MATTHAI 22:16 - PATHIEN LEKHABU THIENGTHO (BSI)

¹⁶ Tichun, a sinsakteu, Herod lawi a mite tawh a kawmah a sawl u a, ziete chun, “Sinsakpa, mi diktat na hi a, hilh tak zetin Pathien lampi thu na hilh sek a; kuomah hugin chuom le na nei puoi tih ka heu hi, kuomah maizah chuom le na nei diek puoi.

MATTHAI 22:16 ပူးပေါင်းရင်းမြစ်များ

MARK 3:6

Ziephet chun, Pharisaite chuh a pawtdawk u a, amah a suklup theih dân dinguh ngaihtuoh in, Herod lawi a mihaw tawh a kihotuok pai zieng tau a.

LUKE 20:21

Chun, amau chun a kawmah, “Sinsakpa, na thugente leh sinsakte hi a dik hi tih ka heu. Nangin mihiemte khenchuom nei lo in, mihingte a dinga Pathien thil deih chuh, diktakin na sinsak sek hi, tih le ka heu hi.

MARK 12:14

A kawm a tun phet un a kawmah, “Sinsakpa, mi diktat na hi a, kuomah khenchuom na nei puoi tih ka heu a; kuomah khenchuom nei lo in, tihtakzet in Pathien lam thu na sinsak sek hi; Kaisar kawma sieh chawih hi a thieng hi, thieng lo? Ka piek dinguh ahi ka piek loh dinguh?” a tiu a.

MARK 8:15

Isu’n a kawm u ah, “Pharisaite chawl leh Herod chawl apat kivêng un la, chingthei un,” ti’n thu a pie a.

1 JOHAN 5:20

Chun, Pathien Chapa chuh a hung a, het theihna ei piei tih I heu a, khutichun, Pathien diktak chuh I he tau hi. A Chapa Isu Krista tawh I kipumkhatna zal uh chun, Pathien diktak chu tawh kipumkhat in I hing uh ahi. Amah chuh Pathien diktak a hi a, kumsawt hinna le ahi.

JOHAN 18:37

Chun, Pilate in a kawmah, “A leh, leng hilo na hi?” a ti a. Isu’n, “Hi e, leng ka hi a puo! Thutak hetsak hi ka pien lawh leh, khawvel a ka hung lawh ahi. Kuole, thutaka um ta poh in ka thu a pawm sek ui,” a ti a.

JOHAN 14:6

Isu’n a kawmah, “Keimah hi lampi leh Thutak leh Hinna ka hii; keimah a chieh lo chuh, kuomah Pa kawm a tung ngei puou.

JOHAN 7:18

Kuole, amah phuok kawm thugen chuh, amah lopina ding kihawl ahiu hi. Himahlele, a sawl pa lopina ding hawlte vang chuh mi diktak ahi a; amah achun diklohna him a um puoi.

JAKOB 3:17

Chunglam apat a chitna hung suk vang chuh, a tûngin a thiengtho phawt a, zie nung chuleh kicham a nuom a, a nunnem a, a thunuom a, zahngaihna leh gah pha’n a dim a, khenchuom a nei puoh a, a gukhah diek puoi.

1 THESSALONIKA 2:4

Khutichuh hizaw lo in, Pathien in Chanchin Pha vawp sak dinga a phasak lam ka hih ziekun, gen dinga a deih haw chauh chuh ka gen zaw sek uh ahi. Zieziekchun, mihiem te sukkipak ka guo puou a, himahleh, lunggil enchien pa Pathien chuh sukkipak ka guo zaw sek uh ahi.

GALATI 2:6

Chun, milien deuha a ngaihteu chule, kei tawh kilamdanna a neih chuom diek loh ziekun ziehi ka gen ahi; Pathien in, pawlam latdan in vai a hawm puoh ngâl a, zie milien haw chun le, ngaihdan thak bangmah ei pie chuom diek puou hi, tih ka gen ahi.

GALATI 1:10

Ahih leh, tuhin, mihiem sukkipah guo ka him, Pathien sukkipah guo? Mihiemte kawma challat ut ka hi leh? Khutibanga hih ka na guot zing chun, Krista suok hilo ding ka hi.

