MATTHAI 15:4 - PATHIEN LEKHABU THIENGTHO (BSI)

⁴ Pathien in, ‘Na nu leh na pa limbawl ah, Kuole, a nu ahim, a pa ahim gensie chuh thi tei hen,’ a ti ngâl a.

MATTHAI 15:4 ပူးပေါင်းရင်းမြစ်များ

PAWTDAWKNA 20:12

“Na nu leh na pa zahbawl in; tichun Lalpa na Pathien in gam a hun piek ahin damsawt inla.

THIEMPUDANTE 20:9

Kuole, a nu ahim a pa ahim hansie lawh ta chuh thah ngêi ngêi ding ahi; a nu ahim a pa ahim a gensiet zieka chuh, a thisan mawh chuh a kipuok ding ahi.

PAWTDAWKNA 21:17

“Chun, kuole a nu ahim, a pa ahim hansie lawh chuh thah ngêi ngêi ding ahi.

DAN NIHNA 5:16

“ ‘Lalpa na Pathien in thu a hun piek guolin na nu leh na pa zahbawl in; khutichun, Lalpa’n gam a hun piek ahin lamzang in na tin, dam sawt ding na hi.

THUCHINGTE 23:22

Na pa, nang hun hingpa thu chuh ngai inla, na nu chuh a hung upat inle musit ki’n.

THIEMPUDANTE 19:3

Mitin in na nu leh pateu na zah dinguh ahi a, thu ka hun piek bang takin Chawlhni le na nit dinguh ahi. Kei hi Lalpa na Pathien uh ka hi ngâl a,’” ti’n.

MATTHAI 19:19

Na nu leh na pa limbawl in, tih haw leh, Nangmah na kihehpih guolin na vengte le na hehpih ding ahi, tih hi,” a ti a.

EPHESI 6:1

Chapanghaw, Lalpa achun na nu leh na pateu thu zawp un; zie chuh thil dik ahi ngâl a.

THUCHINGTE 20:20

Anu ahim apa ahim hansiet chuh, thim sah tak laka a thaumei sukmit a um ding ahi.

DAN NIHNA 27:16

“ ‘A nu ahim a pa ahim zah lo taphawt chuh gausap in um hen,’ ti’n tin un, “mipite chengcheng chun, ‘Amen,’ ana tih dinguh ahi.

ROME 3:31

A hih leh, taksanna ziekin Dan chuh bangmahlo in I siem dinguh ahi leh? Naisai lo e; Dan chuh I sukdet zawk uh ahi.

THUCHINGTE 30:17

A pa musitte leh a nu thu zuih ding ngainepte chuh, phaigam va-âk in a mit kheuhdawk sak intin; mulukawlh in ne zo in a.

MATTHAI 4:10

Ziephet chun Isu’n a kawmah, “Setan, chiehmang kêi ah! ‘Lalpa na Pathien ho inla, amah na chauh sem in’ tih zik ahi ngâl a,” a ti a.

ISAI 8:20

Amau haw chuh hiti hin dâwng un, “Lalpa hun sinsakna hi ngaithau in! Dawithiemte chuh dawng kiu in, a thugen u chuh bangmah phatchuomna bei ahi,” ti’n dâwng un.

MATTHAI 15:3

Isu’n a dâwng a a kawm u ah, “Nang haw’n le banga ti a na thuguichin ziek u a Pathien thupiek paltha sek?

MATTHAI 15:5

Nang haw chun chuh, Kuole, a nu ahim a pa ahim kawmah, ‘Nei thanekna ding chuh Pathien kawma piek ahi tai,’ ti ta chun,