MATTHAI 22:3 - PATHIEN LEKHABU THIENGTHO (BSI)

³ Tichun, guolvakna an a siem chuh ne dingin a mi chielte sam ding chun a suokte a sawl a, himahlele a hung nuom puou a.

MATTHAI 22:3 ပူးပေါင်းရင်းမြစ်များ

THUPHUON 22:17

Thagau leh mo chun, “Hung ah,” a tiu a. Kuole, a za ta cheng chun, “Hung ah,” tiu hen. Dangchâk ta cheng hung uh hen; a nuom ta chengin Hinna tui hi a thawn in hung kilak u hen.

ROME 10:21

Amahvang chuh, Israel mite chungchâng thu a chun, “Mi genhak leh nielhatte dingin ni tumin ka bân haw ka zak sek kha,” ti’n a gen a.

JOHAN 5:40

Himahleh, hinna nei dingin ka kawmah na hung nuom puoh ngâl u a.

NASEPTE 13:45

Himahlele, Judate’n mipite chuh a muh phet un, a mitthîp mah mah tau a; Paul thugen chuh a nielkalh u a, a zehawt ten tau a.

LUKE 19:27

Tuhin, zie ka melmate, a chung u a, vaihawm dinga ei deih lote hi hun pui unla, ka masang ngeia hin that un,’” a ti a.

LUKE 15:28

Ziephet chun, a lungna ta a, In sung achun a lut nuom ta puoh a, tichun, a pa a hung pawt a, lut dingin a thêm ta a.

LUKE 13:34

“Aw Jerusalem, Jerusalem, thiemgau haw that, na kawma thupuo a hun sawlte suong a sep lum! Akpi’n amah note a tha nuoia a awp khum guolin, na chate bang zat vei a awp khum ka guot tâk kha! Himahleh na ut ngâl puou a.

MATTHAI 23:37

“Aw Jerusalem, Jerusalem, thiemgau haw that, na kawma Pathien in thupuo a hun sawlte that a, suong a sep lum! Akpi’n a note a tha nuoia a awp khawm guolin, na chate bang zat vei a awp khawm ka guot khah! Himahlele, na ut ngâl puou a.

MATTHAI 3:2

“Lunghei un, vangam chuh a nai tai,” tin.

ZEPHANIA 1:7

Lalpa ni chuh a nai ta a, Pathien in a nasep ding a hun sepna ding ngêi chuh: zieziekchun, a masang achun thip kêi in um un!

HOSEA 11:7

Ka mite chun ei kihei mangsan guo zing u a. A chung u a namkawl kibat ziek chun Chungnung pên pa chuh sam untin, mahleh kuoma’n lakthak sak puo’n a.

HOSEA 11:2

Himahleh, ka hah sap phawt leh, kei apat in a taimang gamla zaw deuh a. Baal kawmah a kithawi u a, milim siemkawmte kawmah gimlimte a hâl u a.

JEREMIA 35:15

Ka nasem thiemgaute chuh chawllo in na kawm u ah ka hun sawl a: na umdan gilo u apat in hung kihei kit unla; na lampiteu chuh hei zang unla, pathien dangte na sem kiu in; tichun na pileputeu kawma gam ka piek achun cheng un lau, ti’n; Himahleh na ngaihsak puou a, na zui diek puou hi.

JEREMIA 25:4

Lalpa’n na kawm u ah a nasem thiemgaute a sawl sek a, zingkal vaima taka tho in a hun sawl a, himahleh, na ngaitha puou a, za dingin na bil u le na dawh diek puou hi!

ISAI 30:15

Lalpa Pathien, Israel Mi thiengtho chun, “Vaikit un la, muong takin ei gingcha mai leu chun; hukdam in um in na tin un; thipkêi in ei gingcha mai leu chin hung hât un na tin, bit un lau,” a ti a. Himahlele, na nuom ngâl puou a.

SAM LEHKHABU THE PSALMS 68:11

Lalpa’n thu chuh a pie seka Chanchin suoh haw chu pawl lien tak ahiu hi.

1 SAMUEL 9:13

Khuo na lut lut u leh munsanga an ne dinga a chieh masang in vamu zieng inlau; kithawihna chu a vangsak ding ahih ziekin ahung masang sieh mipite’n an nelo ding ahiu hi; zie nung chuleh a mi chielteu chun a nek sek uh ahi. Zieziekchun chieh to meng leu chin, va mu pai zieng inlau,” a tiu a.

HEBRAI 12:25

Thugenpa chuh a na deih lo kha’n lau, chingthei un! Lei a amau haw hilhgaihna thugen ana ngai lote bawn a suohchak loh uh chun, van apat a I kawm u a thu hun gen pa nungngatte hih, suokcha mawh zawsem hitiu!

MATTHAI 21:34

Chun, a gah lawh phat a hung hih phetin, a chanvo la dingin a ngakte kawm achun a suokte a sawl a.

MATTHAI 9:15

Isu’n a kawm u ah, “Mo puite kawma a pasal ding a um lai cheng chuh mo puite chun a sun thei u a ahim? Himahlele a pasal ding chuh a kawm u apat puihmang ni hung tung intin, zie tieng chuleh an hun ngâwl un au.

HEBRAI 9:15

Zieziekchun, Krista chuh Thugawlh Thak palai a hii, thugawlh masa nuoia sukkhelhna haw laka pat tatna’n, mi a hung thih tâk ziekin, sap a umte chun kumsawt goluoh ding thutiem chuh chang thei un au.