MARK 9:18 - PATHIEN LEKHABU THIENGTHO (BSI)

¹⁸ Khawi mun ale, a sawisakna tâkah, a hihpuk ek sek a; a chilphuon a pawt a, a ha a giel a, a gawng deuh deuh sek a; na sinsakte hi nawhdawk dingin ka tih le la a nawhdawk thei puou a,” a ti a.

MARK 9:18 ပူးပေါင်းရင်းမြစ်များ

MARK 11:23

Tihtakzet a ka hilh na hiu hi, kuole, zie tâng kawma hin, ‘Na kichawn inla, tuisuohgiet ah na kipaih ah,’ ti a, a lunggil a ginglah lo a tung ngêi ina tih, gingcha ta’n a gen guol u chuh mu’n au.

MARK 9:26

Tichun, a kiko dawk a, nasa taka a sawisak zawhin a hung pawt ta a. Chapang chuh a thi guolin a um ta a, mi cheng chun, “A thi ahi,” tiu a.

MARK 9:20

Tichun, amah chuh a kawmah a hun pui u a; chun, amah a muh phetin, thitha chun nasatak in a sawisa pai zieng a; tichun, tuol ah a puk a, chilphuon kai zeng zung in a kisek sulsul a.

MATTHAI 17:16

Na sinsakte kawmah ka hun pui a, a hihdam thei ngâl puou a,” a ti a.

NASEPTE 7:54

Zie thu haw chuh a zak phet un, a lung uh a vilh ta a, Stephan chung achun a hau a gawi u a.

SAM LEHKHABU THE PSALMS 112:10

Minunsie chun zie chuh mu’n tin, a lungna’n a; A ha gawi intin, tuimang in a: Minunsie te duhthusam chuh bangmah lo ahi sek hi.

JUDA 1:13

Tuisuohgiet kinawk banga, amau thilhih zahchâk um tak, tui phuon banga hun suoh dawkte ahiu a; aksi leng viel, amau dinga thim sah tak sit sakte chuh ahiu hi.

MATTHAI 15:22

Chun, ngaitie, zie gama kipat chun Kanaan numei khat a hung a “Lalpa, David chapa, ei lungsiet in, ka chanu thitha’n a man chak kêi a,” tin a kiko a.

MATTHAI 8:12

gam chate vang chuh pawlam thima paih dawk in um untin, zie tak achun kah leh hagiel um ina,” a ti a.

JOB LEHKHABU THE BOOK OF JOB 16:9

A lungnat ziekin ei bawttel a, ei mudah a, a ha ei gawih khum a, ka melma chun mudah takin ei mitchangsal a.

MARK 9:17

Chun, mipite laka khatin a dâwng a, “Sinsakpa, ka chapa thitha pautheilo vawp chuh na kawmah ka hun pui a.

MARK 9:19

Ziephet chun, Isu’n a kawm u ah, “Aw khangthak taksanna nei lote haw, bang chana na kawm u a ka um a, bang chana ka hun hungaih theih ding? amah chuh ka kawmah hun pui un,” a ti a.