2 KORINTH 5:16

Zieziekchun, tu a thak hin, kei un vang, mihiemte etdan guolin kuomah vaihawm ta puo’ng kau. Mihiemte etdan guolin, Krista chuh na vaihawm sak ta mahleu hing le, tuhin chuh ka hih ta puou.

2 KORINTH 4:2

Thuguk leh thil zahchâk um te chuh kawih mang in, lepchieh takin na ka sem puou a; Pathien thu le milemna’n ka mang diek puou hi. Thudik hetsak in, Pathien mitmuh in, mi tin sie leh pha hetna mit tunga um ka guo zaw sek uh ahi.

2 KORINTH 2:17

Mi tamtakin Pathien thu hi dawha bawl a, sumkawlveina guola a mat sek guol un, ei uh vangin I mang puou a; mi thutak, Pathien sawl bangin, Pathien mit muh achun, Krista suok bangin thu I gen zaw sek uh ahi.

LUKE 7:40

Isu’n a kawmah, “Simon, na kawmah thu kamkhat gen ding ka nei hi,” a ti a, chun amah chun, “Gen ta leh, Sinsakpa,” a ti a.

MARK 10:17

Chun, amah chuh chieh dinga a kipat kit lai tak chun, mi khat amah lam zuonin a hung tai a, a masangah a khupdin a, “Sinsakpa pha, kumsawt a hinna ka chan theihna dingin bang ka bawl die?” ti’n a dawng a.

MATTHAI 26:49

Tichun, Isu chuh a va zuon pai zieng a, “Chibai, Rabbi,” ti’n, a châwp tuntun a.

MATTHAI 26:18

Amah chun a kawm u ah, “Khawpi ah kuo ahim kawmah chieh un la, a kawmah; ‘Sinsakpa chun, Ka hun a nai ta a, ka sinsakte tawh Chiehkân Kut na In ah mang ung kau a tii,’ va tiu,” a ti a.

MATTHAI 22:26

Khutibangmah chun a nihna chule a um a, thumna chule a um kit zel a, sagihna tiengin a um chiet u a.

MATTHAI 22:24

“Mi cha nei lo in thi hen la hileh, a suohpihpa’n a zi chuh luoh in, a suohpihpa ding chun suon a neih sak ding ahii, Mosi’n a ti a.

MALAKI 2:9

Zieziekchun, ka lampite hawh na umloh bang u leh, na sinsak nau a khenchuom na neih bang zel un, mi chengcheng muhsit leh niem taka hun siem ding ka hi,” ti’n.

MALAKI 2:6

Sinsakna dik chuh a kam u ah a um a, a mûk hawu achun thu diklo a pawt puoi: Lungmuong tak leh lamzang takin ka masang ah a leng sek u a, gitlohna apat mi tamtak a puikit sek ui.

THUCHINGTE 29:5

A invengte pahchak lêm thawhte chun amah keng ngeia dinga lên thâng kizak ahi.

SAM LEHKHABU THE PSALMS 55:21

A kam chuh nawituikhal bangin a nâl a, Himahleh, kidona lungthim a pu zing u a; a thugen u chuh sathau sangin a nâl zaw a, himahleh, chemzâm zuk dawk sa ahi ngâla.

SAM LEHKHABU THE PSALMS 12:2

Mitin in a vengteu kawmah lepchieh thu mai a gen a gen sek u a; Kipahchak na lêm mûk leh lepbawlna lunggil pun thu a gen sek u a.

SAM LEHKHABU THE PSALMS 5:9

A kam u achun muon umna mawngmawng a um puoh a. A sung lam u chuh dukdak lohna ngawn ahi: A gawl u chuh thân kihawng a hi a; A lei un mi a pakcha lêm sek ui.

1 LENGTE 22:14

Chun, Mikaiah chun, “Lalpa hinna sâlin ka gen hi, Lalpa’n ka kawma a gen mai chuh ahi ka gen ding chuh,” a ti a.

DAN NIHNA 33:9

‘Ka nu leh pa khawk ka sa puoi,’ tite khan, A suohpihteu, a chateu le a ngaikhawk puou; Ahih ziekin, na thu a ngaikhawk ui, Na thuthun a zui ui.

MARK 12:13

Chun, Pharisai khenkhatte leh Herod lawi a mi kuote ahim in, Isu chuh a thugena man dingin mi a sawl u a.