MARK 8:34 - PATHIEN LEKHABU THIENGTHO (BSI)

³⁴ Chun, Isu’n mipite leh a sinsakte chuh a sama, a kawm u ah, “Kuo’n le, ei zuih a nawp chun, amah gimtheih khawksa lo in, a kross pu’n ei zui heh.

MARK 8:34 ပူးပေါင်းရင်းမြစ်များ

MATTHAI 10:38

Chun, kuole a kross pu a ei zui lo chuh ka mi hi hâwi ahi puoi.

JOHAN 10:27

Ka belamte’n ka aw a ngaitha sek ui; ken le amau haw chuh ka he a, amau chun ei zui sek ui.

1 LENGTE 14:8

David inkuon a kipatin lalgam ka lâksak a, zie chuh ka hun pie a: himahlele nang vang ka suok David bangin na um puoh a, amah chun chuh ka thupiek haw a vawp a, ka mitmuh ah thilpha mai hih guon a lunggil chengcheng in ei zui sek a.

GALATI 5:24

Chun, Krista Isu a umte chun, phehlevo chuh, a gitloh ngaihtuohna leh a utchakna pum in a khêndên tau hi.

GALATI 2:20

Krista kawmah khetdên in ka um ta a, himahlele, ka hing hi, himahleh, keimah vang ka hi ta puoh a; Krista chuh keimah ah a hing zaw tai. Zie hinna, tu a ka hinna mawng hi, Pathien Chapa, ei lungsiet a keia dinga A hinna piepa taksanna mah achun ka hing ta ngâla.

1 JOHAN 3:16

Zie ahin hehpihna chuh bang a hih I heu hi; Krista chun ei uh dinga a hinna a piek tâk ziekin: ei un le suohpihte dingin I hinnau I piek thuk dinguh ahi.

KISIMNA 14:24

Himahleh, ka suokpa Kaleb vang hi chuh, thagau dang nei a, ei zuih takzet ziekin, a mah hi chuh a va chiehna gam achun puilut ing ka ting, a suonte chun zie gam chuh luoh un au.

MATTHAI 16:24

Chun, Isu’n a sinsakte kawmah, “Kuon le ei zuih a nawp leh, amah gimtheih khawksa lo in, a kross pu’n ei zui hen.

PHILIPPI 3:10

Ka nawppen chuh, Krista het a, a thawhkitna thilhih theihna chan a, a thuokna kikawppih a, a thihna kibatpih a um leh,

ROME 8:17

Khutichun, chate I hih tâk u chun, go luohpihte I hiu a; Pathien go luohte, Krista luohpihte I hiu hi; a thuoknate I thuokpih u chun, a kawmah limbawl in um ngêi hitiu.

LUKE 9:23

Chun, amah mah in a bawnu a kawmah, “Kuo’n le ei zuih a nawp chun, amah gimtheih khawksa lo in, ni chengin a kross pu’n ei zui heh.

KOLOSSA 3:5

Khutichun, na sapum kahawu, leia um haw hi sulum un: kideihchakna haw buokna haw, hûkna haw, gitloh lungveina haw, huoihamna haw, (huoihamna chuh milim hona ahi ngâl a);

PHILIPPI 3:7

Himahlele, kei dinga thil phachuom hi a ka ngaih takphawt chuh, ziehaw ngêi chuh Krista vangin chânna a ka ngaih ahi.

1 PETER 4:1

Khutichun, Krista’n taksa ngeia a thuok ziekin, nanguh le zie tawbang ngaihtuohna chuh nei in, kisuhat un: kuole, taksapum ngeia thuoksa te chun gitloh a haihsan sek ngâl a.

GALATI 6:14

Kei chun chuh, I Lalpau Isu Krista kross lo chuh ka suon loh ding zie mai chuh; zieziekchun, khawvel hi kei dingin khetdên ahi ta a, keile khawvel a dingin khetdên ka hi tai.

1 KORINTH 15:31

Suohpihte, nicheng in, ka thi sek hi! Nang haw ka hun kisuonpihna zieka, Krista tawh pumkhata I umna ziek un, zie thu chuh ka hun gen ahi.

