MATTHAI 16:16 - PATHIEN LEKHABU THIENGTHO (BSI)

¹⁶ Ziephet chun, Simon Peter in a dâwng a, “Krista, Pathien Hing Chapa chuh na hi,” a ti a.

MATTHAI 16:16 ပူးပေါင်းရင်းမြစ်များ

MATTHAI 14:33

Tichun, kuong a umte chun, “Pathien Chapa na hi takzet na hi,” tin amah a chibai u a.

JOHAN 11:27

Amahnu chun a kawmah, “Gingcha e! Lalpa. Krista, Pathien Chapa, khawvel a hung ding pa chuh na hii tih ka gingchai,” a ti a.

1 JOHAN 4:15

Kuole, “Isu chuh Pathien Chapa a hii,” ti a pang ta chuh, amah achun Pathien a um zing a, Pathien le amah ah a um zing ahi.

MATTHAI 27:54

Chun, sepaih za lawiupa leh a kawma Isu venga umte chun leiling leh thil umzie haw chuh a muh un, a lau mah mah tau a, “Zie pa hi, Pathien Chapa ahi takzet nai,” a tiu a.

1 TIMOTHE 4:10

Khutichun, Pathien hinga chuh I kinepnau I ngak ziekun, I semgim uh a, I kinem hâm hâm uh ahi ngâl a, amah chuh mi chengcheng hukdampa ahi a, a gingchate Hukdampa ahi diek nalai hi.

NASEPTE 9:20

Kikhawpna Inhaw achun, Isu chuh Pathien Chapa a hih zie thu chuh a tângsappih ngâl ta a.

1 THESSALONIKA 1:9

Mipite haw chun, nang haw ka hung vehthak lai a nei na lawp dân u leh, Pathien hing leh diktak ho dinga, milim pathien apat na kihei kit danteu leh,

MATTHAI 26:63

Isu chuh la a thip kêi a. Ziephet chun, thiempu lienpen chun a kawmah, “Pathien Hing min a ka hun vau na hi, Krista, Pathien Chapa chuh na him? Kei uh nei hilh in,” a ti a.

1 JOHAN 5:5

Isu hi, Pathien Chapa ahi tih gingchate ngâllo chun, kuo a khawvel zo sek leh?

HEBRAI 10:31

Pathien hing khuta kiek chuh thil tizat-um tak ahi!

ROME 1:4

Thienthona thagau lam thu vang achun mithi lak apat thilhih theihna nasa taka kaihthawha a umna chun Pathien Chapa a hihna nasa takin a taklang hi.

SAM LEHKHABU THE PSALMS 2:7

Lalpa thutanna chuh gendawk ing ka: Lalpa’n, “Nang chuh ka chapa na hi ie; Tuni hin ka hun hinthak na hi.

MARK 14:61

Himahleh, amah chuh a thip kêi a, bangma’n a dâwng puoi. Thiempu lienpen chun Isu a dawng kit a, “Krista, Hampha Pathien Chapa chuh na hi?” ti’n.

DANIEL 6:26

Ka gam awpna sunga mite chengcheng hin Daniel Pathien chuh lau in kilîng u hen, ti’n thupiek ka bawl ahi. “Amah chuh Pathien hing ahi a, kumlekhuo’n vaihawm intin. A lenggam chuh suksiet hi ngêi ta puo’n tin, a thilhih theihna chun tâwp nei ta puo’n a.

DAN NIHNA 5:26

Taksa nei taphawt mei apat a Pathien hing aw I het guol u a he a, hing nalai kuo a um?

JOHAN 20:31

Himahlele, ziehaw hi, Isu chuh Krista, Pathien Chapa a hii tih na ginchakna dingu leh, na ginchak u a, a min a hinna na neih na dinguh a zik ahi.

JOHAN 1:49

Nathanael in a kawmah, “Rabbi, Pathien Chapa na hi, Israel te Leng na hi hi!” a ti a.

HEBRAI 12:22

Nang haw vang, Zion tâng leh, Pathien hing khawpi, Angel sang tamtak te umna a chuh hung na hi zaw ngâl u a.

1 TIMOTHE 3:15

Himahlele, ka hung hak khakpalh leh, Pathien inkawte laka mi chuh, bangtia um ding ahim tih, na het theihna dingin ka hun zik ahi; ziehaw chuh Pathien hing sapchuom, thutak khuom leh kingakna chuh ahiu hi.

