MATTHAI 26:53 - PATHIEN LEKHABU THIENGTHO (BSI)

⁵³ Tuhin le, vânsâwlchâk sanggup mun sawm le mun nih sanga tamzaw ei hun sawl sak dingin ka Pa kawma ngên thei lo dingin nei gingchau a ahi leh?

MATTHAI 26:53 ပူးပေါင်းရင်းမြစ်များ

MATTHAI 4:11

Zie nung chun Diabol in a taihsan ta a; tichun Vânsâwlchâkte a hung u a, a na a hung sep sak tau a.

2 LENGTE 6:17

Ziephet chun, Elisha chu a paucham a, “Aw Lalpa, a mit sukvak sak inla, muh sak in,” a ti a. Lalpa’n a pauchamna chu a dâwng a, tichun, Elisha suokpa chun tâng panga sakawl hawn leh mei kangtalai, Elisha kimvela um chu a mu ta a.

LUKE 8:30

Chun, Isu’n a kawmah, “Na min bang ahi?” a ti a. A sunga thitha tamtak a lut ziekin, “Ka min chuh, Nuoi ahi,” ti’n a dawng a.

DANIEL 7:10

Zie tak apat chun luicha tawbang in mei a luong dawk zungzung ta a. Mipi sang tam takin a na a sep sak u a, a masang achun a singa sing tamtak a ding u a; vaihawmna a hung kipan ta a, lehkhabute chuh phetin a um ta a.

JUDA 1:14

Chun, ziete kawm achun, Adam a thâk a khang sagihna Enok chun, hun sawttak apat in a chanchin uh chuh a na genlawk ahi tai,

2 THESSALONIKA 1:7

tichun, nangmau haw chunga leh, keihaw chung ahin chawlhdamna ei pie’n a. Zie chuh, Lalpa Isu van a kipat, a vânsâwlchâk hattak tawh,

MATTHAI 25:31

“Mihiem Chapa hi leng guola a vânsâwlchâkte tawh a lopina a kithuoma a hung tieng leh, a lopina chutphah chungah chu’n tin, a ma achun namtin kikhawm un au.

MARK 5:9

Khutichun, Isu’n “Na min bang a?” a ti a. Ama’n a dâwng a, “Ka min chuh Nuoi ahi; tamtak ka hi ngâl u a,” a ti a.

MARK 5:15

Tichun, Isu kawm a hung tun phet u chun, thitha mat, nuoi in a mat khah, puon silh a, lungthim ngêi pu chun a va muu a; tichun, a lau tau a.

JOHAN 10:18

Kuoma’n ei lâksak thei puo’n a. Keimah thu thu a pie ding ka hi zawi. Pie thei ka hi a, la kit thei le ka hi. Ziehi, ka Pa’n thu ei piek chuh ahi,” a ti a.

JOHAN 18:36

Isu’n a kawmah, “Ka lalgam chuh zie khawvel hih a hi puoi; ka lalgam chuh zie khawvel hih a na hi leh, kei ei zuite chun, Juda thuneitu te kawma pieka ka um ding chuh a na do ta’n au. Himahlele, ka lalgam chuh zie khawvel a hih ahi puoi!” ti’n a dâwng a.