MATTHAI 10:5 - PATHIEN LEKHABU THIENGTHO (BSI)

⁵ Zie sawmlenih te chuh Isu’n a sawl dawk a, a kawm u ah tihin thu a pie a: “Jentel te lampi ah chieh kiu inla, Samari mite khuo himhim ale lut kiu in.

MATTHAI 10:5 ပူးပေါင်းရင်းမြစ်များ

JOHAN 4:9

Numei chun a dâwng a, “Nang Juda mi na hi a, kei Samari numei ka hi ngâl a, bangti dana ka kawma dâwn ding nei nget a?” a ti a. (Judate’n Samari mite bangma’n a mang kha ngâl puou a.)

1 THESSALONIKA 2:16

Jentel te kawma hukdam a hung hih theihna ding u a, thu ka gen ding nasan uh ei khap sek uh a hi kha! Khutibanga chuh hihin, a gitloh tehnau chuh a sudim tau ui. Khutichun, Pathien lungnatna chuh a chungu ah a huoisie thei pên in a hungtung tai!

LUKE 17:16

Isu keng bul ah a khupbawk a, kipahthu a gen ta a. Zie pa chu Samari mi a hi a.

NASEPTE 10:45

Chun, zektan haw laka gingchate, Peter hun zuite chun, Thagau Thiengtho piek chuh, Jentel te chung ale sunthak ahih ziekin mak a sa ten u a.

LUKE 9:2

Tichun, Pathien gam thu gen ding leh damlote hihdam dingin a sawl dawk ta a.

NASEPTE 1:8

Himahlele, Thagau Thiengtho chuh na chung u a a hungtun tieng leh, thilhih theihna hun nei unlau, tichun, Jerusalem khuo ale, Judea leh Samari gam khuo tin ale, kâwlmawng tiengin ka thu hetpihte hi’n lau,” a ti a.

JOHAN 20:21

Isu’n a kawm u ah, “Na chungu ah lungmuonna um hen. Pa’n ei sawl guolin ka sawl na hiu hi,” a ti kit a.

JOHAN 7:35

Ziephet chun, Judate chuh a kiho u a, “I muh loh dingun zie pa hi hawia chieh ding a hi? Grik khawpite a I miteu chênna a chuh chieh in, Grikte chuh a va sinsak ding a hi die?

JOHAN 4:5

Tichun, Samari gama khuo khat Sukar a tih uh mun chuh a hung tung a, zie chuh Jakob in a chapa Joseph kawma mun a piekna apat a gamla lo cha ahi.

LUKE 10:33

Amahvang chuh, Samari gam apat kuo ahim, a khuol chiehna lam ah zie mun chu a hungtung a, a muh phetin a lungsiet mah mah ta a,

MATTHAI 4:15

“Dîl lama Jordan gâl a, Zebulun gam leh Naphtali gam; Galili a Jentel te gam;

NASEPTE 8:1

Saul chun le a thih chuh a ki-awi a. Zie ni chun, Jerusalem khuo a Sapchuom um haw chun sukgimtheihna nasatak a thuok pan tau a. Sawlchakte tihloh, gingtu dang chengcheng chuh, Judea leh Samari gam khuo tin ah a dalh vek tau hi.

JOHAN 8:48

Judate chun a kawmah, “Samari mi, thitha vawp na hi, ka hun tih u khah, ka gen dik zet uh hi na lo maw?” a tiu a, a dâwng u a.

JOHAN 4:20

“Ka puteu, ka pateu in zie tâng ahin Pathien a chibai sek ui, himahlele, nanguh vangin, Mihing in Pathien a chibai na dinguh mun chuh Jerusalem ah a um, na ti sek ui,” a ti a.

LUKE 10:1

Chun, zie zawh nung chun, Lalpa’n mi sawmsagih leh nih a teldawk kit a, amah ngêi chiehna ding khawpi tin leh muntina chun a masanga a na chieh masa dingin, nih zelin a sawl a.

MATTHAI 22:3

Tichun, guolvakna an a siem chuh ne dingin a mi chielte sam ding chun a suokte a sawl a, himahlele a hung nuom puou a.

MARK 6:7

Tichun, sawm le nih te chuh a sam khawm a, nih nih zelin a sawldawk ta a; thagau buokte chunga thuneihna a pie a,

LUKE 9:1

Chun, Isu’n sinsak sawm le nih te chuh a sam khawm a, thitha chengcheng chunga thilhih-theihna leh thuneihna leh, natnate hihdam theihna a pie a.

JOHAN 17:18

Nangin khawvel a kei nei sawl guolin, ken le amau haw chuh khawvel a ka sawl a hii.