MARK 9:25 - PATHIEN LEKHABU THIENGTHO (BSI)

²⁵ Isu’n mipi hung khawm haw chun a hun naih ui tih a mu a, thitha buok chuh a gai a, a kawmah, “Nang, thitha pautheilo leh bengngawng, a sung apat hung pawt a, lut kit talo hiel dingin thu ka hun piei,” a ti a.

MARK 9:25 ပူးပေါင်းရင်းမြစ်များ

NASEPTE 16:18

Khutibang chun, ni sawt tak a hih sek a. A tâwp chun, Paul chuh a lungkim ta puoh a, a kihei a, thitha kawm achun, “Isu Krista min in a sung apat pawt ding thu ka hun piek na hi,” a ti a. Chun, khutih lai tak chun a pawt ngâl ta a.

LUKE 9:42

Zie naupangpa chuh a hung lai in, thitha chun tuol sehna’n a nei a, a sawisa diek a. Himahlele, Isu’n thitha buok chuh a gai a, chapang chuh a hihdam a, a pa kawm achun a sawl kit ta a.

MARK 9:15

Chun, mipi chengcheng in Isu a muh tak un, mak a sa mah mah tau a, a kawm lam ah a tai u a, chibai a va bûk u a.

MATTHAI 17:18

Tichun, Isu’n thitha chuh a gai a, a sung apat chuh a pawt ta a; zie dâkkâl akipat chun naupang chuh a na dam ta a.

JUDA 1:9

Zie tawbang chuh, Mikael, vânsâwlchâk chungnung pên khan le a hih puoi. Mosi luong chung châng a, Diabol tawh a kiniel lai uh khan le, Diabol chuh thiemmawh chan saka, hosiet a ngam puoh a, “Lalpa’n hun gai zaw hen,” a ti zaw ahi kha.

LUKE 11:14

Chun, Isu’n thitha pau theilo khat a nawhdawk a, thitha chuh a pawt dawk phetin, pau theilo pa chuh a hung pau ta a. Mipite chun mak a sau a;

LUKE 8:29

Isu’n thitha buok chuh a sung apat hung pawt dinga thu a na piek tâk ziekin zie chuh a tih ahi. Zie pa chuh tamtak vei thitha chun a man ta a, thikkhau leh kawl buh sak u henla, a khut leh kengte kân mah leu, thikkhau chuh a bawttan a; tichun gamlak ah thitha’n puimang sek ahi.

LUKE 4:41

Chuleh, thithate’n le, “Pathien Chapa na hii,” ti a kiko in mi tamtak sung apat in a hung pawt tau a. Isu’n thitha haw chuh a gai a, Krista ahi tih a het ziekun a pau dinguh a za nuom puoi.

LUKE 4:35

Chun, Isu’n a gai a, “Thip inla, a sung apat chuh hung pawt ah,” a ti a. Ziephet chun, thitha chun a masang u chun a hihpuk zet a, bangmah lawh lo in a sung apat chuh a pawt ta a.

ZEKARIA 3:2

Chun, Lalpa’n Setan kawm achun, “Aw Setan, Lalpa chun hun gai zaw hen: Ahi, Lalpa Jerusalem tel pa chun hun gai he’n! Ziehi, meikuong laka pata thingkhuoh lâkdawk tawbang hilo ahim?” a ti a.

MATTHAI 12:22

Zielai chun, mitdûk, pautheilo, thitha mat khat a kawmah a hun pui u a. Isu’n a na sudam a, tichun, hung pau thei in, khuo le ahun mu thei ta a.

MARK 9:24

Ziephet chun, a pa chun, “Lalpa, ka taksang hi, ka taksan lahna ah ei panpih in,” ti a kiko dawk in, mitthi luong kawmin a ngên a.

MARK 9:26

Tichun, a kiko dawk a, nasa taka a sawisak zawhin a hung pawt ta a. Chapang chuh a thi guolin a um ta a, mi cheng chun, “A thi ahi,” tiu a.