MARK 9:29 - PATHIEN LEKHABU THIENGTHO (BSI)

²⁹ Isu’n a kawm u ah, “Zie tawbang hi pauchamna leh anngawlhna ngâl lo in, bangmah dangin a nawhdawk theih puoi,” a ti a.

MARK 9:29 ပူးပေါင်းရင်းမြစ်များ

JAKOB 5:15

Tichun, taksanna zieka pauchamna chun damlo chuh hihdam intin, Lalpa’n amah chuh dam sak kit intin; chun, gitlohna a na hihte chuh, ngaihdam sak hi’n a.

MATTHAI 17:20

Isu’n a dâwng a, “Zie tawbang hi pauchamna leh anngawlhna ngâllo in a hih thei puoi.”

DANIEL 9:3

Tichun, an ngawlin, kawlladip puon silh in, vut laka kibuol in, Lalpa Pathien kawm achun phachuomngai takin ka paucham ta a.

EPHESI 6:18

ziehaw chuh, bang hun ale, Pathien kawmah paucham in ngên zawu in. Hun tin ah, thagau in a hun puih bang zelin paucham un. Zie ziek tak hin, kivêng phau inla, Pathien mite dingin paucham zingun.

2 KORINTH 12:8

Zie chungchâng thu achun, lâkmang a hih theihna dingin, Lalpa kawmah thum vei ka ngên ta a.

2 KORINTH 11:27

Nasep gim leh chawlna leh, ihmut mawhna te ale; gilkiel leh dangchâk na te ale; nek ding tâksapna munte, vel tamtak umna ding leh silhlechen beia umna banga le.

LUKE 11:26

Tichun, a va pawtdawk a, amah sanga phalo zaw, thitha dang sagih a hun pui a, a hung u a, taka chun a cheng tau a. Khutichun, zie mihiempa dinmun chuh a tunga sang khan a tawp lam chun a hung phamawh zaw sem hi!” a ti a.

1 KORINTH 9:27

Ka sapum ka thunun theihna dingin ka kilumziela, suok in ka siem sek; khutilochun, mi dangte kawma chanchin pha ka tângsappih nung in, keimah ngêi le ting lo na hi kha’ng ka.

NASEPTE 14:23

Chun, sapchuom pawl tin achun a upa dinguh a guot sak zel u a, an ngawl kawma a paucham zawh un, a ginchak uh Lalpa kawm achun a vawpsak sek u a.

MATTHAI 12:45

Ziephet chun a va pawtdawk a, amah sanga gilo zaw thitha dang sagih a hun pui a; tak achun a cheng tau a. Zie mihiem umzie nunung chuh amasa sangin a hung phamawh zaw ta a. Tawbangmah hin tulai khangthak gilo takte chunga hin le hung um ding ahi,” ti’n a dâwng a.

2 KORINTH 6:5

Zep in ka um u a, suongkul a lutna leh thubuoi na le; na hah sep a sem in, ipmu lo leh an nelo khawp in ka um sek uh ahi.

MATTHAI 17:21

“Tihtakzet a ka hilh na hiu hi, ankam mu chang khat tieh taksanna na neih u chun, zie tâng kawma hin, ‘Zie tak apat hih zie khun va kichawn ah,’ tiu in na tin uh, kichawn zieng ina; tichun, nang u dingin hihtheihloh bangmah um puo’n a,” a ti a.

MARK 9:28

Chun, Isu In a a hung phetin, a sinsakte’n, “Bang zieka kei un ka nawhdawk theih loh uh ahi?” ti’n mun thip ah a dawng u a.

MARK 9:30

Chun, Isu leh a sinsakte chun zie mun chuh a nusieh uh a, Galili gam a hawhpai tau a. Isu’n a umnau chuh kuomah het ding a nuom puoi.