MARK 8:38 - PATHIEN LEKHABU THIENGTHO (BSI)

³⁸ Kuole tulai khang zawlsaih hatte leh thilhih gilo nuomte lak ah keimah leh ka thu zahpih ta chuh, Mihiem Chapa hin, vânsâwlchâk thiengthote tawh, a Pa lopina a kivana a hung tieng leh, zie mihiem chuh hun zahpih thuk ina,” a ti a.

MARK 8:38 ပူးပေါင်းရင်းမြစ်များ

ROME 1:16

Chanchin Pha chuh ka zahchâkpih puoh ngâl a; kuole a gingcha tapohte dingin hukdamna dinga Pathien thilhih theihna ahi ngâl a, a tûngin Juda mite dingin ahi a, chun, Grik mite dingin a hung hi kit a.

1 JOHAN 2:23

Kuole, Chapa kilepsan chun Pa le a pawm diek puoi; Chapa awite vang chun, Pa le a pawm ahi.

JAKOB 4:4

Nanguh, mi ginumlote haw! Khawvel tawh kiguolchanna hi, Pathien melma hihna ahi tih helo na hiu hi? Zieziekchun, kuole, khawvel guol hih nuom ta chuh, Pathien melma a kisiem sek ahi.

LUKE 9:26

Kuole, keimah leh ka thu zahpih ta chuh, Mihiem Chapa hin a lopina tawh, a Pa lopina tawh; a vânsâwlchâk thiengthote lopina tawh a hung tieng chuleh, zie pa chuh hun zahpih ina.

2 TIMOTHE 1:8

Khutichun, I Lalpau thu hetpih a pan chuh zahchâkpih ki’n la, kei, amah zieka suongkul lut hile ei zahchâkpih diek ki’n. Zie malak chun, Chanchin Pha zieka haksa thuok hi, Pathien in thuok theihna a hun piek bang zelin nei thuokpih zaw ta’n.

MATTHAI 26:64

Isu’n a kawmah, “Hi e, himahlele, ka hun hilh na hi, tunung leh, Mihiem Chapa hi Bangakai hihtheipa khut changlama chu a, van meipi chunga hung hun mu ding na hiu hi,” a ti a.

MATTHAI 16:27

Mihiem Chapa hi a vânsâwlchâkte tawh, a pa lopina a kivan a hung ding ahi ngâl a. Zie tieng chuleh vang, mitin a thilhih bang zel un din chiet ina.

HEBRAI 11:26

Aigupta gam go haw sang chun Krista a gensietnau chuh lopi zaw a seh in, kipahman piek ding chuh a thil zing hi.

HEBRAI 11:16

Himahleh, tu’n vang, gam phazaw sem ut a na hiu a, zie chuh van a um a hi; khutichun, Pathien chun, a Pathien uh tih a um chuh a zakcha puoi; amau dingin khawpi khat guotsa a kawih sak tâk ziekin.

2 TIMOTHE 1:12

Zieziekchun ahi, zie thil haw hi ka thuok chuh. Himahlele, ka zakcha a puoi, ka taksan pên pa chuh ka he a, a kawma ka vawp sak chuh zie Ni a ding chun a vawppha thei hi tih chientakin ka he ngâl a.

MATTHAI 12:39

Amah chun a kawm u ah, “Khangthak gilo tak leh zawlsaih hât te chun melchikna a hawl un, himahlele thiemgau Jona melchikna mai tihloh chuh a kawm u ah melchikna himhim piek hi puo’n a.

JOHAN 1:51

Isu mah in a kawmah, “Tihtakzet, tihtakzet a ka hun hilh na hiu hi, van kihawng a, Pathien vânsâwlchâkte Mihiem Chapa chunga kum leh kal hun mu’n lau,” a ti a.

MATTHAI 25:31

“Mihiem Chapa hi leng guola a vânsâwlchâkte tawh a lopina a kithuoma a hung tieng leh, a lopina chutphah chungah chu’n tin, a ma achun namtin kikhawm un au.

MATTHAI 24:30

Tichun, Mihiem Chapa melchikna chuh van ah kilang in tin. Zie tieng chuleh leia chitin in a âwm kichup untin, Mihiem Chapa hi thilhih theihna leh lopina nasatak tawh a van mei chunga hung mu’n au.

LUKE 19:26

‘Ka hun hilh na hiu, a neita piek behlap untin, a nei lo chuh, a neih sun le lak sak un au.

MATTHAI 13:41

Mihiem Chapa hin a vânsâwlchâkte chuh sawl dawk intin, a gam apat mipi gitloh sakte leh, hih gilo chengcheng lakhawm un tin,

DANIEL 7:13

Zan a kilâkna hung um achun, mi khat, mihing mel tawbang pu hi ka mu a. Meipi ûmkimvel in, kei lam hun zuonin ka mu a, himahleh amah chuh kumlekhuo a hing zing pa lam achun a chieh a, a kawmah a va um ta a.

