MARK 6:12 - PATHIEN LEKHABU THIENGTHO (BSI)

¹² Khutichun, a chieh dawk uh a, mite lungheina ding thu a gen u a.

MARK 6:12 ပူးပေါင်းရင်းမြစ်များ

MATTHAI 4:17

Zie apat chun Isu’n, “Lunghei un, vangam a nai ta ngâl a,” tin a gen pan ta a.

NASEPTE 20:21

Judate leh Grikte kawm ale, Pathien lama lunghei thu leh, I Lalpau Isu Krista taksan ding thu ka hun hetsak sek kha.

NASEPTE 11:18

Chun, zie thu haw chuh a zak phât un, thamuong takin a um tau a, “Khuti a hih le chuh, Pathien in Jentel te le hinna dinga lunghei a phalsak ahi ta chu,” ti’n Pathien a pakcha tau a.

NASEPTE 2:38

Peter chun a kawm u ah, “Na gitloh uh ngaihdam ahih theih na dingin lunghei unla, chun, Isu Krista min in na bawn un baptistma chang chiet un; tichun, Thagau Thiengtho thawna piek hi mu’n lau.

LUKE 13:3

Hi lo e, ka hilh na hiu hi, nang u le na lunghei loh u chun, ziete tawbang mah a chuh thi ding na hiu hi.

LUKE 11:32

Thutanna ni leh Ninevi khuo mite chuh tulai khangthakte tawh hung tho un ding un tin, mawh hun chan sak unau; Jona thugen ziekin a lung uh a hêi ngâl u a; ka hun hilh na hiu hi, Jona sanga lopi zaw taka hin a um a puo!

MATTHAI 3:8

Na gitlohnateu na haihsan ui tih het theihna ding thilte chuh hih un.

MATTHAI 3:2

“Lunghei un, vangam chuh a nai tai,” tin.

EZEKIEL 18:30

“Zieziekchun, Aw Israel insung mite haw, mitin a umdan bang zela na chung u a vaihawm ding ka hi, Lalpa Pathien chun a tii. Lunghei unla, na bawhsietna teu chengcheng chuh haihsan un; phatlohna chuh na siet lawh lohna dingun.

NASEPTE 26:20

Himahleh, a tûngin Damaska khuo a mite kawmah, zie nung chun, Jerusalem khuo a mite kawmah, chun, Judai gamtina mite kawm leh, Jentel te kawm nasan ale, lunghei min pu kham a thilhih a, lunghei a, Pathien lam a ngatna dingun, ka hilh zawk sek ahi.

NASEPTE 3:19

Khutichun, na gitloh hawu ngaihdam a hih theihna dingin, lunghei unla, hung kihei kit un, khutichun, Lalpa kawm apat halh phat hungtung thei ina.

LUKE 24:47

amah min in, lunghei na thu leh gitloh ngaihdamna thu, Jerusalem khuo a kipatin, namtin kawmah gen in um ina,’ ti’n.

LUKE 15:10

Ka hilh na hiu hi, khutibang mah chun, Pathien vânsâwlchâkte chuh, mi gilo khat kisikna chungah a kipâk mah mah sek ui.” a ti a.

LUKE 15:7

Ka hilh na hiu hi, mi diktat sawmkuo leh kuo, lungheina chuom na ding nei lote chung sang chun, migilo khat lungheina chung achun van a mipi kipâk zaw’nau.

LUKE 13:5

A hi chuom diek puou, ka hilh na hiu hi, nang haw le na gitlohnau apat a na kihei loh u chun ziete guol mah khan thi ding na hiu hi,” a ti a.

MARK 1:15

“Hun chuh a hung tung ta a, Pathien gam le ahung nai tai; lunghei un la, Chanchin pha hi gingchau in,” ti’n.

MATTHAI 11:20

Chun, a lunghei loh ziekun, a thilmak hih tamna pên khawpite chuh Isu’n a gai ta a:

MATTHAI 9:13

Khutichun, chieh un la, Pathien lehkhabu a, Kithawihna deihlo in, lungsietna ka deih hi tih umzie hi va mudawk un, mi diktatte sam dinga hung ka hi puoh a, mi gilote sam dinga hung ka hizaw a puo,” a ti a.

LUKE 9:6

Tichun, sinsakte chuh a chieh tau a, khuo tin ah a zin viel u a, Chanchin Pha a gen zel u a, muntin ah mite a hihdam zel tau a.

MARK 1:3

Gamthip a mi kiko aw chun, Lalpa lamlien lai un la, a lampite hihzang un, a tii,” ti a a zik guol khan.

MATTHAI 11:1

Isu’n sinsak sawmlenih te chuh thu a piek zawh phetin, tak apat chun khuo haw ah mi hilh leh thugen dingin a chieh ta a.