MATTHAI 27:2 - PATHIEN LEKHABU THIENGTHO (BSI)

² Khutichun, Amah chuh a kân u a, a puidawk uh a, gamsung vaihawmpa Pilate kawmah a pie tau a.

MATTHAI 27:2 ပူးပေါင်းရင်းမြစ်များ

NASEPTE 3:13

Abraham te, Isak te, Jakob te Pathien, ei suonteu Pathien chun, a suok Isu hi a limbawl ahi ta hi. Amah chuh na matsak u a, Pilate in thahdawk a guot nasan inle, a masang ngêi ah na deih loh uh ahi kha.

MATTHAI 20:19

nuihsan a mat ding leh, zêp ding leh kross a khetdên ding in Jentel te kawmah pie’n au; chun, ni thum ni, leh kaihthawh in um ina,” a ti a.

1 TIMOTHE 6:13

Pathien, thil tincheng kawma hinna piepa leh, Krista Isu, Pontia Pilate ma a phuon pha a phuongpa masang achun thu ka hun piek na hi;

LUKE 13:1

Chun, zie lai tak chun, Galili gama mite Pilate in a thah a, a thisan uh kithawihna sa tawh a helkhawm sek thu chuh mi khenkhat in a hung gen u a.

HEBRAI 13:3

Suongkul tângte chuh, nang haw tawh tâng khawm bangin ngai zingun la; sukgimtheih thuokte chuh, nang haw le, sapum a um na hih ziekun geldawk zing un.

2 TIMOTHE 2:9

Zie Chanchin Pha chuh ka gen zieka thuokin, dân bawhsie banga kawl buh sak natieng hielin ka um ahi kha. Himahlele, Pathien thu chuh kan in a um puoh a,

NASEPTE 28:20

Ziezieka chuh, nang haw hi hun hopih ding leh hun kimuhpih dinga ka hun sap ahi. Israel te kineppih pa zieka zie thikkhau hi but ka hi,” a ti a.

NASEPTE 24:27

Himahleh, kum nih a kivel nung in, Porkias Festas chun Felix chuh a theng dawk ta a; chun, Felix chun, Judate laka min phat a nawp ziekin, Paul chuh kansa’n a nusieh ta a.

NASEPTE 22:29

Ziephet chun, amah sinsadawt dinga chiehte chun a taihsan pai tau a, sepaih zalawiupa chun le, Rome mi a hi tih a het ziek leh, a kân ziek chun a lau ta a.

NASEPTE 22:25

Chun, savun khau a a kân phet u chun, Paul chun a kienga ding sepaih lawiupa kawm achun, “Rome mi himhim, mawh chansak a hih loh chun zêpna ding thuneihna na nei um?” a ti a.

NASEPTE 21:33

Chun, sepaih lawiupa lienpen chuh Paul kawmah a va chieh a, a man a, thikkhau nih buh sak ding thu a pie a. Ziephet chun, “Zie pa hi kuo ahi? Banga a hih siet?” ti’n a dawng a.

NASEPTE 12:6

Chun, Herod chun a puih dawk ding ni, zie zan tak chun, Peter chuh sepaih nih kikal ah, thikkhau nih but in, a ipmu a; a chingte le kawtkhak bula um in, suongkul chuh a veng u a.

NASEPTE 9:2

Chun, Damaska khuo a kikhawpna In cheng chenga mihaw kawma piek dingin lehkha a ngên a, ti a chu, mi kuole, Lalpa Lampi zuia pang a muh chun, numei hileh, pasal hileh, Jerusalem khuo a kansa a a hun puih theihna dingin.

NASEPTE 4:27

Zie khawpi a hin, na Suok Thiengtho, na thau nuh Isu do ding chun, Herod leh Pontia Pilate tawh, Jentel te leh Israel mipite chuh, a kigawm khawm tak zet uh ahi.

JOHAN 18:24

Chun, Annas chun, kansa’n Thiempu Lienpen Kaiapha kawm achun a sawl ta a.

JOHAN 18:12

Khutichun, sepaih lawi tawh, a lawiupa lienteu tawh, Juda mi mante chu tawh, Isu a man u a, a kân u a,

LUKE 20:20

Khutichun, hun lemchâng a hawl tau a. Tichun, mi huntieng, mipha tak hileh kilawm taka va um dingin a gawlhguu a; Isu chuh Rome gam vaipawpa thuneihna leh, thilhih-theihna khuta a piek theihna ding u a, a thugen khiel chângtha ding leh, man dingin a sawl tau a.

LUKE 3:1

Chun, leng Tiberius lal a kipat, kum sawm leh kum nga kum in; Pontia Pilate chuh Judia gam vaipuo ahi a, Herod chuh Galili gam vaipuo ahi a, a suohpihpa Philip chuh Iturea leh Trakonitia gambung khena vaipuo a hi a, Lusania chuh Abilene gam vaipuo ahi a,

THILSIEMBUL 22:9

Chun, Pathien in a hilhna mun chuh ava tung tau ui; chun, Abraham in zie tak achun maichâm a siem a; thing chuh a sep khawm a, a chapa Isak chuh a kan a, maichâm a thing chung achun a siel ta a.

MATTHAI 28:14

Tichun, gam vaipawpa’n zie chuh a na het tieng leh, amah chuh thêm lungdam ing ka ting un; tichun, hun hukdawk thei ding ka hiu hi,” a tiu a.

LUKE 23:1

Khutichun mipi haw cheng chuh a kipan u a, Isu chuh Pilate kawmah a pui tau a.

LUKE 23:12

Chun, zie ni mah chun, Herod leh Pilate chuh a kituok ten u a; zie macheng chuh a na kimelma zing ahiu hi.

JOHAN 18:28

Chun, zingkal matak in Isu chuh Kaiapha In apat chun, gamvaipuo pa In achun a pui u a. Juda lawiupa haw chuh vang leng in achun a lut puou hi, khutilochun, kisubuok un tin uh, Chiehkân Kut an ne theilo ding a hih ziekun.

VAIHAWMTE 15:12

Chun, amau chun a kawmah, “Nang hi khauhuol a hun kân a, Philistia te khuta hun pie ding a hungsuk ka hiu hi,” a tiu a. Chun, Samson chun, “Nang u hin ei that lo dingin ka kawmah kipautiem un,” a ti a.