MATTHAI 1:21 - PATHIEN LEKHABU THIENGTHO (BSI)

²¹ Chapa hun hing in tin, a min dingin ISU sa’n la: amah chun a mite a thil hihkhelh nau apat hukdam ding ahi ngâl a,” a ti a.

MATTHAI 1:21 ပူးပေါင်းရင်းမြစ်များ

NASEPTE 13:23

Zie David suonte laka chun, Pathien in a thutiem bangin, Israel haw kawmah Hukdampa Isu a hun pie tai.

NASEPTE 4:12

Mi dang kuomah kawmah hukdamna a um puoi; van khupsin nuoi ah, mihiem sak lak ah, ei hukdam ding min dang himhim a um puoi,” a ti a.

JOHAN 1:29

Chun, a zing chun, Johan in Isu a kawma hung dingin a mu a, a gen a, “En tiem u, Pathien Belamno, vannuoi gitloh la mang pa khuh!

1 JOHAN 3:5

Krista chuh gitloh haw la mang dingin a hung lang tai tih na heu hi; amah achun gitloh bangmah a um puoh ngâl a.

LUKE 2:21

Chun, a zektanna ding ni giet a hung tin phet chun, a min dingin, sûl a a um ma apat vânsâwlchâk in a na gen sa, ISU a sau a.

NASEPTE 5:31

Amah mawng khah, Pathien in Lal leh Hukdampa hi dingin a changlam ah a limbawl ta a; Israel te gitloh lunghei sak ding leh ngaidam dingin,

LUKE 1:31

Ngai ah, gai in na tin, chapa hun nei inla, a min dingin ISU na sak ding ahi.

TITA 2:14

Amah chuh sukkhelhna chengcheng lak apat ei hukdawk ding leh, amah a mai hi a, a mi thiengthote I hih theihna dingun leh, thilpha hih a phachuom ngai dingin I sik un a hung kipie ta a.

LUKE 2:11

Tuni hin nanguh dingin David khawpi ah Hukdampa chuh a pieng tai, Lal Krista chuh!

1 JOHAN 1:7

Himahlele, amah chuh vaka a um banga, ei uh le vaka um I hih uh chun chuh, amah tawh kivawp khawm I hiu a; chun. a Chapa Isu thisan in I gitloh cheng chenguh ei tauh ngim sak ahi.

ZEKARIA 9:9

Aw Zion chanute haw! lawp un, lawp un nang haw, Jerusalem chanute lâwpin kiko dawk un! En un, na leng chuh na kawmah a hung hi! Amah chuh guolzo leh guol chungchuong in! Kingainiem takin sabiltung chungah a chu a, sabiltungno chung ngêi achun.

NASEPTE 3:26

Khutichun, Pathien in a suok chuh a tel a, na lak u a mi tin, a gitlohnau lampi apat a kinunghei sak chieta, vangsak dingin, na kawm u ah a hun sawl masa ahi,” a ti a.

THUPHUON 7:14

Kei chun a kawmah, “Hepu, ka he puoi, nangin na he’i” ka ti a. Amah chun ka kawmah, “Ziehaw hi, gimtheihna nasatak apat a pawtte khah ahiu a, Belamno thisana a puon uh sawp vamte ahiu hi.

HEBRAI 7:25

Zieziekchun, amah zieka Pathien kawma hungte chuh a tâwp chanin a hukdam thei a, amau haw sik gensak dinga kumkhuo a a hin zing ziekin.

DANIEL 9:24

“Na mite leh na khawpi thiengtho hi gitlohna leh thil gilo apat a zalen taka a umna ding chun hapta sawmsagih hi ding ahi. Zie tieng chu leh gitlohna ngaihdam hi’n tin, vaihawmna dik chuh kumlekhuo a dinga sukdet hi’n tin. khutichun hilhlawkna thu leh kilâkna thu chuh hung tungkim intin; chuleh, Ho-In thiengtho chuh lat thak kit hi ta’n a.

JEREMIA 23:6

A hun sungin Juda chuh hukdam hiu un tin, Israel chuh bit takin um ina. Chun, ziehi a min a sapna dinguh chuh a hi: ‘LALPA CHUH I DIKTATNAU AHI’ tih hi.

THILSIEMBUL 18:10

Amah chun a kawmah, “Kum kit tuphat hileh na kawmah hungkit tei ing ka ting; chun ngaiin, na zi Sarah hin chapa nei ina” a ti a. A nunga puon-In kawtkhak apat chun Sarah chun ana za a.

LUKE 1:13

Himahlele, vânsâwlchâk chun a kawmah, “Zakaria, lau ki’n, Pathien in na pauchamna khah a he a puo, na zi Elizabet chun chapa hun hinsak intin, a min dingin Johan na sak ding ahi.

JEREMIA 33:16

Zie ni haw achun Juda chuh hukbit in um intin, Jerusalem chuh bit takin um in a. Chun, a min dingin, ‘Lalpa CHU I DIKTATNAU AHI,’ tih hi hi’n a.

THILSIEMBUL 17:19

Chun, Pathien in, “Hilo e, na zi Sarah hin chapa hun hinsak zawn tin a min dingin Isak na sak ding ahi: ka thugawlh chuh amah nung a a suonte dingin kumkhuo thugawlh dingin amah achun sudet ing ka.

THILSIEMBUL 17:21

Himahleh, ka thugawlh vang chuh kum kit tuhun hileh Sarah in a hun hinsak ding Isak kawm achun ahi ka sukdet zawk ding chuh,” a ti a.

VAIHAWMTE 13:3

Chun, Lalpa vânsâwlchâk numei kawm achun a hung kilak a, a kawmah “Ngaitie, a chîng na hi a, nauvawp khalo na hi; himahleh, hung gai in na tin, chapa hun nei ding na hi.

1 SAMUEL 1:20

Khutichun hiti hi ahung hi a, Hannah chun nau a hun vawp a, chun, ahun ahung tun chun chapa ahun nei a; “Amah hi Lalpa kawma ka nget ahi,” ti’n amin dingin Samuel a sa ta a.

MATTHAI 1:25

Himahleh, chapa a hin ma cheng chuh a kuolpih puoi; tichun Joseph chun a min dingin ISU a sa ta a.

JOHAN 4:42

Tichun, numei kawma chun, “Tuzet hin chuh, na thugen vanga gingcha ka hi ta puou; keimau ngêi in a thu ka heu a, zie pa hi khawvel hukdampa a hi tak zet hi, tih ka he tau hi,” a tiu a.