MARK 4:28 - PATHIEN LEKHABU THIENGTHO (BSI)

²⁸ Lei ngêi chun gah a hun suoh sek a; a tûngin a kung, zie ban achun a vui, zie nung chun a vui achun a chang ting a hung um sek hi.

MARK 4:28 ပူးပေါင်းရင်းမြစ်များ

HOSEA 6:3

Lalpa hetna chuh delh zel hitiu, hêi tingun,Lalpa chuh het guo tai tiu. Zingkal a khuo hung vak zel tawbang leh, guoh tui in lei a chapchêk bang hin matheilo in I kawm u ah hung in a.”

KOLOSSA 1:10

Khutichun, Lalpa deihlam in hing thei un na tin uh, chun, amah kipahlam hih zing thei un lau. Tichun, na hinnau chun nasep phat tin chenga gahsuoh in, na Pathien hetna lam uh achun hung khangto thei unlau.

PHILIPPI 1:6

Zieziekchun, Pathien, zie nasep pha nangmau a sem pan pa chun, Krista Isu Ni a a pitit tiengin sem zawm zel ina tih ka hechien ngâl a. Ka lunggil ah na um zing u a! Zieziekchun, tu a nang haw ka hun gel banga hun gel hi thil dik a hi him hi.

MATTHAI 13:26

Tichun, buh chuh a hung keh a, a vui a hung um phatin, buhlem chule a hung lang ta a.

ISAI 61:11

Lei hin a thil dâwn a suohdawk bang leh huon in asunga thaichi haw a kehdawksak bang hin; Lalpa Pathien chun diktatna leh kipahna pie’n tin, namte masang achun hung khang dawk sak ding ahi ngâla.

THUGENPA 3:11

Bangkim hi a hun tawh kituok dingin a siem a. Mihing lunggil achun kumsawt a kawiha, het nawpna a um a, himahleh Pathien in a tunga pata a tâwp tienga dinga a thilhih chuh a mudawk diek puou.

THUGENPA 3:1

Thil bangkim a ding in hunbi a um a, zie khawvel a thil hung um chengcheng hi Pathien in a guot bang zela hung um ahi.

THUCHINGTE 4:18

Himahleh, mifel lampi chuh zing khawvak bang ahi a, sun chang lai tak bangin a vak hawih deuh deuh hi.

SAM LEHKHABU THE PSALMS 1:3

Amah chuh luiluong panga thing phuh, A hun cha a gah zel; A nah le vuoi ngeilo tawbang hi ahi, A thilhih tapoh ah lamzang zel in a.

THILSIEMBUL 2:9

Chun, Lalpa Pathien in lei apat in thing mit la tak leh nek tuok tak a kehsak a; huon lailung tak achun Hinna thing le a kehsak a; asie leh apha hetna thing le a kehsak hi.

MARK 4:27

Zan a ipmu’n, sun in tho sek leh, thaichi chuh bangti ahim tih he lo a, a hung keh dawk a, a hung khan tawbang hi ahi.

MARK 4:29

Himahlele, a gah chuh a hung min tieng leh, buh ât a hung hun tâk ziekin kawite a pan pai zieng sek ui,” a ti a.