MATTHAI 1:16 - PATHIEN LEKHABU THIENGTHO (BSI)

¹⁶ Zie Mari sunga hin Isu Krista kiti hi a hung pieng tai.

MATTHAI 1:16 ပူးပေါင်းရင်းမြစ်များ

MATTHAI 27:17

Khutichun, a hung kikhawp u chun, Pilate in a kawm u ah, “Kuo pên hun thahdawk sak leng na nuom u? Barabbas ahi die, Isu Krista a tih u hih?” a ti a.

JOHAN 4:25

Chun, numei chun a kawmah, “Messiah a tih uh chuh hung ding ahi tih ka hêi, amah chuh a hung tieng leh, thil bangakai ei hilh ina,” a ti a.

LUKE 3:23

Chun, Isu’n na a sep pat tûng lai khan, kum sawmthum vela upa ahi a. Amah chuh mite gel dân chun, Joseph chapa ahi a, zie pa chuh Heli cha ahi,

MATTHAI 27:22

Chun, amau haw chun, “Barabbas” a tiu a. Pilate in a kawm u ah, “Isu Krista a tih u hi bang ka lawh ta die leh?” a ti a. Amau haw chun. “Amah chuh kross ah khêndên ah.” a tiu a.

LUKE 4:22

Tichun, a bawn un amah a pakchau a, a kamsuok lungsietna thu haw chuh mak sa ten u a. tichun, “Zie pa hi Joseph chapa hilo ahim?” a tiu a.

LUKE 2:48

Chun, a nu leh a pa chun amah chuh a muh phet un mak a sa ten u a, tichun, a nu’n a kawmah, “Ka chapa bangtia hiti a hih nei bawl ahim? Ngaitie! na pa leh ken lungdawng taka ka hung hawl uh ahi,” a ti a.

LUKE 2:7

Tichun, nautil in chapa a nei a, chun, puon nem in a tuom a, khuolbûk a chuh amau dinga mun a um loh ziekin, gankuong achun a siel ta a.

LUKE 1:27

Amah chuh, leng David suona mi khat, Joseph kiti tawh kihuol lai ahi a, zie nungak min chuh Mari ahi.

MARK 6:3

Zie pa hi Mari chapa, Jakob te, Joseph te, Juda te leh Simon te suohpihpa, thingkuong siempa kha hilo ahim? A suohpih numeihaw le zie a hi I kawm u a um hilo maw?” a tiu a. Tichun, a chungah a lungkim ta puou a.

MATTHAI 2:13

Chun, a chieh nung un ngaitie, Lalpa Vânsâwlchâk khat Joseph kawmah a mang in a hung kilak a, “Tho in la, nausen leh a nu pui in la, Aigupta gam ah taimang ah, ka hun hilh kit masang chuh taka chun um zing ah; Herod in nausen sukmangthai dinga hawl ding ahi,” a ti a.

MATTHAI 1:15

Eleazar in Matthan a hing a; Matthan in Jakob a hing a, Jakob in Joseph, Mari pasal chuh a hing a.

MATTHAI 16:16

Ziephet chun, Simon Peter in a dâwng a, “Krista, Pathien Hing Chapa chuh na hi,” a ti a.

MATTHAI 16:20

Zie zawh chun Isu chun a sinsakte chuh Krista ahi tih kuomah hetsak lo dingin a kham chakkêi a.