MARK 9:32 - PATHIEN LEKHABU THIENGTHO (BSI)

³² Himahlele, a thugen chuh a ngaihna a he puou a, amah la a dawng ngam ngâl puou a.

MARK 9:32 ပူးပေါင်းရင်းမြစ်များ

LUKE 18:34

Himahlele, sinsakte chun zie thu haw himhim chuh a ngaihna a he puou a; thu umzie chuh a laku ah selguk in a um a, Isu thugen chuh bang gen a hih a he puou ui.

LUKE 9:45

Himahlele, a sinsakte chun a thugen chuh bang a genna ahih a he puou hi. A het theih loh ding u a kisel hih ziekin, zie thu chuh amah la a dawng ngam ngâl puou a.

LUKE 2:50

Himahlele, a kawm u a a thugen chuh a ngaihna a he puou hi.

JOHAN 16:19

Chun, amah dawt a nuom ui tih Isu’n a he a, a kawm u ah, “Chawmlo kalin nangun kei ei mu puou un na tin uh, chawmlo kal mah in nangun kei ei mu kit unlau, ka hun tih hi na kidawng tuoh uh ahi maw?

JOHAN 12:16

Ziehaw chuh, a tûngin a sinsakte’n a he puou a; himahlele, Isu limbawla a um nung leh, a chanchin ah zie thu haw chuh zik a hii tih leh, a chungah ziehaw chuh a na hih nau hi tih a na he tau hi.

MARK 9:10

Tichun, zie thu chuh a ching zing u a, “Mithi lak apat a thawhkit chuh bang tihna ahi die?” ti’n a kidawng tuoh sek uh a.

JOHAN 4:27

Zielai tak chun a sinsakte chuh a hung u a, numei a hopih chuh mak a sa ten u a. Himahleh, kuoma’n, “Banga na hawl?” ti le a um puou a, “Bang zieka numei hopih?” ti le a um diek puou ui.

LUKE 24:45

Tichun, Pathien lehkhathu hethei dingin, a lungthimteu a suk-hawn sak a,

MARK 16:14

A nunung pen ah, ankuong a um lai un, sawmlekhatte kawmah a kilak a. A thawhkit nunga amah mute thugen a taksan loh ziek u leh, a lunggil hawu tâk ziek chun amau haw chuh a gai a.

MARK 8:33

Himahleh, Isu chuh a kihei a, a sinsakte chuh a en a, Peter chuh a gai ta a, “Setan, ka nung ah chieh ah; na ngaihtuohna chuh Pathien apat a hung ahi puoh a, mihiem apat a hung ahi zaw ngâl a,” ti’n.

MARK 7:18

Chun, ama’n a kawm u ah, “Nang u le khuti hiel a chuh hetna nei lo na hiu maw? Bang hileh, pawlam apat a mihiem sunga lut chun amah a subuok thei puoi;