MATTHAI 18:8 - PATHIEN LEKHABU THIENGTHO (BSI)

⁸ “Chun, na khut in ahim, na keng in ahim a hun sukpûk chun, tan inla, paihmang kei ah; khut nih nei ahim, keng nih nei ahim a kumkhuo meia paih sang chun, piensuol in ahim, kêngbâi ahim a hinna a lut chuh nang dingin a pha zawi.

MATTHAI 18:8 ပူးပေါင်းရင်းမြစ်များ

ROME 13:12

Zan hi a bei vangvang ta a, khuo vak ding ei ta ie; zieziekchun, thim laka thilhih chuh paih hi tingun eng thuom in kithuom hitiu.

THUPHUON 20:15

Kuo min hitaleh, Hinna Lehkhabu a kizik a muh loh phawt u chuh, meidil achun a paih lut tau hi.

THUPHUON 14:10

Pathien lungnatna uain, a thangtawmna khawn bangmah tawh helloh a hun sundawk chuh dâwn untin, chun, vânsâwlchâk thiengthote leh Belam No mitmuh ah mei leh kât a gawt a um ding ahi, ti’n aw ngeih tak in a kiko a.

EZEKIEL 18:31

Bawhsietna na na hihsa chengcheng u chuh paihmang vek unla, lunggil thak leh ngaihtuohna thak nei un: Bang zieka e na thih ding uh, Aw Israel insung mite haw?

THUPHUON 21:8

Himahlele, mi dawilawkte, gingchalote, kihdakumte, tuolthat te, mideihchak nuomte dawithiem te, milim hote, leh lepchieh chengcheng te chan ding chuh, mei leh kât a kâng dîl achun um ina; zie chuh thih nihna chuh ahi,” a ti a.

LUKE 14:33

Khutibang mah chun, nang u lak ah, kuole, a neih chengcheng taihsan lo taphawt chuh, ka nungzui hi thei puo’n a.

MATTHAI 25:46

Tichun ziehaw chuh kumkhuo gawtna ah chieh un tin, mi diktatte vang chuh kumkhuo hinna ah chieh un au,” a ti a.

MATTHAI 25:41

“Zie zawh chu leh, a veilam a mite kawm achun, ‘Hansie dawlte haw, kumkhuo mei, Diabol leh a sawlchakte dinga a guot sak uh achun nei chieh mangsan un.

ISAI 33:14

Zion a mi gilote chuh a lau tau a, Pathien neilote chuh lau in a kithing sie tau a “Zie tawbang mei mi kangtum thei lak ahin kuo a ding zo ding? Zie tawbang mei kumlekhuo a kuong zing apat hin kuo a hing dawk thei ding?” ti’n.

LUKE 16:24

Khutichun, a kiko a, ‘Hepa Abraham! nei lungsiet inla, Lazarus kha hun sawl ah, a khut zung mûk tui hun dieh hen la, ka lei hih daihna dingin, zie mei kuong a hin ka na mah mah hi!’ a ti a.

ISAI 30:22

Zie tieng chuleh, dangka tui luon khuma na milim siem uh leh, sana tui luon khuma na milim sun uh chuh paihmang un na tin, a kawma chun, “Ka mit muh phâk loh uh ah chieh mang un,” ti’n lau.

MATTHAI 17:27

Himahleh, zie mipi haw hi suklungkim loh I nuom puou hi. Tichun, nang dîl ah va chieh inla, ngakuoi khâi in la, nga hung pawt masapen chuh man in, chun, a kha na keu tieng leh dangka nih mu zieng in la; zie chuh la’n la, kei leh nanga dingin a kawm u ah pie’n,” a ti a.