MATTHAI 10:1 - PATHIEN LEKHABU THIENGTHO (BSI)

¹ Chun, Isu’n a sinsak sawm le nih te chuh a kawmah a sama, amau haw chu thagau buok delhdawk theihna dingin thuneihna a pie a, chuleh, damlohna tincheng leh natna tin cheng sukdam theihna ding thuneihna le a pie a.

MATTHAI 10:1 ပူးပေါင်းရင်းမြစ်များ

LUKE 10:19

Ngaitiem u! gulte, aikawmte tawhden theihna thu ka hun piek na hiu hi; tichun, bangma’n hun suna puo’n a.

LUKE 24:49

Chun, ngaitiem u, Pa thil tiem chuh na chung u hun sawl ding ka hi; himahleh, chunglam apat a thilhih theihna’n a hun thuom masang sieh chuh, khawpi ahin um zingun” a ti a.

NASEPTE 1:8

Himahlele, Thagau Thiengtho chuh na chung u a a hungtun tieng leh, thilhih theihna hun nei unlau, tichun, Jerusalem khuo ale, Judea leh Samari gam khuo tin ale, kâwlmawng tiengin ka thu hetpihte hi’n lau,” a ti a.

JOHAN 3:27

Johan in a dâwng a, “Mihiem in bangmah a nei thei puou, Pathien in a piek a hih loh ngâl chun.

LUKE 6:13

Khuo a hung vak phetin, a sinsakte chuh a sam khawm a, a lak u a mi sawmlenih a teldawk a, ziete chuh sawlchakte tih a vawh ta a.

LUKE 21:15

na melmateu chengcheng in, a hun do dîl u a, a hun niel theih lohna ding, kam leh chitna hun pie ding ka hi ngâl a.

NASEPTE 19:15

Himahleh, thithabuok chun a kawm u ah, “Isu ka he a, Paul le ka hêi, himahleh, nang u hi kuote na hiua ahim?” a tiu a.

JOHAN 17:2

Mi chengcheng chunga thunei in na siem a, ti a chuh, na piekte kawma hinna a piek theihna dingin.

JOHAN 6:70

Chun, Isu’n a kawmah, “Nanguh sawm le nih te hi, keimah tel hilo na hiu hi? Na lak u a khat Diabol a hih kit kit tawh!” a ti a.

JOHAN 3:35

Pa’n chapa a hehpih a, a khut ah bangakai, a bawncha’n a pie a.

THUPHUON 12:1

Chun, thilmak lopi tak van ah a hung kilang ta a. Numei, nisa a kivan, a keng nuoia thapi um, aksi sawm le nih a kivan lallukhuk khu a hung um a.

MATTHAI 26:47

Chun, a gen lai tak in Juda, sawm le nih te laka khat chuh a hung tung ta a, mipi tamtak tawh, Thiempuliente leh Danthuzikte leh upahaw kawm apat mipi nasatak, chemzâm leh khetbuk chawiin a hung tung kit zel tau a.

MATTHAI 26:20

Chun, nitâk lam a hung hih phet in, sinsak sawm le nih te chu tawh ankuong a um uh a.

MATTHAI 19:28

Isu’n a kawmah, “Tihtakzet a ka hilh na hiu hi, Siemthakna achun Mihiem Chapa hi a lopina chutphah a chut tieng leh nanguh ei zui haw hi, Israel nam sawm leh nam nih te vaihawm sak in, Lalchutphah sawm le nih ah hung chuh ding na hiu hi.

MATTHAI 6:13

Thepna ah ei puilut ki’n la, Gitloh apat in ei hukdam zaw’n; Gam leh, thilhih theihna leh, lopina chuh, Kumsawt in nanga ahi ngâl a. Amen.’

MATTHAI 4:23

Chun, Isu’n a kikhawpna In hawu a sinsak in, Gam chanchin pha chuh gen in, mite laka natna tin chenga na leh hatlohna tin cheng hihdam in, Galili gam chengcheng ah a vak viel a.

MATTHAI 9:35

Isu chuh khawpi leh khuo neu haw achun a chieh viel a. Kikhawpna Inhaw achu sinsak in, Gam chanchin pha thu gen in; natna tin cheng leh damlo tin cheng chuh a hihdam a.

MATTHAI 9:38

khutichun, a buh ât ding a sem ding haw chu sawl dingin buh neipa kawm achun ngên un,” a ti a.