MATTHAI 18:3 - PATHIEN LEKHABU THIENGTHO (BSI)

³ Tihtakzet a ka hilh na hiu hi, Na kihei u a, chapang neucha bang na hung hih loh u chun, van gam ah lut hiel puo’n lau.

MATTHAI 18:3 ပူးပေါင်းရင်းမြစ်များ

1 PETER 2:2

Haihsan unla, chasen, piengthakte bangin, thagau lam nawitui, bangmah tawh hel loh, na dâwn uh a, na hung khanlet uh a, hukdam na hung hih theihna dinguh chuh utchau in.

MATTHAI 19:14

Isu chun la, “Chapang neucha cha chuh ka kawmah hun sawl unla, haw kiu in; van gam chuh ziehaw tawbanga ding hi ahii,” a ti a.

1 KORINTH 14:20

Suohpihte, ngaihtuohna lam ah chapang kiu inla, thil gilo lama vang, nau sen unla; na ngaihtuohna lam u vang achun, piting hiu un.

SAM LEHKHABU THE PSALMS 131:2

Ka hinna hi ka awibih a, ka thip hiet hiet seka; Naupang nawichep haisa a nu kienga thipkêi a a um bang in, ka hinna hi ka kieng ah a um hi.

JOHAN 3:5

Isu’n a dâwng a, “Tihtakzet, tihtakzet in ka hilh na hii, mi kuole, tui leh Thagau a a pien loh chun Pathien gam lut thei puo’n au.

JOHAN 3:3

Isu’n a dâwng a, a kawmah, “Tihtakzet, tihtakzet a ka hilh na hiu hi, mi kuole a pienthak loh chun, Pathien gam mu thei puo’n au,” a ti a.

LUKE 13:24

“Kawtkhak chîp achun lut guo hâm un; ka hilh na hiu hi, mi tamtakin lut guou untin, himahleh lut thei ngâl puo’n au.

NASEPTE 3:19

Khutichun, na gitloh hawu ngaihdam a hih theihna dingin, lunghei unla, hung kihei kit un, khutichun, Lalpa kawm apat halh phat hungtung thei ina.

NASEPTE 28:27

Aziek chuh, zie mite ngaihtuohna hi ana chavai ta a; A bilhawu le ana dawh puou a, A mit hawu le a sin ziekun. Khutilochun, a mit un muu un tin uh, A bil un za khau untin; A lunggil un hethiem khau untin uh, Tichun, kei lam ah hung kihei kit untin, Chun, ken a na hihdam kha’ng ka,’ a tii,” ti a a gen guol khan.

JOHAN 1:51

Isu mah in a kawmah, “Tihtakzet, tihtakzet a ka hun hilh na hiu hi, van kihawng a, Pathien vânsâwlchâkte Mihiem Chapa chunga kum leh kal hun mu’n lau,” a ti a.

MATTHAI 5:20

Na diktatnau in Danthuzikte leh Pharisaite diktatna a khel loh chun van gam ah lut hiel puo’n lau, tih ka hilh na hiu hi.

LUKE 22:32

Himahleh Simon, na taksanna a beih lohna dingin ka hun paucham sak zing hi. Khutichun, kei lama na hung kihei kit phat leh, na suohpihte suhat in,” a ti a.

MARK 4:12

Khutichun, ‘En en un tin uh, mu diek puo’n au; Ngaitha, ngaithau intin, he thei diek puo’n au. Khutilochun, Pathien lam ah kihei untin, A na ngaidam kha’n a,’” a ti a.

2 PETER 1:11

Khutibang chun, I Lalpau leh Hukdampa Isu Krista kumkhuo lalgam a lutna dinga thuneihna bukim chuh pieka um ding na hiu hi.

NASEPTE 14:22

“Dahum tamtak thuokin, Pathien gam ah I lut ding him uh ahi,” ti’n, sinsakte haw lungthim a sudet u a, taksanna a chuh um zing dingin a tîl zel u a.

MATTHAI 19:23

Ziephet chun, Isu’n sinsakte kawm achun, “Tihtakzet a ka hilh na hiu hi, mi neizo a dingin van gama lut chuh haksa tak ahi.

MATTHAI 13:15

Zie chite lunggil hi a na ngui zo ta a, A bil u le a na ngawng ta a, A mit uh a sing u a, Khutilochun, I mit un mui ting uh; I bil un zai ting un, I lunggil un he kit hi ting uh, Kihei kit hi ting un, Ama’n ei na sudam khan a ie!’ a tiu a, a tih kha.

MATTHAI 6:16

“An na ngawlh tiengu lele mi, migukhahte guolin nguoi mel pu kiu; amau haw chun mite muh a anngawl a hih uh a kilat theihna ding in a mel uh a hih zatchuom sek ui. Tihtakzet a ka hilh na hiu hi, a kipahman u chuh a mu zo tau hi.

MATTHAI 6:5

“Chun, na paucham tieng u leh, mi, migukhahte banga na um dinguh ei puoi; ziete chuh mi’n a muh theihna dingun kikhawpna Inhaw leh khawlai lamthuom haw a dinsa a paucham a nuom sek ui. Tihtakzet a ka hilh na hiu hi, a kipahman uh a mu zo tau hi.

ISAI 6:10

Chun, ka kawmah, “Zie mite lunggil hi hih thim unla a bilteu sungawng unla, a mitteu sîn sak un; khutilochun, a mit un muu untin, a bil un zau untin, a lunggil un le heu untin, hung kihei kit untin, sukdam in um kha’n au,” a ti a.

MATTHAI 6:2

“Khutichun, thilpiek mi kawma na piek tieng leh, mi, mi gukhah te’n pahchak ding deihna a, kikhawpna Inhaw leh khawlai dung le vaia a hih sek guol un, na mau ah pengkun mût kiu. Tihtakzet a ka hilh na hiu hi, a kipahman uh a mu zo tau hi.

MATTHAI 5:18

Tihtakzet a ka hilh na hiu hi, lei leh van a beihmang masang sieh, dân thu a sutvawm neucha ahim, thaihvawm neucha ahim hi a bawna a tunkim masang sieh khatcha hile beimang hiel puo’n a.

MATTHAI 18:2

Chun, Isu’n chapang neucha khat a kawmah a sama, a laku ah a din sak a,

MATTHAI 18:4

Khutichun, kuole zie chapang neucha guola kingainiem ta chuh zie ngêi chuh van gama chun lopipen ina.