MATTHAI 23:9 - PATHIEN LEKHABU THIENGTHO (BSI)

⁹ Chun, lei chunga hin kuomah, ‘Hepa’ ti kiu in, na Pau chuh khat chauh ahii van a um khuh.

MATTHAI 23:9 ပူးပေါင်းရင်းမြစ်များ

1 JOHAN 3:1

Ngaitiem u, Pa’n ei hehpihna a nasa na e! “Pathien chate,” ti a, ei minvawh tak uh hi; khutibang chuh I hi him ui. Zieziek hin khawvel in ei uh ei het loh uh ahi, amah chuh a het loh ziekun.

HEBRAI 12:9

Zielo chun le, ei thunun dingin, mihing lam ah pate le I nei u kha, ziete haw chuh I zah ngâl uh a. Ziehaw sanga nasazaw chun, I hinna dingun, thagau lama Pa thu thu’n um lo ding I hiu hi?

MALAKI 1:6

Chapa chun pa a zah sek a, suok chun a pu: “Kei hi Pa ka hih chun nei limbawlnau chuh khawitak a um ahi? Kei hi hotu ka hih chun, nei zahnau chuh khawitak a um ahi? Bangkim hihthei Lalpa’n a tii. Aw ka min musit thiempute haw, ‘Banga khan ahim ka hun muhsit uh?’ na tiu a.

MATTHAI 7:11

Khutichun, nang haw migilote’n bawn na chateu thilpha piek na dân na het u chun, na Pau van a um chun a ngente chuh thilpha pie zaw khawp lo ding maw?

1 KORINTH 4:15

Krista achun sinsakpa singkhat nei mah leu chin le, Pa vang khat mai na nei ui. Chanchin Pha na kawm u a ka hung gen ziekin, Krista Isu tawh na kizawpnau achun, na pau ka hi tai.

2 KORINTH 6:18

Nanguh dingin Pa hi’ng ka ting. Nanguh le, kei dingin chanu, chapa hi’n lau,” Lalpa, Bangakai hihtheipa chun a tii.

NASEPTE 22:1

“Suohpihte haw. Pate haw, tuhin na kawm u ah ka thiemna thu, nang haw hun hilh ding ka hi, ngaithau in,” a ti a.

2 LENGTE 2:12

Chun, zie chu Elisha chun a mu a, “Hepa, hepa! Israel te kangtalai leh sakawl chung chuong te lawiupa!” ti’n a kiko a. Elija chu a mu kit ta puoh a. Tichun, amah a mu thei ta puoh a, chun, amah puon chu a la a, phel nih in a bawtthêk a.

MATTHAI 6:32

(Ziehaw chuh Jentel ten a hawl sek uh ahi.) Ziehaw chengcheng chuh na sinmawh uh ahi tih na Pau van a um in a he ngâla.

2 LENGTE 13:14

Chun, Elisha chu a thihpih ding natna’n a hung na ta a; tichun, Israel leng Jehoash chu a kawmah a va chieh a, a kah a, “Hepa! hepa! Israel te kangtalai leh sakawl chung chuong mite lawiupa!” a ti a.

2 LENGTE 6:21

Chun, Israel leng chun Suria mite chu a muh chun, Elisha kawmah, “Hepu, amau haw hi ka that die? Ka that die?” a ti a.

MATTHAI 23:10

‘Lamkaite’ tih dingin le um kiu in, na lamkai u chuh khat chauh ahi,