MATTHAI 11:5 - PATHIEN LEKHABU THIENGTHO (BSI)

⁵ mitdûkte a mit uh a vak ta a, kêngbâite le keng in a chieh tau in; phâkte a thieng tau, bengngawngten le khuo a za thei tau in; mithi haw le kaihthawh in a um tau a, chagahte kawma le Chanchin pha gen ahi tai.

MATTHAI 11:5 ပူးပေါင်းရင်းမြစ်များ

LUKE 4:18

“Liengvaite kawma Chanchin Pha gen dinga nei guot ziekin, Lalpa Thagau chuh ka chungah a um; Amah chun salte kawma pawtna thu leh, Mitdûkte kawma mit vak neih kitna thu gen ding leh, Sukgimtheih thuokte pawtdawk sakna ding leh,

ISAI 29:18

Zie ni chuleh, bengngawngte chun lehkhabu kisim chuh a bil un za tau intin, mitdûk mit chun le thimnuoi leh thim lak apat chun mu ta’n au.

JAKOB 2:5

Ka suohpih deihtakte, ngaitiem u, Pathien in zie khawvel thila chagahte hi, taksanna lama neizo ding leh, amah hehpihte kawma a gam tiem chuh luoh dinga a tel hilo a hi?

MATTHAI 21:14

Chun, Ho-In achun mitdûkte leh kêngbâite a kawmah a hung u a, amau haw chuh a na sudam a.

JOHAN 10:38

Amahvang chuh, sem ka hih chun, kei ei gingcha kileu chin le, nasephaw bêk hi gingchau in; Pa, keimah ah a um hi tih leh, Kei, Pa ah ka um hi tih na het u a, na ginchak theih na dingun,” ti’n a dâwng a.

JOHAN 10:25

Isu’n a kawm u ah, “Ka hun hilh ta kha la, na gingcha nuom puou a. Ka Pa min a thil ka hih hin, ka chanchin a hetsak ahi.

JOHAN 5:36

Himahlele, hetsakna ka neih hi, Johan hetsakna sang khan a lopi zawi: Pa’n thilhih zawh dinga ei piek, ka thilhihte ngêi hin, Pa’n ei sawl a hi tih, ka chanchin a hetpih ahi.

JOHAN 3:2

Zie pa chuh zan in Isu kawmah a chieh a, a kawmah, “Rabbi, Pathien kawm apat a sinsakpa dinga hung na hi, tih ka heu a; Pathien a chung u a a um loh chun, zie thilmak na hih bang hi kuoma’n hih thei puo’n au,” a ti a.

JOHAN 2:23

Chun, Chiehkân Kut mat laia Isu Jerusalem khuo a a um lai in, mi tamtakin, a thilmak hih a muh ziekun a gingcha tau a.

MARK 9:25

Isu’n mipi hung khawm haw chun a hun naih ui tih a mu a, thitha buok chuh a gai a, a kawmah, “Nang, thitha pautheilo leh bengngawng, a sung apat hung pawt a, lut kit talo hiel dingin thu ka hun piei,” a ti a.

MARK 7:37

A za taphawtte chun gen theih loh khawpa maksa’n, “Ama’n thil bang cheng phatak in a hih a; bengngawngte khuo a zak theih sak a, pautheilo te a pau theih sak hi,” a tiu a.

MATTHAI 10:8

Damlote sudam unla, mithite kaitho unla, phâkte suthieng unla, thitha haw delh dawk unla. Man beia na san u chuh man beiin pieu in.

MATTHAI 9:30

Isu’n a kawm u ah, “Chingthei unla, kuomah hetsak kiu in,” ti’n a khap chakkêi a.

ISAI 66:2

Zie thil haw cheng hi keimah khut ngeia ka siem ahi a! tichun, keia ahi tau hi, Lalpa’n a tii. Himahleh, mi gimthei, thagau a kisik tuntun leh ka thu a kithing sek te lam chuh en zawng ka.

ISAI 43:8

Mit nei ngâla mu theilo leh bil nei ngâla za theilote chuh hun puidawk un!

SAM LEHKHABU THE PSALMS 146:8

Lalpa chun mitdûkte mit a hihvak sak sek hi; Lalpa chun kun tha haw chuh a kaitho seka; Lalpa chun mi diktatte chuh a hehpih sek a;

SAM LEHKHABU THE PSALMS 22:26

Mi gimtheite chun neu un tin, tai un au: A mah hawlte chun Lalpa chuh pakcha’n au: Na lunggil u chuh kumlekhuo’n hing zing hen.

2 LENGTE 5:14

Ziephet chun, Naaman chu Jordan lui ah a va chieh a, Pathien mi gen bang chun, Jordan lui ah sagih vei a va kidieh a; tichun, a taksa chu, naupang phehlevo bang mai in a hung um ta a, a hung thieng ta a.

2 LENGTE 5:7

Chun, Israel leng chun, zie lehkha chu a vak sim phet chun, tihna ding helo in, a puon a bawtthêk a, “Suria leng hin bangti dana, zie pa hi sudam thei dinga ei gingcha a hi die aw! Pathien guola thihna leh hinna dinga thilhih theihna nei kha ei sak ahi die aw? ngaihtuoh un, ka chunga lemchâng a hawl ahi hi,” a ti a.

MATTHAI 5:3

“Thagau lama tasam kisate chuh a hamphau hi; van gam amau a ahi ngâl a.

NASEPTE 2:22

“Nanguh Israel mite haw, zie thu haw hi zau in! Nazareth Isu, Pathien in amah manga na lak u a thil lopihaw, thilmak haw, melchikna haw a hih ngêi khan, a hun hêtchet sak na hiu hi. Nangmau ngêi in ziehaw khah na he ngâl u a, na lak u a hungtun tâk ziekin.

ZEKARIA 11:7

Khutichun, gancha guola thah ding a um mite chuh ka enkawl a, ganguolte laka a gimtheite ngêi chuh, Chun, mawlh nih ka la a, khat chuh, “Deihsakna” ka vawh a, khatzaw chuh, “Kipumkhatna” ka vawh a; tichun, belamte chuh ka vak a.

PAWTDAWKNA 4:11

Chun, Lalpa chun a kawmah, “Mihing kam hi kuo siem ahi? Pau theilote, bengngawngte, mitvakna piete, mitdûkte hi le kuo siem ahi? KEI, Lalpa siem hilo ahim?

ISAI 29:19

Mi kingainiem te chun Lalpa a kipahna thak chuh nei kit un tin; chun, mi chagahte chuh Israel mi thiengtho achun limbawl in um tan au.

MATTHAI 11:4

Chun, Isu’nakawm u ah, “Chieh kit unla, thil na muh u leh na het hawu hi Johan va hilh un:

MATTHAI 12:13

Tichun, zie pa kawm achun, “Na khut tung ah,” a ti a. Chun, amah chun a khut a tung a, a langkhat guolin a dam kêi ta a.

JOHAN 9:7

“Siloam Dil ah va sil ah,” a ti a. (Siloam chuh “Sawl” tihna ahi.) Tichun, a va chieh a, a sil a, mit vakin a hungkit ta a.