MATTHAI 26:41 - PATHIEN LEKHABU THIENGTHO (BSI)

⁴¹ Thepna a na lut lohna dingun kiging zingin paucham un; thagau vangin a ngâp a, sapum vang chuh a hatlo ahi,” a ti a.

MATTHAI 26:41 ပူးပေါင်းရင်းမြစ်များ

LUKE 22:46

Tichun, a kawm u ah, “Bangati a ipmu na hiu hi? Tho unla, thepna a na lut lohna dingun paucham un,” a ti a.

MARK 14:38

Tichun, a kawm u ah, “Thepna a na puk lohna dingun kiging zing unla, paucham un. Thagau in vang a ngâp a, taksa vang chuh a hatlo ahi,” a ti a.

EPHESI 6:18

ziehaw chuh, bang hun ale, Pathien kawmah paucham in ngên zawu in. Hun tin ah, thagau in a hun puih bang zelin paucham un. Zie ziek tak hin, kivêng phau inla, Pathien mite dingin paucham zingun.

MATTHAI 6:13

Thepna ah ei puilut ki’n la, Gitloh apat in ei hukdam zaw’n; Gam leh, thilhih theihna leh, lopina chuh, Kumsawt in nanga ahi ngâl a. Amen.’

LUKE 21:36

Zieziekchun, zie thil hungtung dingte chuh pel tâk leh Mihiem Chapa masanga ding tâka guot na hih theihna dingun, bangtik lai inle paucham kawmin khawningai un,” a ti a.

THUPHUON 16:15

“Ngaiin! gucha guola hung vak ding ka hi ie! Kiging a, puontum chengsa a um zingte chuh a hamphau ui; khutilochun, sangawn a vakin, mite mitmuh in zahhuoi takin um kha’n au ie!” ti’n.

1 KORINTH 16:13

Kiveng unla, taksanna achun ding det unla; hangsan takin um unla, hât takin um un.

1 PETER 5:8

Pilkieu unla, khawthengai un! na kilanpih uh Diabol chun, keipi bakkai kitum sek bangin, a nek theih ding hawl in a kipei hethut sek hi.

1 KORINTH 10:13

Mihiem thuok theih bang ngâllo chuh, thepna himhim na chungu ah a tung kha ngâl puoh a. Pathien in a thutiem chuh a vawp zing a, na thuok theih val u chuh, na chung u a thepna a tun phal puo’n a; thepna na tuok phat u leh, zie do zawhna ding chun hatna hun pie’n tin, tichun, taih dawkna ding hun siem sak zaw’na.

2 PETER 2:9

Khutichun, Lalpa chun amah khawksakte chuh thepna apat hukdawk dân leh, mi nunsiete chuh Vaihawm Ni a ding chun gawt kawma sit dân a hêi;

MATTHAI 24:42

Khutichun, khawthengai un, na Lalpau chuh bang ni a hung ding ahi tih na he puou hi.

THUPHUON 3:10

Thuokhat dinga ka hun thupiek chuh na vawp zing ziekin, ken le khawvel a patepna, leia mi chengcheng chunga hungtung ding buoina lak apat chun hun humbit ing ka.

1 PETER 4:7

Himahlele, thil chengcheng tawpna ding chuh a nai ta a. Zieziekchun, na paucham theihna dingun, lungthim diktak pu’n, chingkieu in um un.

LUKE 22:40

Chun, a mun chuh a va tun phetin, a kawm u ah, “Thepna a na lut lohna dingun paucham un,” a ti a.

GALATI 5:24

Chun, Krista Isu a umte chun, phehlevo chuh, a gitloh ngaihtuohna leh a utchakna pum in a khêndên tau hi.

1 KORINTH 9:27

Ka sapum ka thunun theihna dingin ka kilumziela, suok in ka siem sek; khutilochun, mi dangte kawma chanchin pha ka tângsappih nung in, keimah ngêi le ting lo na hi kha’ng ka.

MATTHAI 25:13

“Khutichun, kiging zingin um un, a ni leh a phat na he ngâl puou in.

SAM LEHKHABU THE PSALMS 119:32

Na thupiek lama chun tai ing ka ting, Ka lunggil hi na hihlet tak chuleh.

MATTHAI 26:38

tichun, a kawm u ah, “Ka lungthim a lungkham mah mah ta a, thihna kham hiel ahii; taka hin um unla, nei ven pih un,” a ti a.

SAM LEHKHABU THE PSALMS 119:1

Lampi haw a mipha bukimte chuh a hamphau ui, Lalpa dân hawhte chuh.

ROME 8:3

Phehlevo zieka Dan chuh a hatloh a, a hih theih guol loh chuh, Pathien in amah Chapa ngêi, phehlevo gitloh bang pu’n, gitloh thawihna dingin a hun sawl a, phehlevo a gitlohna um chuh mawh a hun chansak ta a:

LUKE 11:4

Ka gitlohnateu ei ngaidam inla, Kei un le ka chung u a thil hihkhielte ka ngaihdam bangun. Thepna ah ei puilut ki’n,’” tiu in a ti a.

LUKE 8:13

Chun, suongteu chunga kie chuh zie tawbang hi ahiu: a het het u a, thu chuh kipâk taka pawm zieng; himahleh zung himhim a nei puou a, chawmlo kal mai a awi u a, patepna a hung um tieng a puk mang kit sek ui.

SAM LEHKHABU THE PSALMS 119:117

Ei kai inla, tichun bit ing ka, Na thuguot haw chuh khawksa zing ding ka hi.

SAM LEHKHABU THE PSALMS 119:115

Nang haw thil phalo hih te haw, ei taihsan un; Ka Pathien thupiekte ka vawpphat theihna dingin.