MATTHAI 24:5 - PATHIEN LEKHABU THIENGTHO (BSI)

⁵ Mi tamtakin, ‘Krista chuh ka hii,’ tin ka min in hung untin, mi tamtakin hun dawha bawl ding a hi ngâl uh a.

MATTHAI 24:5 ပူးပေါင်းရင်းမြစ်များ

MATTHAI 24:24

Krista lêmte leh thiemgau lêmte hung pawt ding ahi ngâl uh a. Ziete chun melchikna nasatak leh, thilmak lopitak hun etsak un au, a hihtheih diek chun, telte nasan le hun dawha bawl ding ahiu hi.

MATTHAI 24:11

Chun, thiemgau lêm tamtak hung pawt un tin, mi tamtak hun thêm un au.

JEREMIA 14:14

Chun, Lalpa chun ka kawmah, “Thiemgaute chun ka min in lepchieh a genlawk sek uh ahi chu; amau chuh ka sawl puoh a, thu ka pie puoh a, amau chuh ka hopih puoi. Kilâkna diklo haw, phunsân mantakloh haw leh a lungthim uh a lepbawlna chuh a genlawk uh ahi chu,” a ti a.

1 JOHAN 2:18

Naute, hun nunung pên chuh a nai tai! Krista dodilpa hung ina tih, na zak uh khah, tuhin le Krista dodilte tamtak a hung pawt tau hi; zieziekchun, hun nunung pên a nai tai tih I heu ie!

JEREMIA 23:25

Ka mangmat hi, ka mangmat hi, ti a ka min a zuou gen thiemgaute a genlawk chuh ka za tai.

JOHAN 5:43

Ka pa thu a hung ka hi a, himahleh, nang haw’n nei lawp puou hi; mi dang amah thu’n hung leh, amah chuh na lawp unlau.

THUPHUON 13:8

Tichun, lei chunga um chengcheng, lei kisiem tunga thahsa Belamno Hinna Lehkhabu a min zik loh taphawtte chun, Pathien ho tawbang in ho un au.

JEREMIA 23:21

Thiemgaute chuh, ka sawl loh in a tai uh a, a kawmuh a thu ka gen loh lai inle a genlawk u a.

JEREMIA 37:9

Lalpa chun hiti hin a tii: ‘Kaldai te chun ei taihsan ding ahiu hi,’ ti’n nang u leh nang uh kithem kiu un; hun taihsan lo ding a hih ziekun.

JOHAN 8:24

Zieziekchun ahi, na gitloh uh nei zingin thi’n lau ka hun tih khah. ‘Amah chuh Kei ka hi’ tih na ginchak loh u chun, na gitloh uh nei zingin thi tei un lau,” a ti a.

JOHAN 8:28

Khutichun, Isu mah in a kawm u ah, “Nang un Mihiem Chapa hi na khaih kâng nung u leh, amah chuh ka hii, tih leh. Ken, keimah thu’n thil bangmah ka hih puoi, Pa’n ei hilh guol zel in zie thu haw hi ka gen zawk sek a hi tih hun he ding na hiu.

1 JOHAN 2:22

Isu chuh Krista a hi puoi, tite khela lepchieh kuo a um? Krista dodilte chuh, Pa leh Chapa kilepsan nuomte hi ahiu hi.

1 JOHAN 4:3

Himahlele, thagau tapoh, Isu Krista panpih lo chuh, Pathien a hung kuon ahi puoi; zie chuh Krista dodilpa, thagau hung ding na zak u khah ahi a, tuhin le khawvel a um zingsa ahi tai.