MARK 9:23 - PATHIEN LEKHABU THIENGTHO (BSI)

²³ Isu’n a kawmah, “Nangmah ngêi in na taksan theih chun, a taksangte ding chun thil chengcheng hithei ahi,” a ti a.

MARK 9:23 ပူးပေါင်းရင်းမြစ်များ

JOHAN 11:40

Isu’n a kawmah, “Na ginchak chun, Pathien lopi zie mu’n la ka hun ti hilo ahim?” a ti a.

HEBRAI 11:6

Himahlele, taksanna lo in Pathien lungtuok mi hih guol ei puoi; Pathien kawma hung ta chun, amah chuh a um hi tih leh, taima taka amah hawlte kawma kipahman pie nuom mi ahii tih, ginchak ding ahi.

MARK 11:23

Tihtakzet a ka hilh na hiu hi, kuole, zie tâng kawma hin, ‘Na kichawn inla, tuisuohgiet ah na kipaih ah,’ ti a, a lunggil a ginglah lo a tung ngêi ina tih, gingcha ta’n a gen guol u chuh mu’n au.

MATTHAI 17:20

Isu’n a dâwng a, “Zie tawbang hi pauchamna leh anngawlhna ngâllo in a hih thei puoi.”

2 KHANGTHUBU 20:20

A zingkal kit matak chun, mipite chu Tekeo gammâng achun a chieh u a. A kipatdawk lai u chun, Jehoshaphat chun zie thu hin a na hopih a; “Juda leh Jerusalem a mite haw, Lalpa na Pathien uh chung a chun na ginnau ngau inla, dettak in dingun. A thiemgau in a hun hilh chu gingchau inla, lawhting ding na hiu ui,” tin.

LUKE 17:6

Chun, Lalpa’n a dâwng a, “Ankam mu chang khat tieh taksanna na neih u chun, zie thingtheimi kung kawma hin, ‘Hung kibawtdawk inla, tuisuohgiet ah hung kiphut ah,’ ti leu chin, na thuu a nung ding ahi.

NASEPTE 14:9

Zie pa chun Paul thugen a ngaitha sek a. Paul chun amah chuh a en zing a, damna dingin taksanna a nei hi tih a he a,

MARK 9:22

“Tamtak vei, amah suklup guon mei lak leh tui lak ah a sawnpai tai; ahi’n nangin banga him khat bêk na hih theih chun, ei lungsiet inla, ei panpih in,” ti’n a ngên a.

MARK 9:24

Ziephet chun, a pa chun, “Lalpa, ka taksang hi, ka taksan lahna ah ei panpih in,” ti a kiko dawk in, mitthi luong kawmin a ngên a.

MATTHAI 14:29

Isu’n a dâwng a, “Hung ta leh,” a ti a. Khutichun, Peter chuh kuong apat chun a kum tha a, Isu kawm lam zuonin tui chunga chun keng in a chieh ta a.