MATTHAI 22:18 - PATHIEN LEKHABU THIENGTHO (BSI)

¹⁸ Himahlele, Isu’n a thiltup gûk uh phatloh dân chuh a na he a, “Nang haw, mi gukhahte haw, bang dinga ei zedap? Sieh dangka chuh ei etsak u,” a ti a. Tichun, a kawmah makhai khat a hun lau a

MATTHAI 22:18 ပူးပေါင်းရင်းမြစ်များ

JOHAN 8:6

Zie thu chuh amah mat theihna dingin a gen uh ahi, a hêkna ding a muh theihna dingun. Khutichun, Isu a khun a, a khutzung in leituol a zik a.

JOHAN 2:25

A chanchinhawu chuh kuomah hilh a ngai puoi, amah ngêi in a lungthim u a um haw chuh a he ngâl a.

LUKE 5:22

Khutichun, Isu’n a ngaihtuoh u chu a he a, a kawm u ah, “Bang zieka na lunggil u a zie bang thil chuh na ngaihtuoh u a?

THUPHUON 2:23

A nungzuite cheng chule that ing ka ting, tichun, kei hi mi tin ngaihtuohna he pa leh, en pa ka hi tih, sapchuom haw lawi chengcheng chun he ta’n au. Na lak uh a mitin, a thilhih dungzui chiet un dinthuk ing ka.

NASEPTE 5:9

Ziephet chun, Peter in a kawmah, “Bangati a Lalpa Thagau zedapna a kithuguol na hiu hi? Ngaitie! na pasal vuite kengpekhaw chuh kawtkhak bul ah a hung um tai, nang le hun zawn dawk un au!” a ti a.

LUKE 20:23

Himahleh, Isu chun, a lungthimbawl ui tih a he a, a kawm u ah,

LUKE 10:25

Chun, ngaitie, dân sinsaktu khat a hung dawk a, Isu zedapna dingin, “Sinsakpa, kumsawt a hinna ka chan theihna dingin banga ka hih ding?” a ti a.

LUKE 9:47

Himahleh, Isu’n a ngaihtuoh hawu chuh a he a, chapang khat a kai a, a sik ah a din sak a,

MARK 12:5

A dang a sawl kit a, amah chuh a na that u a, a dang tamtak le a sawl a; khenkhatte chuh a zêp u a, khenkhatte chuh a that tau a.

MARK 2:8

Chun, Isu’n, a lunggil un zie bang chun a ngaihtuoh ui tih a lungthim in a he pai zieng a, a kawm u ah, “Zie thu haw chuh bangati a na lungthim u a ngaihtuoh?

MATTHAI 19:3

Chun, Pharisaite khenkhat a kawmah a hung u a, a mah zedap na’n “Bang ziek hita leh mi’n a zi mâk a thieng dem?” a tiu a.

MATTHAI 12:15

Himahlele Isu’n zie chuh a het phetin zie apat chun a chieh mang ta a. Chun, mipi tamtak in amah chuh a zui u a, damlo chengcheng chuh a na hihdam suok ta a;

MATTHAI 22:17

Zieziekchun, bangti’n na ngai a? Kei uh ei hilh tie khai! Kaisar kawma sieh piek hi a dân ahi, hilo?” a tiu a.

MATTHAI 22:19

Chun, amah chun a kawm u ah, “Ziehi kuo lim leh kuo min a leh?” a ti a. Amau haw chun a kawmah, “Kaisar,” a tiu a.