ROME 6:6

Ziehi he leuhing; I mihiem lui u chuh a mah tawh khetdên in a um ta a, gitloh puo sapum chuh sukmangthai a a um theihna dingin, tu a thak a gitloh suok a I um tâk loh na dingun.

LUKE 14:33

Khutibang mah chun, nang u lak ah, kuole, a neih chengcheng taihsan lo taphawt chuh, ka nungzui hi thei puo’n a.

2 PETER 1:14

I Lalpau Isu Krista’n ei hilh bang khan, ka bâwkcha kawihmangna ding hun tung vak ding ei tai tih ka he ngâl a.

1 PETER 4:13

Krista thawkna thuokpih te na hih ziekun, kipâk zawu un; khutichun, a lopina a hung kilak tieng leh, nanguh le lawp takin um thei unlau.

TITA 2:12

Kinepna thatnawp-um, I Pathien uh lopitak Hukdampa Isu Krista lopi hung kilâkna chuh ngak in,

KOLOSSA 1:24

Tu a, nang u dinga ka thuokna ahin ka kipâk hi, Krista’n a sapum sika a dahum thuok bân chuh, ka sapum ahin ka thuok pih zel zawk ahi; a sapum chuh sapchuom haw hi a hi ngâl a.

NASEPTE 14:22

“Dahum tamtak thuokin, Pathien gam ah I lut ding him uh ahi,” ti’n, sinsakte haw lungthim a sudet u a, taksanna a chuh um zing dingin a tîl zel u a.

LUKE 18:22

Isu’n zie chuh a zak phetin, a kawmah, “Tuhin, thil khat na vat nalai hi; na neih chengcheng khawng inla, neilahte kawmah hawm ah, tichun, van ah go nei inla; chun, hung inla, ei zui ah,” a ti a.

LUKE 13:24

“Kawtkhak chîp achun lut guo hâm un; ka hilh na hiu hi, mi tamtakin lut guou untin, himahleh lut thei ngâl puo’n au.

MATTHAI 27:32

Chun, a hung pawtdawk lai u chun mi khat, Kurini khuo a um Simon kiti chuh a muu a, zepa chuh Isu Kross pu ding chun a man tau a.

THUPHUON 2:10

Na thil thuok ding haw hi lau ki’n; ngaitie, patepa na um theihna dingin, Diabol chun na lak uh a mi khenkhat chuh suongkul a hun khum ding a hii; tichun, ni sawm sung gimtheihna thuok unlau. Himahlele, thih tiengin taksanum in na um in, tichun, hinna lallukhuk chuh hun pie’ng ka.

HEBRAI 13:13

Zieziekchun, eihaw le, amah a muhsitnau chuh kipuok in, khawpi pawlama a kawm lam achun chieh hitiu.

2 THESSALONIKA 3:11

Ziehaw hi, na lak uh a khenkhat, hin thadah taka hing leh, na himhim sem lo a, mi simmawh in a tumta zaw sek ui tih ka zak ziek u a ka gen uh ahi.

1 KORINTH 9:19

Kuomah suok hi kimahlengle, mi tamzaw sem ka lâklut theihna dingin, mi chengcheng suok in ka kisiem sek hi.

1 KORINTH 8:13

Zieziekchun, ka nek le châkin ka suohpih a sukpuk chun, ka suohpih ka sukpuk lohna dingin, kumkhuotuong in, sa himhim ne ta puo’ng ka.

JOHAN 19:17

Amah chun a kross chuh kiput in, “Luguh mun,” a tih uh, (Hebrai pau a Golgotha) kiti mun tieng chun a chieh ta a.

LUKE 20:45

Mi chengcheng in a thugen a ngaihthak lai u chun, Isu’n a sinsakte kawmah,

MARK 10:21

Isu’n amah chuh a en a, a hehpih ta a, a kawmah, “Thil khat na vat nalai hi; chieh inla, na neih chengcheng zuok inla, mi neilahte kawmah pie’n, tichun, van ah go nei in la; chuleh, hung inla, ei zui ah.” a ti a.

MARK 7:14

Chun, mipi chengcheng chuh a kawmah a sam khawm kit a, a kawm u ah, “Na bawn un ka thu hi ngaithau in la hethiem un: