MATTHAI 21:1 - PATHIEN LEKHABU THIENGTHO (BSI)

¹ Chun, Isu leh a sinsakte chuh Jerusalem khuo a tun ding kuon un, Bethphage khuo, olive tâng chuh a tung uh a. Taka chun Isu’n a sinsakte nih a sawl a a kawm u ah,

MATTHAI 21:1 ပူးပေါင်းရင်းမြစ်များ

ZEKARIA 14:4

Chun, zie ni chuleh, suohlam a Jerusalem hun dawh olive tâng a chun ding intin, Chun, olive tâng chuh phel nih kisuoh in, suohlam apat a tumlam zuonin a lai tak ah kiphelsuoh intin, guom nasatak um ina. Tichun, tâng kimkhat chuh mâllam ah kichawn intin, a kimkhat chuh simlam ah kichawn ina.

JOHAN 8:1

Isu chula olive tângah a chieh ta a.

LUKE 21:37

Chun, amah chun sun leh Pathien Ho-In ah a sinsak sek a, nitâk lam leh a pawt a, zan leh olive tâng achun a giek sek a.

MATTHAI 26:30

Chun, la a sau a, olive tâng achun a chieh tau a.

MATTHAI 24:3

Chun, Isu olive tânga a chut lai chun, sinsakte chuh a mau mai in a gûkin a kawmah a chieh u a. “Ziehaw chuh bangtik leh e, a hung um ding? Na hung kitna ding leh khawvel beihna ding melchikna chuh bang a hi die? ei hilh in,” a tiu a.

NASEPTE 1:12

Chun, Sawlchakte chuh olive tâng a tih uh apat chun Jerusalem khuo ah a vaikit tau a; zie tâng chuh Jerusalem khuo kieng a hi a, Chawlhni a chiehna hun phet ahi.

LUKE 22:39

Chun, a pawtdawk a, a hih ngeina guolin. olive tâng achun a chieh a; sinsakte’n le a zui u a.

MARK 14:26

Tichun, la a sak zawh un a pawtdawk u a, olive tâng achun a chieh tau a.

MATTHAI 20:34

Ziephet chun, Isu’n a lungsiet mah mah a, a mit uh a khawih a, tichun, a hun mu thei tau a, amah chuh a zui tau a.

MATTHAI 21:2

“Na ma zawn uh a khuo a khun va chieh unla, sabiltung kihên, a kienga a no um tawh mu zieng un na tin; phel unla, ka kawmah hun kai un.

MARK 13:3

Chun, Isu chuh olive tânga Pathien Ho-In zawna a chut lai in, Peter leh Jakob leh Johan leh Andrew te chuh a kawmah a hung u a: