MATTHAI 10:2 - PATHIEN LEKHABU THIENGTHO (BSI)

² Sawlchak sawm le nih te min chuh ziehaw hi ahi: A masapen in Simon (Peter kiti) leh a suohpih Andrew; Jebedai chapa Jakob leh a suohpih Johan;

MATTHAI 10:2 ပူးပေါင်းရင်းမြစ်များ

NASEPTE 1:13

Khawpi a lut phet u chun, a umnau indan chungnung a chun a kal to u a: Peter leh Johan tawh, Jakob leh Andrew, Philip leh Thoma tawh, Bartholomai leh Matthai tawh, Alphai chapa Jakob leh, Simon, Zelot lawi a tel leh, Jakob chapa Juda tawh ahiu hi.

MATTHAI 4:21

Chun, zie apat chun a chieh zel a, unau dang nih, Zebedai chapa Jakob leh a suohpih Johan chuh, a pau Zebedai kawmah kuong a a lên hawu bawlpha’n a mu a, amau chuh a sam ta a.

JOHAN 12:22

Philip chun Andrew a va hilh a, chun, Andrew leh Philip chun Isu a va hilh tau a.

JOHAN 6:8

Chun, sinsakte laka khat, Simon Peter suohpih, Andrew chun a kawmah,

LUKE 5:10

Simon lawi mah, Zebedai chapa Jakob leh Johan in le mak a sa mah mah u a. Isu’n Simon kawmah, “Lau ki’n, tunung vang leh mihiem hun man ding na hi tai,” a ti a.

MATTHAI 4:18

Chun, Isu chuh Galili dîl panga a chieh lai in, unau nih, Simon, (Peter kiti) chuh a suohpihpa Andrew tawh dila lên sep a mu a nga man mi a, hi him u a.

LUKE 11:49

Zieziekchun, Pathien Thupil inle: ‘A kawm u ah thiemgaute leh thupuo te sawl ing ka ting, khenkhat chuh that untin, khenkhat chuh a na sugimthei un au,’

THUPHUON 1:9

Kei Johan, na suohpihpau, Isu nungzui, lenggam mite chunga gimtheihna hungtung, thuokhat taka hun thuokpih pa chuh ka hi. Pathien thu leh, thu dik, Isu phuondawk chuh ka gen ziekin, Patmos tuikuol achun kawih in ka um a.

2 JOHAN 1:1

Upa keimah apat, Numei pha kiteng nu leh, a chate, tih tak zet a ka lungsiet te kawmah. Kei mai hilo in, thutak he ta chengin le a hun lungsiet uh ahi,

2 PETER 1:1

Simon Peter, Isu Krista sawntawlawi leh sawlchak apat chun I Pathien uh leh Hukdampa Isu Krista diktatna vanga, taksanna lul tak ka chan bang uh changte kawmah:

1 PETER 1:1

Peter, Isu Krista sawlchak chun, Pathien mi telte, gâltai banga, Pontas gamte, Galati gamte, Kappadokia gamte, Asia gam leh, Bithunia gamte a kithehzakte;

HEBRAI 3:1

Khutichun, suohpih thiengtho, van sapna chang khate haw, I taksan uh Sawlchak leh Thiempu Lienpen, Isu chuh ngaihtuoh un.

EPHESI 4:11

Amah mah chuh, “mihingte kawma Thilpiek,” piepa chuh ahi; khenkhatte chuh sawlchak dingin a guot a, khenkhat chuh thiemgau dingin, khenkhat chuh, belampu ding leh khenkhat chuh sinsaktu dingin a guot a.

1 KORINTH 15:7

Zie nung chun Jakob kawmah a kilak a, chun, zie nung chun sawlchak cheng chengte kawmah a kilak kit a.

NASEPTE 12:2

Chun, Jakob, Johan suohpih chuh, chemzâm in a satlum a.

NASEPTE 3:1

Chun, Peter leh Johan chuh, vaimim huon phat vela, paucham hun lai chun, Pathien Ho-In a lut ding chun a va chieh u a.

NASEPTE 1:26

Tichun, phun a san u a, a phunsân u chuh Matthias chungah a chu a; tichun, amah chuh sawlchak sawmlekhatte laka chun simtel a hi tai.

JOHAN 21:24

Zie sinsakpa chuh, zie thu haw hetsakpa leh zikpa hi ahi; a thu hetsak hi a dik hi tih I heu ui.

