MATTHAI 26:52 - PATHIEN LEKHABU THIENGTHO (BSI)

⁵² Isu’n a kawmah, “Na chemzâm kha a pai ah thun kit ah; chemzâm mangte chuh chemzâm mah in thi ding ahi ngâl un.

MATTHAI 26:52 ပူးပေါင်းရင်းမြစ်များ

THUPHUON 13:10

Kuole, sala mat dingte chuh, sala mat in a um sek ui; kuole, chemzâma thah dinga umte chuh, chemzâm mah a thah in a um sek ui. Zie hin, mi thiengthote thuokhatna leh taksanna chuh a hung kilang dawk sek hi.

THILSIEMBUL 9:6

Kuole mihiem thisan suoh ta chuh mihiem mah in amah thisan le a suoh ding ahi; mihiem hi Pathien batna nei a siem ahi ngâla.

ROME 12:19

Deihtakte haw, kiphulak tuoh kiu in, Pathien lungnat awt zawu un, “Phuba himhim kei lak ding ahi, Keima’n dinthuk ing ka, Lalpa’n a tii” tih zik ahi ngâl a.

1 PETER 3:9

Gitloh chuh gitloh in din kiu inla, vang pie zawu un. Zie zieka hi sap na hiu hi, vangpiekna chang dingin.

THUPHUON 16:6

Amau haw chun mi thiengthote leh thiemgaute thisan kha a na suoh uh a, nangin thisan dâwn dinga na piek thuk hi, dâwn tak him ahiu ie!” a tih uh ka za a.

SAM LEHKHABU THE PSALMS 55:23

Himahleh, Aw Pathien, nangin amau haw chuh beihmang na kawkhuk achun chieh suk sak inla: Thisan suoh hât haw leh milepbawl nuom haw chu a dam ding chan uh kimkhat le dam zo puo’n au; Kei vang chun nang hun gingcha’ng ka.

1 THESSALONIKA 5:15

Kuoma’n, kuo gitloh le, gitloh a dinthuk lo dingin chingthei un, na thil kihih sak tuoh na lam uh leh, mi chengcheng chunga na hih sakna lam uh ale, a phata delh zing zawu in.

MATTHAI 5:39

Ken chuh ka hilh na hiu hi: Na chung u a gilote chung achun phuba la kiu in. Kuon le, na bieng changlam u a bet u chun a lehlam le dawh un.

PAWTDAWKNA 21:12

“Kuo’n le mi a zêp a, a thih chun, amah chuh thah thuk ngêi ngêi ding ahi.