MATTHAI 10:20 - PATHIEN LEKHABU THIENGTHO (BSI)

²⁰ A gen chuh nanguh hi ding na hi puou a, na Pau Thagau in nangmau mang in gen ding ahi zaw ngâl a.

MATTHAI 10:20 ပူးပေါင်းရင်းမြစ်များ

NASEPTE 6:10

Himahlele, a chitna leh a genpih pa Thagau chuh a lektha thei puou hi.

LUKE 21:15

na melmateu chengcheng in, a hun do dîl u a, a hun niel theih lohna ding, kam leh chitna hun pie ding ka hi ngâl a.

LUKE 12:12

Zie hun a na gen ding u chuh Thagau Thiengtho in hun hilh ding ahi ngâl a,” a ti a.

2 SAMUEL 23:2

Lalpa thagau chun keimah ei mang in a gen a, A thu chu ka lei ah a um a.

2 PETER 1:21

Hilhlawkna thu himhim hi, mihiemte deihna a pawt ahi puoh a, Pathien mi thiengtho te’n Thagau Thiengtho puihhuoi bang zela ahun gen sek uh ahi zawi.

NASEPTE 4:8

Tichun, Peter chuh Thagau Thiengtho in a dim a, a kawm u ah, “Mipi chengcheng lawiupate leh upate haw;

NASEPTE 2:4

A bawn un Thagau Thiengtho in a dim vek tau a, Thagau in a pau sak guol zelin, pau zatchuom in a hung pau tau a.

2 KORINTH 13:3

Krista mawng chun, kei ei mang in thu a gen hi tih, phawtchien na nawp tak phawt u chuh, hechien un lau. A hun ngaihtuoh phat chuleh, zawngkhal hiel puo’n tin; na laku ah, a thilhih theihna etsak zaw’na.

1 PETER 1:12

Zie thu haw chuh, amau haw phatchuomna ding hilo in, nangmau haw mawng phatchuomna ding ahi zawi tih, Pathien in thiemgaute kawm achun a hetsak tai; zie thu haw chuh, van apat a sawl dawk, Thagau Thiengtho thilhih theihna’n, nanguh Chanchin Pha hun hilhpa khan a hun hilh na hi tau hi. Zie thil haw chuh ahi, vânsâwlchâkte nasan inle hêtchet a nawp sek uh khah.

NASEPTE 28:25

Tichun, Paul in zie thu khat hi a gen zawhin, amau haw lak ngeia kituok lohna um in, a chieh dawk san tau hi: “Thagau Thiengtho in Thiemgau Isai kama, nanguh hun suonte kawma a gen khah a dik mah mah hi!

NASEPTE 13:9

Khutichun, Saul, (Paul a sak mah u chuh), Thagau Thiengtho in a dim a, amah chuh a en chang kei a,

LUKE 11:13

Zieziekchun, nang haw migilo bawnin, na chateu thilpha piekna chang na het u chun, na Pau van a um chun a ngente chuh Thagau Thiengtho a pie na lâwm lâwm ding e!” a ti a.

MARK 12:36

Thagau Thiengtho hatkhum in David ngêi chun: ‘Lalpa chun ka Lalpa kawmah, Na melmate na kêngpêk nuoia ka kawih masang sieh ka changlam ah chu’n,’ a ti ngâl a.

MATTHAI 6:32

(Ziehaw chuh Jentel ten a hawl sek uh ahi.) Ziehaw chengcheng chuh na sinmawh uh ahi tih na Pau van a um in a he ngâla.

PAWTDAWKNA 4:12

Zieziekchun chieh mai ah, na kam chuh ken umpih zel ing ka ting, na thugen ding chuh hun hilh zel ding ka hi,” a ti a.

1 THESSALONIKA 2:13

Chun, zieziek hin Pathien kawmah kipahthu ka gen zing sek uh ahi: keihaw apat a Pathien thu na zak uh, na pawm lai u khan, mihiem thu pawm in na pawm puou a, Pathien thu pawm a na pawm zawk ziekun; zie chuh a dik him ngâl a. Nanguh, a gingchate chunga sempa chuh Pathien ahi.