JOHAN 21:20

Chun, Peter chuh a kihei a, Isu’n a sinsak a hehpih, nitâk an nek laia Isu âng zawna hung daphei pa, “A matsak ding pa chuh kuo pên ahim?” tipa khan a hun zuih a mu a.

JOHAN 21:2

Zie tak achun, Simon Peter te, Thoma Didumas a tih teu, (Galili gama Kana khuo a um) Nathanael te, Zebedai chapa nih te leh Isu sinsakte dang nih tawh a um u a.

JOHAN 20:2

Khutichun, a tai a, Simon Peter leh, sinsak dang Isu’n a hehpih kawm achun a hung a, a kawm u ah, “Thân apat khah Lalpa chuh a chiehmangpih tau a, a kawihna chin uh ka he ta puou hi,” a ti a.

JOHAN 13:23

A sinsakte laka mi khat, Isu’n a hehpih chuh, dawhkân sika Isu kawm achun a chu a.

LUKE 22:14

Chun, a nek a hung phat phetin, Isu chuh a sinsakte tawh dawhkan a chun, an ne ding chun a chu ta a.

LUKE 22:8

Tichun, Isu’n Peter leh Johan chuh, “Chiehkân Kut an I nek dingun va guonggalh un,” ti’n a sawl a.

LUKE 9:10

Chun, sawlchakte chuh a hungkit u a, a thilhih cheng teu chuh Isu a hilh tau a. Amah chun amau haw chuh a pui a, Bethsaida khuo a tih uh a chun a chieh chuom tau a.

MARK 13:3

Chun, Isu chuh olive tânga Pathien Ho-In zawna a chut lai in, Peter leh Jakob leh Johan leh Andrew te chuh a kawmah a hung u a:

MARK 1:29

Chun, kikhawpna In apat chuh a pawt u a, Jakob leh Johan tawh, Simon leh Andrew In achun a lut pai zieng u a.

MATTHAI 26:37

Peter leh Zebedai chapate nih chuh a kawmah a pui a. Lungkhamna leh thaphanna te’n a hun bawm ta a;

MATTHAI 20:20

Zie lai chun Zebedai zi chuh a chapate hun pui in Isu kawmah a hung u a, a masang ah a khupdin a, thil banga him a ngên a.

MATTHAI 17:1

Chun, ni gup zawh chun Isu’n Peter te, Jakob te leh a suohpih Johan te chuh a pui a, a chuom in tâng sang tak ah a chieh toh pih ta a.

THUPHUON 22:8

Chun, kei, Johan hih, zie thil chengcheng mu pa leh za pa chuh ka hi. Chun, ka zak a, ka muh phet chun, zie thil haw ei etsak vânsâwlchâk keng bul achun, Pathien ho tawbanga ho dingin ka khupbawk ta a.

THUPHUON 1:1

Isu Krista thuphuon dawk; Pathien in a sawntawlawite hetsak dinga a kawma a piek, thil hungtung vak zieng ding thute chuh ahi. Zie chuh a vânsâwlchâk sawl in, a sawntawlawi Johan a hun hetsak a,

3 JOHAN 1:1

Upa keimah apat, deihtak, Gaia, tihtakzet a ka hehpihpa kawm achun:

THUPHUON 18:20

“Vante haw, amahnu sietna ziek chun kipâk un! Mi Thiengthote leh, sawlchakte leh thiemgaute haw, kipâk un! Nang haw chunga a thilhihte ziek chun Pathien in amahnu chung achun a vaihawm thuk ta ngâl a!” ti’n.

MARK 6:30

Chun, Sawlchakte chuh a kilehkit phet un, Isu tawh a kituok u a, a thilhih teu leh a sinsaknateu cheng chuh amah a hilh tau a.

JOHAN 6:67

Khutichun, Isu’n sawm le nih te kawm achun, “Nang haw le chieh mang na nuom um?” a ti a.

JOHAN 6:70

Chun, Isu’n a kawmah, “Nanguh sawm le nih te hi, keimah tel hilo na hiu hi? Na lak u a khat Diabol a hih kit kit tawh!” a ti a.

JOHAN 6:71

Iskariot Simon chapa Juda, sawm le nih te laka tel pa thu khah a gen ahi, amah chuh a matsak ding ahi ngâl a.