MARK 6:51 - PATHIEN LEKHABU THIENGTHO (BSI)

⁵¹ Chun, kuong ah, a kawm u ah a lut a, tichun, huih chuh a hai ta a; amau haw chun a mak a sagu ten u a, lamdang a sa mah mah tau hi.

MARK 6:51 ပူးပေါင်းရင်းမြစ်များ

MARK 4:39

Tichun, Isu chuh a hung tho a, huihpi chuh thu a pie a, “Thip inla, um hiet hiet ah” a ti a. Tichun, huih chuh a hai ta a, a hung thip kêi zieng ta a.

JOHAN 6:21

Khutichun, kuong a chut sak chuh a nuom tau a; tichun, kintakin kuong chun a zawt uh lui pang chuh a tung pai zieng tau hi.

MARK 7:37

A za taphawtte chun gen theih loh khawpa maksa’n, “Ama’n thil bang cheng phatak in a hih a; bengngawngte khuo a zak theih sak a, pautheilo te a pau theih sak hi,” a tiu a.

MARK 6:32

Tichun, gamgaw mun ah, kuong in amau mai in a va chieh chuom tau a.

MARK 5:42

Tichun a tho dawk pai zieng a, a chieh ta a; (Amahnu chuh kum sawm le nih mi ahi.) Zie banga chuh a hung um phet chun, mak a sa mah mah tau a.

MARK 4:41

Himahleh, a lau mah mah zieng uh a, “Zie pa hi bangti bang mi phet a hi die aw! huih leh dîl nasan in le a thu a ngaih mai u hi?” ti’n a kiho u a.

MARK 2:12

A bawn u a a et zing lai u chun, amah chuh kin takin a tho a, a puonphah a la a, a chieh ta a. A bawn u chun mak a sa mah mah zieng tau a, “Zie tawbang himhim hi ka mu kha puou hi,” ti’n Pathien a pakcha tau a.

MARK 1:27

Mipi chengcheng chun mak a sa mah mah tau a, “Ziehi bangti thil a? Ziehi bang kihilhna thak ahi? Thithabuok nasan le thunei takin thu a pie a, a thu a nun zel u hih,” ti’n a kidawng tuoh u a.

MATTHAI 8:10

Chun, Isu’n zie thu haw chuh a zak in mak a sa a, amah zui haw kawm achun, “Tihtakzet a ka hun hilh na hiu hi, Israel te lak ale hitibang taka taksanna nasa hi ka mu kha puoi.