MARK 4:31 - PATHIEN LEKHABU THIENGTHO (BSI)

³¹ Leia chi chengcheng laka neupen, ankam chi, leia kie tawbang chuh ahi:

MARK 4:31 ပူးပေါင်းရင်းမြစ်များ

NASEPTE 19:20

Khutibang taka nasa chun Lalpa thu chuh a kithehzak a, a guolzo zel ta a.

MALAKI 1:11

Ni suohna apat ni tumna tiengin Jentel te lak achun ka min chuh a lopi ngâla. Mun tin a a umnau chengah gimlimte ka kawma hâl in, kithawihna pawmtâkte a lân u a!

NASEPTE 21:20

Suohpihte’n zie thu haw chuh a zak un, Pathien a limbawl tau a, tichun, Paul kawm achun, “Suohpihpa Paul, Judate laka gingchate tam dân na mu a; a bawn un Dan chungah phachuom a ngai mah mah chiet u a.

NASEPTE 5:14

Tichun, a lak uh achun Lalpa gingcha numei leh pasal, behlap in a um zel tau hi.

NASEPTE 4:4

Himahlele, a thugen uh ngaithate laka mi tamtakin a gingchau a; a tam lam u chuh pating chiet le sangnga vel ahiu hi.

NASEPTE 2:41

Mi tamtakin a thugen chuh a gingchau a, baptistma a chang u a, zie ni chun mi, sangthum vel behlap in a um tau hi.

ZEKARIA 12:8

Zie ni chuleh Lalpa chun, Jerusalem luohte chuh humbit intin; zie ni chuleh, a lak u a hatlo pên chule, David tawbang a hât hung hi’n tin, Tichun, David insung chuh Pathien tawbang hung hiu un tin, amau haw masang achun Lalpa vânsâwlchâk tawbang in ma pui un au.

ZEKARIA 2:11

Zie hun tieng chuleh, namtin in Lalpa lam hun zuon tau un tin; a mite hung hi ta’n au. Na laku ah cheng ing ka ting, tichun, na kawm u ahin amah ngêi in ei sawl ahi tih he ta’n la.

ISAI 60:22

Na lak uh a nam neupen le nam lopi tak hung hiu in tin, nam tawmchah le nam hattak hun hi’n au. Kei Lalpa chuh ka hi a, ahun hun in kin takin hih ing ka,” ti’n.

ISAI 53:12

Zieziekchun, amah chuh miliente chanvo bang hawm ing ka ting, amah chun mihatte tawh gâllâk sumte chuh hawm ina; a hinna chuh thi khawp hiela a sunbuok a, migilote laka simtel a a um ziekin; ahi, mi tamtak te gitlohna chuh puo a, migilote chuh ngaihdam a a um theih na dingun a paucham sak hi.

ISAI 53:2

Amah chuh lei gaw tak apat a thil zung kek guola, a suok khan dawk chuh Lalpa phasak lam ahi ngâla. Pienken phatna leh mel hawihna himhim a nei puoh a; amah I muh u a I deih na dingun hawihna himhim a nei puoi!

ISAI 9:7

A gam lien zel intin, a vaihawmna leh chamna chun tâwp tik ni nei puo’n a. David lalchutphah leh a lalgam ah chu’n tin, bawt dawk ding leh sudet dingin diktak leh kitûp takin vaihawm ina, tu apat kumlekhuo’n, Sepaihte Lalpa phatchuomngaihna chun zie chuh hih ina.

THUPHUON 11:15

Chun vânsâwlchâk sagihna chun a pengkun chuh a vak mût a, tichun, van apat in aw ngeih tak in, “Khawvel gam hih I Lalpau leh Krista gam a hung hi tai, amah chun kumkhuotuong in vaihawm ina!” a hun ti a.

MARK 4:30

Chun, Isu’n, “Pathien gam chuh bang tawbang in a I gen tâk ding uh? A hih loh leh, bang tehkalna a mang in I hilhchien ta ding u leh?

MARK 4:32

A kitheh nung chun a hung khang dawk a, thai dang cheng sangin a hung lienzaw a, bâk lien taktak ahun nei a; chung lêng vachate le a bâk chun a giek thei sek ui,” a ti a.

LUKE 17:6

Chun, Lalpa’n a dâwng a, “Ankam mu chang khat tieh taksanna na neih u chun, zie thingtheimi kung kawma hin, ‘Hung kibawtdawk inla, tuisuohgiet ah hung kiphut ah,’ ti leu chin, na thuu a nung ding ahi.