MARK 5:36 - PATHIEN LEKHABU THIENGTHO (BSI)

³⁶ Isu chun lah a thugen u chuh bengkhawn lo in, kikhawpna In lawiupa pa kawm achun, “Lau ki’n, gingcha zieng ah,” a ti a.

MARK 5:36 ပူးပေါင်းရင်းမြစ်များ

LUKE 8:50

Himahlele Isu chun zie thu chuh a zak phetin “Lau ki’n, gingcha mai ah, khutichun, amah chuh dam kit ina,” a ti a.

JOHAN 11:40

Isu’n a kawmah, “Na ginchak chun, Pathien lopi zie mu’n la ka hun ti hilo ahim?” a ti a.

MARK 9:23

Isu’n a kawmah, “Nangmah ngêi in na taksan theih chun, a taksangte ding chun thil chengcheng hithei ahi,” a ti a.

MARK 5:34

Isu’n a kawmah, “Ka chanu, na taksanna hi na dampih ahi, lungmuong takin chieh in la, na natna apat in dam den ta’n,” a ti a.

MATTHAI 17:20

Isu’n a dâwng a, “Zie tawbang hi pauchamna leh anngawlhna ngâllo in a hih thei puoi.”

2 KHANGTHUBU 20:20

A zingkal kit matak chun, mipite chu Tekeo gammâng achun a chieh u a. A kipatdawk lai u chun, Jehoshaphat chun zie thu hin a na hopih a; “Juda leh Jerusalem a mite haw, Lalpa na Pathien uh chung a chun na ginnau ngau inla, dettak in dingun. A thiemgau in a hun hilh chu gingchau inla, lawhting ding na hiu ui,” tin.

MATTHAI 9:18

Zie thu haw chuh a kawm u a a gen lai takin, ngaitie, vaihawmtu khat a kawmah a hung a, a chibai a, “Ka chanu tu tak khan a thi a, himahlele hung in la, a chungah na khut hung nga leh chin hung hing kit ina,” a ti a.

MARK 5:22

Chun, ngaitie, kikhawpna In lawiupate laka khat, a min Jairus chuh a hung a; Isu a muh phetin a keng bul ah a khupbawk a,