MATTHAI 22:11 - PATHIEN LEKHABU THIENGTHO (BSI)

¹¹ “Himahlele, leng chuh a mi chielteu en dinga a hung lut phet in, kichênna puon silh lo mi khat tak achun a mu a, tichun a kawmah:

MATTHAI 22:11 ပူးပေါင်းရင်းမြစ်များ

THUPHUON 19:8

Patngatpuon ngim tak, vam tak silh a phal sak uh a, (patngat puon chuh mi thiengthote thilhih diktat ahi ngâla.)

EPHESI 4:24

mihiem thak, thutak diktatna leh thienthona, Pathien tawbanga siem khan kivan un.

2 KORINTH 5:3

khutibanga a thuoh a kivan tieng chuleh, sangawn in um ta puoi tiu.

ROME 13:14

Lalpa Isu Krista chun kithuom zawu inla, na phehlevo utnau pitin dingin bangmah hih kiu.

THUPHUON 16:15

“Ngaiin! gucha guola hung vak ding ka hi ie! Kiging a, puontum chengsa a um zingte chuh a hamphau ui; khutilochun, sangawn a vakin, mite mitmuh in zahhuoi takin um kha’n au ie!” ti’n.

THUPHUON 3:18

Na hung neihzawh theihna dingin, ka kawm apat sana, sana thieng tak hung kichâwk dingin thu ka hun piek na hi. Chun, na sangawnna zahchâk um tak chuh na khuh theihna dingin, puon vam le hung kichâwk dingin ka hun tih na hii. Na muh theihna dingin, mita nuh ding mitlo le ka kawm apat hung kichâwk dingin ka hun thumawp na hi.

THUPHUON 2:23

A nungzuite cheng chule that ing ka ting, tichun, kei hi mi tin ngaihtuohna he pa leh, en pa ka hi tih, sapchuom haw lawi chengcheng chun he ta’n au. Na lak uh a mitin, a thilhih dungzui chiet un dinthuk ing ka.

GALATI 3:27

Krista tawh pumkhat a baptist na hi tau a; tuhin, Krista hinna a chuh thuom na hi tau hi.

1 KORINTH 4:5

Zieziekchun, a hun tun masang in kuomah zedap kiu in. Vaihawmna tawpna chuh Lalpa hung tienga ngak ding ahi a; amah chun thima thil selgûk haw chuh vak ah hun la dawk intin, lunggil a tup haw chule hun sulang ina. Zie tieng chu leh, mitin in, Pathien apat a pahchakna a lawh ding bang chiet u chuh mu ta’n au.

ROME 3:22

Zie chuh Pathien diktatna, Isu Krista taksan zieka gingcha ta chengte kawma suklata um chuh ahi; lamdanna himhim a um puoh a,

ISAI 52:1

Aw Zion, halh in, halh inla, na hatna chun kivan in, Na silhlechen hawihtak chun kivan kit inla; Aw Jerusalem khawpi thiengtho, tu apat in na sung achun zektan loh te leh mi thienglo te chuh lut ding ahi ta puoh ngâla.

MATTHAI 13:30

Buh ât hun tiengin kek khawm u heh; buh lak tieng chu leh buh âtte kawmah, Buhlem chuh lakhawm masa zet unla, hâltum dingin kankhawm un; buh tak vang chuh ka buh In ah thak lut un, na ti na’ng ka,’ tin” a ti a.

ISAI 64:6

Ka bawn un ka na buok vek tau a, ka diktatnau cheng le puonsie nen kihdak-um tawbang phet ahi. Ka gitloh ziekun nahpa hung vuoi tawbang phet ka hi tau a, ka sukkhelhna teu chun huih guolin ei tawkmang sek hi.

MATTHAI 3:12

A khut in a leipuk a chawi a, a phuol zap thieng kei intin, buhpanga chun a buh khum in tin, a si vang chuh mei mittheilo in hâl tum ina,” a ti a.

ZEPHANIA 1:12

“Chun, zie tieng chuleh, thaumei hâl in Jerusalem hawl dawk ka ting; mi, amau kisulungkim a, muong taka um maimai a, a lunggil u a, ‘Lalpa chun a hih pha puoh a, hih le a hihsie diek puoi,’ tite chuh gawt ing ka.

SUNNA LA 5:22

A hih leh, nangin ei paih tha den ding na him? na lungnat hin tawptik neilo ding ahim?

2 LENGTE 10:22

Chun, Jehu chun, thiempu kivanna puon enkawlpa kawm achun, “Baal hote cheng hi, kivanna puon hun lak sak in,” a ti a. Tichun kivanna puonhaw chu a hun lak sak a.

MATTHAI 22:10

Tichun, zie suokte chuh a pawt u a, lampi haw achun a va chieh u a, a muh tâk phawt u chuh, migilo hileh, mi pha hileh, a hun puikhawm tau a, tichun, guolvakna indan chuh a mi chielteu chu a hung dim ta a.