MARK 6:34 - PATHIEN LEKHABU THIENGTHO (BSI)

³⁴ Tichun, amah chuh kuong apat a hung pawt phetin, mipi tamtak a mu ta a, chingpa neilo, belam hawn bang a hih ziekun a lungsiet mah mah a: thil tamtak amau haw a sinsak ta a.

MARK 6:34 ပူးပေါင်းရင်းမြစ်များ

MATTHAI 9:36

Khutichun, mipite chuh a muh in, chingpa neilo, belamte guola gimthei leh dalh a a um ziekun a lungsiet ta mah mah a.

KISIMNA 27:17

a makai dinguh, a mau haw puidawk a puilut ding guot hen, khutichun, mipite hi chingpa neilo belamte banga a um lohna dingun,” a ti a.

LUKE 9:11

Himahlele, mipite chun zie chuh a het phet un, amah a zui tau a, Amah chun amau haw chuh a na lawp a, Pathien gam thu a kawm u ah a gen a; hihdam ngai taphawtte chuh a hihdam ta a.

ZEKARIA 10:2

Milim pathien chun bangmah lo mai a gen a, phunsân thiemte thil muh chu lepchieh ahi ngâl a. Mang diklote a gen u a, mi a lungmuon thâwn u a; zieziekchun, mipite chuh belam guolin a vakvai u a, belampu a neih loh ziekun gimtheih a thuok tau hi.

JEREMIA 50:6

“Ka mite chuh belam mang ahiu a; amau chingte chun a puimang u a, tâng haw achun a chiehmang sak u a; tânghaw leh muol dung haw achun a chieh u a, huong nasan uh a hengilh zo tau hi!

2 KHANGTHUBU 18:16

Chun, amah chun, “Israel te chu Belam a chingtu neilo bang in tânghaw a kithehzak in ka mu a; Lalpa’n, ‘Ziehaw hin lawiupa a nei ta puou a, amau In lam chiet ah lungmuong takin chieh mai u hen,’ a tii,” a ti a.

1 LENGTE 22:17

Chun, Mikaiah chun, “Israel te chengcheng chuh chingpa neilo belam banga tânghaw a vak zak in ka mu a; Lalpa’n, ‘Ziehaw hin puitu a nei ta puou a, mitin amah In lam chietah lungmuong takin chieh mai u hen,’ a tii,” a ti a.

HEBRAI 4:15

Thiempu Lienpen, I hatlohnau ei hetpih a ei thuok pih khalo nei I hi puoh ngâl u a; eihaw guola bangakaia thepna tuoksa, hilele, gitlohna bei, nei I hi zawu ie.

MATTHAI 14:14

Tichun, amah chuh lui pang a kaih phetin, mipi nasatak a mu a, a lungsiet ta mah mah a, a damloteu a sudam a.

HEBRAI 2:17

Khutia chuh, mipite gitloh ngaihdam a hih theihna dinga, Pathien kawma a zenviel nasepna a chuh, Thiempu Lienpen, mi lainat thiem a hihna dingin, suohpihpa bang a hung um ahi zawi.

MATTHAI 15:32

Chun, Isu’n a sinsakte chuh a sama, “Mipi haw hi tun ni thum ka kawmah a um tau a, nek ding bangmah a neih loh ziekun ka lungsiet mah mah mai hi; an ngawlin ka sawl kit nuom puoi, khutilochun, lamkal ah sawlsam vei kha’n au,” a ti a.

ISAI 13:14

“Babulon a gamdang mi chêngte chuh, sakhi a delh pa apat a suokcha bang leh, belam chingpa bei guolin, mi tin amau chipihte lam chiet ngau intin, mitin chuh amau haw gam lam chiet ah taimang un au.

EZEKIEL 34:5

Belampu a um loh ziekin nawhzak in a um u a, a zak phet u chun gamsa hangte an ding chauh a hung hi tau a.

MARK 6:33

Himahlele, mipi’n a chieh pet u chuh a muu a, mi tamtakin amau chuh a heu a, tichun, khuo tin apat in keng in tak achun a tai khawm u a, a na makhelh u a, a kawmah a hung khawm tau a.

MARK 6:35

Tichun, ni a hung tâk phetin, a sinsakte a kawmah a hung u a, a kawmah, “Zie tak hi gamgaw mun ahi a, ni le a tâk ta ngâl a;

MARK 8:1

Zie nung hun sawtlo chun, mipi nasatak a hung khawm u a, mipite chun nek ding bangmah a neih loh phat un, Isu’n a sinsakte chuh a sama, a kawm u ah,

MARK 8:2

“Tuhin, mipite hi ka kawmah ni thum a um tau a, nek ding bangmah a neih loh ziekun ka lungsiet mah mah hi: