MATTHAI 2:11 - PATHIEN LEKHABU THIENGTHO (BSI)

¹¹ Chun, In sung ah a va lut u a, a nu Mari kawma nausen chuh a muu, a bawkkhup u a, a chibai tau a. Tichun, a go bawmteu a hawng u a, a kawm achun kipahna sanate, begaw leh Murra te a pieu a.

MATTHAI 2:11 ပူးပေါင်းရင်းမြစ်များ

ISAI 60:6

Midian te gam leh, Ephah gam apat in, sangawngsau liente chuh hung untin; Seba apat in gimlim leh sanate hun puoksak un tin. Tichun, Lalpa pahchakna chuh hun phuongzak ta’n au.

SAM LEHKHABU THE PSALMS 72:10

Tarshis gam leh tuikuol a leng te’n kipahman hun chawi in tin uh; Sheba leh Seba leng te’n thilpiek hun pien au.

LUKE 2:16

Tichun, a chieh mengmeng uh a, Mari leh Joseph chu tawh, gan-an piekna kuong a nausen kuol chu tawh a va muu a.

MATTHAI 2:2

“Khawi ah ahim Judate leng hung pieng chuh? Suohlam ah a aksi ka muu a, amah chibai dinga hung ka hiu hi,” a tiu a.

SAM LEHKHABU THE PSALMS 95:6

Aw hung unla chibai bûk in kûn hitiu ie; Lalpa ei siempa masangah khupdin hitiu:

SAM LEHKHABU THE PSALMS 72:15

Chun, amau chuh damsawt u henla, Sheba gam sana chu a mah piek hi hen. amah dingin pauchamna tawp lo in neih sak zing un tin, chun nicheng in pahchak in um ina.

1 LENGTE 10:2

Chun, nungzui tamtak tawh, thil gimlimhaw leh sana tamtak leh suongmantam haw puo sangawngsaute pui in Jerusalem khuo ah a chieh ta a. Chun, Solomon kawm a tun chun, a lunggil a a thu dawt nawp chengcheng chu suohdawk suok in a hopih ta a.

KISIMNA 7:14

Sekel sawm tawh kibang a gik gimlim a dim sana thikkhe khat:

THUPHUON 19:10

Tichun, amah ho dingin a keng bul achun ka khupbawk a, himahleh amah chun, “Khutichun hih ki’n khai! Kei chuh nangmah leh na suohpihte, Isu thu hettuoksak haw sawntawlawi chanpih ka hi a puo; Pathien ho zaw ta’n! Isu thu hettuoksak thudik khah, thiemgaute hatkhum sek khah a hi ngâl a!” a ti a.

MATTHAI 14:33

Tichun, kuong a umte chun, “Pathien Chapa na hi takzet na hi,” tin amah a chibai u a.

THUPHUON 5:8

Ziephet chun, ganhing lite leh, upa sawmnih leh lite chuh Belamno ma achun a bawkkhup tau a. Amau haw chun kingkang leh sana belhbu, gimlima dim a kichawih chiet uh a, zie chuh Pathien mite pauchamna chuh a hii.

LUKE 2:38

Chun, zielai tak chun amahnu chuh a hungtung a, Pathien kawmah kipahthu a gena, Jerusalem khuo tatna ding kinem taphawtte kawm achun Isu chanchin chuh a gen ta a.

1 SAMUEL 10:27

Himahlele Belial chapate khenkhat chun, “Zie pa hin bangti’n e ei hukdam theih maizen ding?” a tiu a. Tichun amah chu a musit u a, thilpiek bangmah a pie nuom puou a. Himahlele amah chu thipkêi in a um zinga.

KISIMNA 7:86

Gimlim a dim sana khe sawmlenih chuh, mun thiengtho a sekel sawm tuk a gik chiet ahi a: sana khe chengcheng chuh sekel za leh sawmnih tuk a gik ahi.

THIEMPUDANTE 6:15

Chun, ama’n a khut khat dim in an thillat a changbuong nêl tak leh sathau leh an thillat chunga begaw chengcheng chuh ladawk in tin, Lalpa dinga gimlim tak, hetzing na dinga maichâm a a hâl ding ahi.

PAWTDAWKNA 30:34

Lalpa’n Mosi kawmah, “Gimlim tak tak, stac te, onuka te, galbanum te la’n la; gimlim, lim tak begaw chîm tak tawh a kizah chietin lakhawm inla,

THILSIEMBUL 43:11

A pau Israel chun a kawm u ah, “Khutichu a hih ngâl chun hiti hin hih un; na dip hawu akhan zie gama thilpha khenkhat, thingnai damdawi haw, khuoizu haw, thil gimlim haw leh murra haw, theihawng haw, makha haw hi neukhat chiet zie pa a ding chun kipahman in puoksak un:

MALAKI 1:11

Ni suohna apat ni tumna tiengin Jentel te lak achun ka min chuh a lopi ngâla. Mun tin a a umnau chengah gimlimte ka kawma hâl in, kithawihna pawmtâkte a lân u a!

SAM LEHKHABU THE PSALMS 45:8

Na silhlechen haw chuh murra leh, aloe gimte leh cassia gimlim anam vengvung a; Saiha a siem lal In haw a kingkang chi chuom chuom gi hung pawt haw chun a hun sukipak ahi hi.

SAM LEHKHABU THE PSALMS 2:12

Chapa chuh châwp u uo, khutilochun lungna kha’n tin, lamkal ah beimang kha’n lau; kintaka lungna phut ding ahi ngâla A mah a ginna nga chengcheng chuh a hamphau hi.

1 LENGTE 10:10

Chun, leng chuh sana talent za leh sawmnih leh gimlim tam deuh leh suongmantam te a pie a. Sheba lengnu’n leng Solomon gimlim a piek banga tam hi a lut kha puoi.

PAWTDAWKNA 30:23

“Gimlim, lim pên chi murra tui sekel zanga leh, thingguithak gimlim, zie kimkhat sekel zanih leh sawmnga leh kawl chuh gimlim sekel zanih leh sawmnga leh,

SOLOMON LA 3:6

Meikhu ding banga gamthip a pata hung pawt a, sumkawlveite gimlim tin cheng leh murra leh begaw gimlim nam vengvung khu kuo ahi?

MATTHAI 1:18

Isu Krista hung pien zie chuh hiti hi ahi: A nu Mari chuh Joseph tawh kihuol ahiu a, himahlele a kichên mau in Thagau thiengtho in a gaihsak hi tih het a hung hi ta a.

MATTHAI 2:10

Tichun, aksi chuh a muh un a kipâk mah mah tau a.

MATTHAI 12:46

Isu’n mipite kawma thu a gen lai tak chun, ngaitie, a nu leh a suohpihte chuh amah hopih guo’n pawlam ah a ding u a.

JOHAN 19:39

Chun, Nikodem, a tunga zan a Isu kawma hung pa chun, thil gimlim, murra leh aloe kihel, buk sawmnga vel chawiin Joseph kawmah a hung a.