Leichung a thutanna dik phuhdet a a um masang sieh chuh chau puo’n tin, a lung le kie diek puo’n a; tuikuol gamte chun a dân thu chuh ngaklah takin a um ngâl u a,” ti’n.
Khapna lehkha achun leng Darius chun a min a zik tai tih a Daniel in a het phet chun In ah a lut a. (A pindan tukvan chuh Jerusalem lam nga a kihawng ahi a) A hihdan ngeina guolin, khupdin in, ni khatin thum vei a paucham a. Pathien kawmah kipahthu a gen a.
Zieziekchun, ka suohpih deihtakte, dettak in, suktawih zawh loh in, Lalpa na chuh phachuomngai taka sem in um zingun; na sepgimnau chuh Lalpa achun a thâwn ngei puoi tih na he ngâl u a.
Khutichun, Krista’n taksa ngeia a thuok ziekin, nanguh le zie tawbang ngaihtuohna chuh nei in, kisuhat un: kuole, taksapum ngeia thuoksa te chun gitloh a haihsan sek ngâl a.