MATTHAI 10:18 - PATHIEN LEKHABU THIENGTHO (BSI)

¹⁸ Kei ziekin gam vaihawmte leh lengte masanga thutan sak ding leh amau haw kawm leh Jentel te kawma Chanchin pha gen dingin hun pui un au.

MATTHAI 10:18 ပူးပေါင်းရင်းမြစ်များ

MARK 13:9

“Himahleh, chingthei u; vaihawmte hun matsak un tin, chun, kikhawpna In ah zêp hi’n na tin uh; kei ziekin vaihawmte leh lalte ma ah Chanchin pha hetsakna dingin puih hi ding na hi ngâl u a.

MATTHAI 8:4

Tichun, Isu’n a kawmah, “Kuomah hilh lo dingin chingthei ah; amahvang chuh chieh in la, thiempu kawmah va ki-etsak in la; Mosi’n thilpiek ding a tih haw kha va pie’n, mipite’n a hetchetna dingun,” a ti a.

THUPHUON 11:7

Chun, a hettuoksaknau thuphuon chuh a zawh tiengu leh, thampikuo-âwng apat sahang hung pawtdawk ding chun a mau chuh do intin, zo intin, sulum ina.

THUPHUON 6:9

Chun, Belamno chun tiemtehna ngana chuh a vak phel leh, Pathien thu a gen ziekuh leh, hetpihtu taksanum taka a pan ziekuh a thaha umte thagau haw chuh ka mu a.

THUPHUON 1:9

Kei Johan, na suohpihpau, Isu nungzui, lenggam mite chunga gimtheihna hungtung, thuokhat taka hun thuokpih pa chuh ka hi. Pathien thu leh, thu dik, Isu phuondawk chuh ka gen ziekin, Patmos tuikuol achun kawih in ka um a.

2 TIMOTHE 1:8

Khutichun, I Lalpau thu hetpih a pan chuh zahchâkpih ki’n la, kei, amah zieka suongkul lut hile ei zahchâkpih diek ki’n. Zie malak chun, Chanchin Pha zieka haksa thuok hi, Pathien in thuok theihna a hun piek bang zelin nei thuokpih zaw ta’n.

SAM LEHKHABU THE PSALMS 119:46

Na thu hetsak thu haw chuh lalte masang ah gen ing ka ting, Zakcha dawi puo’ng ka.

MATTHAI 10:17

Mihiemte lak achun chingthei un, hun man un tin, vaihawmna In a hun pui in, a kikhawpna In hawu a chun hun zêp ding ahi ngâl u a.

MATTHAI 10:19

Himahlele, a hun matsak tieng u chu leh, ‘Bangti’n a, bang thu a ka gen ding?’ ti’n lungkham kiu; na gen ding u chuh a hun taka hetsak a um ding na hi ngâl u a.