MATTHAI 1:7 - PATHIEN LEKHABU THIENGTHO (BSI)

⁷ Solomon in Rehoboam a hing a; Rehoboam in Abijah a hing a; Abijah chun Asa a hing a.

MATTHAI 1:7 ပူးပေါင်းရင်းမြစ်များ

2 KHANGTHUBU 13:7

Chun, Rehoboam chu chapang, lungthim dâwng ahih lai a a na do theih loh lai khan Solomon chapa Rehoboam kalh in mi manloh te, Belial chate a kikhawm u a.

2 KHANGTHUBU 12:1

Chun, Rehoboam in gam chu ahung kiphuhdet a, mi hattak a hung hih phet chun, amah leh a mipi te chengcheng chun Lalpa dân chu a kiheimangsan tau a, Israel mi cheng inle amah a zui tau hi.

2 KHANGTHUBU 9:31

Tichun, Solomon chu a thi a, a pa David khawpi ah vuih a hi a, a thasang in a chapa Rehoboam chu leng in a chu ta a.

1 LENGTE 14:31

Chun, Rehoboam chuh a pulepate kawmah a ipmu ta a, David khawpi ah a pulepate kawm achun a vui tau a; a nu min chu Naamah, Amon numei ahi. Chun, a chapa Abijah chuh a thasang in vaihawm in a um tai.

1 LENGTE 11:43

Tichun Solomon chu a pulepate kawmah a ipmu ta a, a pa David khawpi achun a vui tau a; chun, a chapa Rehoboam chun a thasang in vai a hawm ta a.

MATTHAI 1:8

Asa’n Jehoshaphat a hing a; Jehoshaphat in Joram a hing a; Joram in Uzia a hing a.

LUKE 1:5

Judia gam leng Herod lal lai in, thiempu Abija lawi laka mi, a min Zakaria kiti, thiempu khat a um a. Amah chun thiempu Aron chi inkuon laka mi zi’n a nei a, a min chuh Elizabet ahi.