1 JOHAN 5:20

Chun, Pathien Chapa chuh a hung a, het theihna ei piei tih I heu a, khutichun, Pathien diktak chuh I he tau hi. A Chapa Isu Krista tawh I kipumkhatna zal uh chun, Pathien diktak chu tawh kipumkhat in I hing uh ahi. Amah chuh Pathien diktak a hi a, kumsawt hinna le ahi.

2 KORINTH 6:16

Milim haw leh Pathien Ho-In inle banga kituokna a neih uh? Eihaw vang, Pathien hing Ho-In I ngâl u a: Pathien in, “Kei, amau lak ah cheng ing ka ting, Amau tawh kitawn ing ka: Chun, a Pathien uh hi’ng ka ting, Amau haw le ka mite hi’n au,” a tih bang khan.

2 KORINTH 3:3

Krista lehkha, eimau haw manga a thak; lehkhatui a zik hilo, Pathien hing Thagau a zik zawk; suong pêk a zik hilo, phehlevo lunggil pêk a zik ahi zawi tih, chien taka latsak ahi ngâl a.

NASEPTE 14:15

“Pute haw, ziehaw hi bang dinga hih? Kei u le, na nungchang bang uh pu mihiem ka hiu a puo! Zie thil manloh haw hi nungngat a, van te, lei te, tuisuohgiet te leh, a sunga um chengcheng tawh siempa, Pathien Hing lam na hung ngat theihna dingun, Chanchin Pha ka hun tut na hiu hi.

MATTHAI 4:3

Chun, thempa chuh a hung a, a kawmah, “Pathien Chapa na hih leh zie suonghaw hi chângthâk suok dingin thu pie’n,” a ti a.

SAM LEHKHABU THE PSALMS 42:2

Ka hinna hi Pathien utcha’n, Pathien hing utcha’n a ha huoi huoi hi: Bangtik ahi die Pathien ma a ka tun a, ka va kilat ding?

NASEPTE 8:36

Chun, lampi a a chieh lai u chun, tui umna mun khat hi a tung u a, chun, mitilgeh chun, “Entie! taka hin tui a um, baptistma channa ding bangin ei dal hi?” a ti a.

JOHAN 6:69

Nang, Krista, Pathien hing Chapa chuh na hii tih ka gingcha tau a, het le ka heu hi,” a ti a.

MATTHAI 1:16

Zie Mari sunga hin Isu Krista kiti hi a hung pieng tai.

MATTHAI 16:15

Amah chun a kawm u ah, “A hih leh, nangun kuo ahi nei tiu hi?” a ti a.

LUKE 2:11

Tuni hin nanguh dingin David khawpi ah Hukdampa chuh a pieng tai, Lal Krista chuh!

JOHAN 6:57

Pa hing chun ei sawl a, Pa vanga hing ka hih guol mah hin. Zieziekchun, kuole, kei ei ne chuh keimah vangin amah le hing ina.

JOHAN 6:68

Simon Peter in a kawmah, “Lalpa, kuo kawma e ka chieh dinguh? Nangin kumsawt hinna na nei a puo!

2 KORINTH 1:19

Pathien chapa Isu Krista, a thu, kei leh Silvanas leh Timothe’n, na lak uh a ka gen u khah; “A hi” tih leh “A hi puoi” tih ahi gêl gêl puoh ngâla; Pathien achun, “A hii” tih ahi zawi.

HEBRAI 3:12

Suohpihte, chingthei un, khutilochun, Pathien hing chuh puksan dingin, na laku ah khatto chungah ginchak lohna lungthim phalo hung um kha’na,

HEBRAI 9:14

Krista, kumsawt a Thagau zâla melhemlo a Pathien kawma kithawihna thisan chun, Pathien hing zenviel dingin, na sielephahetnau chuh thilhih thite lak achun a hah hihthien na mai zên ding e!

THUPHUON 7:2

Chun, vânsâwlchâk dang khat. Pathien hing tiemtehna chawia. suohlam apat hung dawk hile ka vak mu a. Amah chun vânsâwlchâk li, lei chung leh, tuisuohgiet suksiet theihna a piekteu kawm achun. aw ngeih takin,

NASEPTE 8:37

Philip in a kawmah, “Na lungthim cheng chenga na ginchak chun, baptistma chang thei inla,” a ti a. Amah chun, “Ka gingchâi, Isu chuh Pathien Chapa ahi tih ka gingchâi” ti’n a dâwng a.