MARK 8:2 - PATHIEN LEKHABU THIENGTHO (BSI)

² “Tuhin, mipite hi ka kawmah ni thum a um tau a, nek ding bangmah a neih loh ziekun ka lungsiet mah mah hi:

MARK 8:2 ပူးပေါင်းရင်းမြစ်များ

MATTHAI 9:36

Khutichun, mipite chuh a muh in, chingpa neilo, belamte guola gimthei leh dalh a a um ziekun a lungsiet ta mah mah a.

MIKA 7:19

Amah chun I chung u ah zahngaihna nei kit in tin; I sukkhelh na teu chuh tawhden in tin, I gitlohna teu chuh tuipi lituong ah paih lut ding ahi ngâla.

SAM LEHKHABU THE PSALMS 145:15

Thilsiem haw cheng mitin a hun ngak zing u a; Nang a hun takin a an uh na pie zing seka.

SAM LEHKHABU THE PSALMS 103:13

Pa’n a chate a lungsiet bang in, Lalpa chun amah kihchate a lungsiet sek hi.

HEBRAI 5:2

Amau mawng chule, lam chuom chuom a hatlohna a dim a hiu a, zieziekchun, bangmah helote leh, thil hihkhielte chung achun a zahngai sek ui.

HEBRAI 4:15

Thiempu Lienpen, I hatlohnau ei hetpih a ei thuok pih khalo nei I hi puoh ngâl u a; eihaw guola bangakaia thepna tuoksa, hilele, gitlohna bei, nei I hi zawu ie.

LUKE 15:20

Khutichun, a kipan a, a pa kawmah a chieh ta a. “Tichun, gamla taka a um lai in a pa’n a na mu a, a lungsiet ta mah mah a, a tai a, a ngâwngkawih a, a châwp tuntun a.

LUKE 7:13

Chun, Lalpa chun meithai chuh a muh phetin, a lunggil chun a lainat mah mah ta a, tichun, a kawmah, “Kap ki’n,” a ti a.

MARK 9:22

“Tamtak vei, amah suklup guon mei lak leh tui lak ah a sawnpai tai; ahi’n nangin banga him khat bêk na hih theih chun, ei lungsiet inla, ei panpih in,” ti’n a ngên a.

MARK 6:34

Tichun, amah chuh kuong apat a hung pawt phetin, mipi tamtak a mu ta a, chingpa neilo, belam hawn bang a hih ziekun a lungsiet mah mah a: thil tamtak amau haw a sinsak ta a.

MARK 5:19

Himahlele, Isu’n a phal puoh a, a kawmah, “In ah, na guolte kawmah chieh inla, Lalpa’n thil a hun hih sak lopi zie leh. a hun lungsiet zie hi amau haw le va hilh viel ah,” a ti zaw ta a.

MARK 1:41

Isu’n a lungsiet ta mah mah a, a vak bân a, a khawih a, “Ka nuom hi, a na thiengtho ta’n,” a ti a.

MATTHAI 20:34

Ziephet chun, Isu’n a lungsiet mah mah a, a mit uh a khawih a, tichun, a hun mu thei tau a, amah chuh a zui tau a.

MATTHAI 14:14

Tichun, amah chuh lui pang a kaih phetin, mipi nasatak a mu a, a lungsiet ta mah mah a, a damloteu a sudam a.

SAM LEHKHABU THE PSALMS 145:8

Lalpa chuh mi lungsiet thei lainatna a dim; Lungnem, zahngaihna nasa tak nei ahi.

HEBRAI 2:17

Khutia chuh, mipite gitloh ngaihdam a hih theihna dinga, Pathien kawma a zenviel nasepna a chuh, Thiempu Lienpen, mi lainat thiem a hihna dingin, suohpihpa bang a hung um ahi zawi.

MARK 6:32

Tichun, gamgaw mun ah, kuong in amau mai in a va chieh chuom tau a.

MARK 8:3

Anngawla a In lam hawu a ka sawl kit chun, lamkal ah sawlsam kha’n au; a lak uh a khenkhat hi gamla tak apat a hung a hi ngâl u a,” a ti a.

1 LENGTE 19:6

Chun, a vak en a, ngaitie, a luthun achun chângthâk suong sa chunga kan minsa leh tui-um khat hi a um a. Chun, a ne a, tui chu a dâwn a, a kuol kit ta a.