MARK 4:19 - PATHIEN LEKHABU THIENGTHO (BSI)

¹⁹ Himahlele, khawvel thu ngaihtuohna te, neihzawhna thepna te, leh thil dang utchaknate chuh a hung lut tieng, thu chuh a dêp a, gah lo in a um sek hi.

MARK 4:19 ပူးပေါင်းရင်းမြစ်များ

1 TIMOTHE 6:17

Zie tulai hinkhuo a neizote hi, kiletsak lo ding leh, sum muon-umlo ahin a kinepnau ngalo a, thil chengcheng, I kipahna ding u a ei piepa Pathien chunga chuh nga zaw dingin hilh ah.

PHILIPPI 4:6

Bangmah ah lungkham kiu in; bang chengah paucham leh ngenin, kipahthu gen tel zelin, na ngetna hawu chuh Pathien kawmah hetsak in um zaw hen.

MATTHAI 19:23

Ziephet chun, Isu’n sinsakte kawm achun, “Tihtakzet a ka hilh na hiu hi, mi neizo a dingin van gama lut chuh haksa tak ahi.

JOHAN 15:2

Ka kizawppih bâk gah lo ta cheng a paih sek a, a gah pha ta chuh a hih thiengtho sek hi, a gah tam zawk diek na’n.

LUKE 21:34

“Amahvang chuh, chingthei un! khutilochun, nek vah tâk luot tawh, zukham tawh, damsung khawsak ngaihtuohna tawh, na lungthim uh dim val taluo kha’n tin; zie Ni chu leh, thang âwk guolin thakhat in, na chungu ah hungtung phut ina.

LUKE 10:41

Chun, Lalpa chun a dâwng a, “Martha, Martha, thil tamtak na ngaihtuoh a buoi na hi hi;

ISAI 5:4

Ka grep huon a hin ka hihsa tihloh banga hih beh naklai ding? Grep gah phatak gah dinga ka kinep mai zên tawh, bang zieka grep lêm ngen hung gah mai ahi ta?

ISAI 5:2

A lei a laichuop a, suonghaw chuh a hawm ngim a; grep kek phapente a phut a, huon lailung achun venbuk a sa a, zie chun grep thawkna khuk le a lai a grep tak gah dingin a kinem a, himahleh, grep lêm ngen a hung gah zaw ta a.

2 PETER 1:8

Ziehaw hi phatna na sinmawhteu chuh a hi a, na neih uh chun, I Lalpau Isu Krista hetna lam achun kiting taka, gah suoh takin hun siem ding ahi.

2 TIMOTHE 4:10

Dema’n tulai khawvel thilte hi a ngaihlul ziekin ei taihsan ta a, Thessalonika khuo ah a chieh ta a; Kresken chuh Galati gam ah a chieh ta a;

THUGENPA 4:8

Mi khat chapa le neilo, suohpih le neilo a um a; himahleh gim takin na a sem a, a thil neih te chule a mit taina kham ahi diek puoh a. “Ka nawpchenna ding chân lawh hiela kuo a dinga semgim ka him?” ti’n a kidawng a. Ziehi le bangmahlo mai leh a thawna buoina mai ahi.

JUDA 1:12

Ziete haw chuh, kihehpihna guolvakna a na kawmuh a a tel tieng uh leh, suongpi, tui chup suoksa tawbang ahiu a, lauhna zie helo, belam chinga amau kivakte tawbang ahiu hi. Meitang tui puo lo, huih mût lawn viel tawbang ahiu a, thinggah lo, chavang nasan ale gah lo, thing, a zung puma kibawtdawk ahiu a,

MATTHAI 3:10

Tu zieng hin le heicha thing bul tin ah a kawih tau hi; khutichun thing tin, gah pha suoh lo cheng chuh phuk in, mei ah a paih sek ui.

THUCHINGTE 23:5

Thil umlo chung achun na mit hak ki’n la, hauhsakna haw chun tha a kisiem u a, muvanlai van lama leng bang in a leng mang sek hi.

THUCHINGTE 23:4

Hauhsak utchakna mai in na sem ki’n la, nangmah hetna mai ah kinga ki’n.

MATTHAI 13:22

Hamlingnei laka kitheh chuh ziehi ahi: thu chuh he a, himahlele khawvel thil ngaihtuohna leh kithepna chun thu chuh a dep a, gah lo in a um sek hi.

MARK 4:18

Chun, hamlingnei laka kie haw chuh ziehaw hi ahiu: Thu chuh a za tau a,

ROME 12:2

Zie vannuoi dân guol hin um kiu unla, Pathien deihlam, a pha leh, pawm tâk leh, phat bukim chuh na hetchil theihna dingun, na lungthim uh a thak a um in, lamdang zaw tau u.n.

EPHESI 2:2

Zie hun lai khan khawvel gitlohna lampite hawh in; vanthamzawl a thuneihna leng, tu a Pathien thu awilo chate chunga vaihawmpa thagau chuh na zawp zawu hi.

EPHESI 6:12

I kibuonpih hawu hih sapum leh thisan a hi puoh a; lalna haw leh, thuneihna haw, leh zie khawthim chunga vannuoi vaihawm haw leh, van mun haw a thagau phalo um haw ahi zawu hi.