MARK 5:27 - PATHIEN LEKHABU THIENGTHO (BSI)

²⁷ Amah chun Isu Chanchin a na zak phetin, a nung ah, mipi lak ah a hung a, a puon a khawih a.

MARK 5:27 ပူးပေါင်းရင်းမြစ်များ

NASEPTE 19:12

Khutichun, a sapum apat, khawsa-ul thiekna puon bang, chenthuoh puon bang, damlote kawmah a chawi u a, tichun, a natnateu chuh nawhmang in a um zel ta a, chun, thitha haw le a sung u apat a pawtdawk sek u a.

MATTHAI 14:36

A puon mawng bêk tham sak dingin a ngên u a; tichun, a tham taphawt chuh a hung dam zel tau a.

NASEPTE 5:15

Khutichun, sawlchakte thilhih ziek chun, damlote le khawlai dung poh ah a puodawk u a, zâlkhun leh puonphah chunghaw a chun a kuol sak u a, Peter chieh viel in a lim bêka a lieh theih na’n, a tiu a.

MARK 6:56

Khutichun, khuo lien leh khuo neu leh lo haw ale, a lutna taphawt ah, damlo haw chuh khawlai dunghaw achun a kuol sak uh a, a puon mawng bêk tham theihna ding a ngên u a; tichun, amah tham taphawt chuh a dam zel tau hi.

2 LENGTE 13:21

Chun, mi thi khat a vuih ding lai tak un hiti hi ahi a, ngaitiem u, mi lawikhat a vak muu a, tichun, zie pa chu Elisha thân achun a khethasuk zieng u a; a taihsan tau a. A luong chun Elisha guh chu a sukkhak phet chun, a hung hing kit a, a hung ding dawk ta a.

MARK 5:26

Daktor tamtakin a na enkawl tau a, a neih chengcheng a na mang zo ta a, himahleh, phatchuom nâk sangin, a khawk zaw deuh deuh ta a.

MARK 5:28

“A puon mawng khawih leng le hihdam in um ing ka” tih a ngaihtuoh ahi.