DANIEL 7:10

Zie tak apat chun luicha tawbang in mei a luong dawk zungzung ta a. Mipi sang tam takin a na a sep sak u a, a masang achun a singa sing tamtak a ding u a; vaihawmna a hung kipan ta a, lehkhabute chuh phetin a um ta a.

DAN NIHNA 33:2

Sinai apat in Lalpa chuh a hunga, Seir apat in a hung suok hi a chung u ah ni guolin, Paran tâng apat in a hung eng dawka, Mithiengtho a sing a simte tawh a hung; A khut changlam ah amau dingin dân meikuong chawi kawmin.

HEBRAI 13:13

Zieziekchun, eihaw le, amah a muhsitnau chuh kipuok in, khawpi pawlama a kawm lam achun chieh hitiu.

2 TIMOTHE 1:16

Lalpa chun Onesphora inkawte kawm achun zahngaihna sulang hen, amah chun tamtak vei ei suhalh ta ngâl a. Chun, suongkul a ka um hile ei zahchâkpih diek puoh a;

GALATI 6:14

Kei chun chuh, I Lalpau Isu Krista kross lo chuh ka suon loh ding zie mai chuh; zieziekchun, khawvel hi kei dingin khetdên ahi ta a, keile khawvel a dingin khetdên ka hi tai.

NASEPTE 5:41

Sawlchakte chuh, vaihawmte kawm apat a a pawtdawk phet u chun, Isu min zieka zahchâkna thuok taka guota a um ziek u chun a kipâk mah mah u a.

JOHAN 12:34

Mipite chun a dâwng u a, “Ka Dan Lehkhabuu chun, Krista chuh kumlekhuo’n hing zing ina, ti’n ei hilh a puo! Aleh, bangti dana, nangin Mihiem Chapa hi khaihkang a um ding ahi na tih a? Zie Mihiem Chapa chuh kuo a hi?” a tiu a.

JOHAN 5:27

Mihiem Chapa a hih ziekin, a kawmah vaihawm theihna thuneihna a piei.

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

MARK 14:62

Ziephet chun, Isu’n, “Ka hi, Mihiem Chapa hi, Bangakai hihtheipa khut changlama chuh a, van mei laka hung hun mu ding na hiu hi,” a ti a.

MATTHAI 16:4

Khangthak gilo tak leh zawlsaih hatte chun melchikna a hawl u a, himahlele Jona melchikna ngâllo chuh a kawm u ah melchikna himhim piek hi puo’n a,” a ti a, a dâwng a. Khutichun, amau haw chuh a taihsan a, a chieh ta a.

ZEKARIA 14:5

Chun, tâng kikala phaicham achun taimang in na tin uh, tâng kikala phaicham chun Azel vak sun ahi ngâla; ahi, Juda leng Uzziah lal laia inling a na taih bang u khan taimang un lau. Chun, Lalpa ka Pathien chuh hung in tin, a mi thiengthote cheng tawh hung kitawn ding ahiu hi.

MATTHAI 8:20

Isu’n a kawmah, “Si-âlte’n kuo a nei u a; vachate’n bu a nei u a, himahleh, mihing chapa hin vang lungakna ding a nei puoi,” a ti a.

MATTHAI 16:28

Tihtakzet a ka hilh na hiu hi, taka ding khenkhat haw hi, mihiem Chapa lenga hung a muh masangsieh uh thihna tep lo ding a um ui,” a ti a.

MARK 8:37

Ahihloh leh, mi’n a hinna sika banga a piek ding?

MARK 13:26

Zie tieng chuleh, Mihiem Chapa chuh thilhih theihna nasatak leh lopina nasatak tawh meipi chunga hung mu’nau.

NASEPTE 10:22

Chun, amau chun, “Vânsâwlchâk Thiengtho khatin, Kornelias, sepaih za lawiupa, mi diktat, Pathien ging, Juda nam chengcheng laka mi minpha kawm achun, na thugen a zakna dingin, a In a nangmah hun sam dingin, a hilh ahi,” a tiu a.

1 THESSALONIKA 2:19

Lalpa Isu a hung tienga, zawhna ka kisuonpih ding u chuh, thil dang bangmah ahi puoh a, nang haw mawng hi, ka kinepnau, ka kipahnau chuh na hi ngâl u a.

1 THESSALONIKA 3:13

Khutichun, I Lalpau Isu chuh, a mi thiengthote chengcheng tawh a hung tieng leh, I Pathien u leh I Pau masang achun, na lunggil hawu thiengtho leh paulap bei in hun sudet thei ina.

1 JOHAN 2:28

Khutichun, naute, amah ah um zing un; tichun, amah a hung kilak tieng leh, hangsan tak leh, zakcha lo a, a hungna Ni a chuh na um theihna dingun.

THUPHUON 14:10

Pathien lungnatna uain, a thangtawmna khawn bangmah tawh helloh a hun sundawk chuh dâwn untin, chun, vânsâwlchâk thiengthote leh Belam No mitmuh ah mei leh kât a gawt a um ding ahi, ti’n aw ngeih tak in a kiko a.