSALONIKA 4:14

Isu a thi a, a tho kit tai tih I ginchak ngâl u chun. amah gingcha a na ipmusate chuh, Pathien in Isu tawh kitawn in puikit ding ahi ngâl a.

1 KORINTH 15:20

Himahlele, Krista chuh, mithi lak apat kaihthawh in a um hi tih hi thudik ahi a; mithite thawh mapuipa a hung hi tai.

DANIEL 12:2

Chun, a lak uh a mi tamtak leivui a ipmusate chuh hung khanglo un tin, khenkhat chuh kumsawt hinna chang dingin, khenkhat chuh zahchâkna leh kumsawt muhsitna chang dingin hung tho kit un au.

ISAI 25:8

Tichun, thihna chuh a valh den ta a, Lalpa Pathien chun mi cheng cheng chuh a mitthiu thiekhul sak ta’n tin; mite zahchâkna chuh leichung pumpi apat in lâkmang sak ta’n a. Lalpa ngêi chun a gen ta ngâl a.

1 THESSALONIKA 5:10

I thih un le, I hin un le, amah tawh a hung phat leh I chen khawm theihna dingun, I thih sik un a thi ta ngâl a.

1 KORINTH 15:51

Ngaitiem u, thuguk ka hun hilh ding na hiu hi: I bawn un a na ipmu khel puoi ting uh, himahlele, I bawn un, pengkun nunung pên git tieng chuleh, chawmlo kalin,

HOSEA 13:14

Zie mite hi thihna khawvel apat in ka hukdawk dinga ahim? Thihna apat in amau chuh ka hukdawk dinga ahim? Aw thihna na gute chuh khawia um ahi ta’m? Aw Sheol, na sietna chuh khawia um ahi ta’m? Zie mite hi lungsiet lo hiel ding ka hi, lunghei leu le, bengkhawn puo’ng ka.

1 KORINTH 11:30

Zieziekchun ahi, na lak uh a mi tamtak zawngkhal in, na nat lawh uh a, tamtak na thih lawh u chuh.

NASEPTE 7:60

Chun, a khupdin a, aw ngeih tak in a kiko a, “Lalpa, zie a thilhih gitloh u hi, a chungu ah mawh puok sak ki’n,” a ti a. Chun, zie thu chuh a gen zawhin, a ipmu ta a.

2 LENGTE 13:21

Chun, mi thi khat a vuih ding lai tak un hiti hi ahi a, ngaitiem u, mi lawikhat a vak muu a, tichun, zie pa chu Elisha thân achun a khethasuk zieng u a; a taihsan tau a. A luong chun Elisha guh chu a sukkhak phet chun, a hung hing kit a, a hung ding dawk ta a.

JOHAN 11:11

Isu’n zie thu haw chuh a gen zawhin, a kawm u ah, “I guolpau Lazarus chuh a ipmu ta a; a ipmu phawng dingin chieh ding ka hi,” a ti a.