MATTHAI 15:16 - PATHIEN LEKHABU THIENGTHO (BSI)

¹⁶ Isu’n kawm u ah, “Nang haw’n le tuchan ahih hechien nailo na hiu maw?

MATTHAI 15:16 ပူးပေါင်းရင်းမြစ်များ

MATTHAI 16:9

Mi sangnga dinga chângthâk pêk nga ka hehphel leh, na palbawm luok dim zat u kha na hezing puou maw?

MARK 9:32

Himahlele, a thugen chuh a ngaihna a he puou a, amah la a dawng ngam ngâl puou a.

MARK 7:18

Chun, ama’n a kawm u ah, “Nang u le khuti hiel a chuh hetna nei lo na hiu maw? Bang hileh, pawlam apat a mihiem sunga lut chun amah a subuok thei puoi;

LUKE 9:45

Himahlele, a sinsakte chun a thugen chuh bang a genna ahih a he puou hi. A het theih loh ding u a kisel hih ziekin, zie thu chuh amah la a dawng ngam ngâl puou a.

MATTHAI 15:10

Chun, Isu’n mipite chuh a sama, a kawm u ah. “Ngaiun la, a na hethiem un;

HEBRAI 5:12

A hun ngaihtuoh vangin, sinsakna nasem thei dinga kilawm na hi tau a; himahleh, Pathien thudik abul apat hun hilh ding mi mamawh kit na hitau maw? Buh gum hilo a, nawi sen nuom nalai bangte na hi tau hi!

LUKE 24:45

Tichun, Pathien lehkhathu hethei dingin, a lungthimteu a suk-hawn sak a,

LUKE 18:34

Himahlele, sinsakte chun zie thu haw himhim chuh a ngaihna a he puou a; thu umzie chuh a laku ah selguk in a um a, Isu thugen chuh bang gen a hih a he puou ui.

MARK 6:52

Chângthâk sukpun thu kha a heta puou a, a lungthim uh ana ngawn tâk ziekin.

MATTHAI 16:11

Chângthâk thu na kawm u ah ka gen puoi tih bangti dana na het loh u a? Pharisaite leh Sadukaite chawl laka chun chingthei un,” a ti a.

MATTHAI 13:51

Isu mah in a kawm u ah, “Ziehaw chengcheng chuh na heu hi?” a ti a. Amau chun a kawmah, “He e,” a tiu a.

MATTHAI 15:15

Chun. Peter in a kawmah, “Zie tehkal thu kigen chuh kei uh nei hilhchien ta,” ti’n a dâwng a.

MATTHAI 15:17

Kama lut ta chuh gil ah a lut suk a, pawsuokna ah a pawt pai sek hi tih na he puou maw?