MATTHAI 24:9 - PATHIEN LEKHABU THIENGTHO (BSI)

⁹ “Zie tieng chu leh gawtna thuok dingin hun matsak untin; hun that un tin uh ka min ziekin nam chengcheng muhdah hi’n lau.

MATTHAI 24:9 ပူးပေါင်းရင်းမြစ်များ

JOHAN 16:2

Kikhawpna In apat a nawhdawkin um un na tin uh, chuleh, Pathien chunga thilpha bawla kingai a, nang haw a hun thah hun uh hung tung ding a hi.

THUPHUON 2:10

Na thil thuok ding haw hi lau ki’n; ngaitie, patepa na um theihna dingin, Diabol chun na lak uh a mi khenkhat chuh suongkul a hun khum ding a hii; tichun, ni sawm sung gimtheihna thuok unlau. Himahlele, thih tiengin taksanum in na um in, tichun, hinna lallukhuk chuh hun pie’ng ka.

LUKE 21:12

Himahlele, zie thil haw a hungtun masang chun, hun man untin, hun sugimthei untin uh; kikhawpna In ah na chung thuu tan dingin hun pie dawk untin, suongkul ah hun khum un au; ka min ziekin lengte leh vaihawmte masangah hun pui un au.

THUPHUON 7:14

Kei chun a kawmah, “Hepu, ka he puoi, nangin na he’i” ka ti a. Amah chun ka kawmah, “Ziehaw hi, gimtheihna nasatak apat a pawtte khah ahiu a, Belamno thisana a puon uh sawp vamte ahiu hi.

1 PETER 4:16

Himahlele, Kristien a hih ziekin thuok mahleh, zakcha kihen; Krista minpu na hih ziekuh chun, Pathien pakcha zawu hen.

THUPHUON 2:13

Na umna, Setan chutphah umna khah ka hêi; keia dingin taksanum takin na um a, ka thu ei hetpihpa Antipas, Setan umna a, na lak uh a a thah uh, ka mi taksanum tak, umlai nasan khan le, nei taksanna hi na kilepsan puoh a.

NASEPTE 7:59

Khutichun, Stephan in, “Lal Isu, ka thagau la ta’n,” ti a Lalpa a sap lai in, suongin a sep sausau u a.

LUKE 11:49

Zieziekchun, Pathien Thupil inle: ‘A kawm u ah thiemgaute leh thupuo te sawl ing ka ting, khenkhat chuh that untin, khenkhat chuh a na sugimthei un au,’

MATTHAI 23:34

Ngaitiem u, ziebang tak chun na kawm u ah thiemgaute, miching te, danthuzikte hun sawl ding ka hi; abang chuh that un na tin uh, kross ah khên den unlau, a bang chuh na kikhawpna In hawu ah savun khau in zêp un na tin uh, khaw tin ah bawl gimthei zui zel unlau.

NASEPTE 28:22

Amahvang chuh, zie pawl, na panna pawl a mite hi gamtin ah gensiet a hiu a, nangin bangti’n a na ngaih, zak ka nuom ui,” a tiu a.

MATTHAI 22:6

mi dangte chun a suokte chuh a man u a, zahhuoi takin a bawl u a, a that tau a.

THUCHINGTE 29:27

Mi diktatlo chuh mi diktatte ngaih in kihdak-um ahi a; himahleh, dik taka hih chuh migilote ngaih in kihdak-um ahi.

DANIEL 11:33

Lawiupate laka miching te chun mi tamtak hetthiem sak untin, himahleh, hun chawmkhat sung chuh a lak u a khenkhatte chuh kidonaa thah ahim, meia hâllup ahim in um untin, khenkhatte chuh suoma um in, suongkul a khum in um in au.

JOHAN 15:18

“Khawvel in a hun hawt u leh, a hun hawt mau in kei ei haw tau hi tih na he tau hi.

JOHAN 15:21

Himahleh, keia na hih ziekun ziehaw cheng hi na chungu ah hih un au, ei sawlpa a het loh ziekun.