MARK 3:27 - PATHIEN LEKHABU THIENGTHO (BSI)

²⁷ “Kuoma’n, mihat chuh a kân masak a, a In a suksiet sak loh ngâl chun, mihat In a lut in, a sum a lâksak thei puoi.

MARK 3:27 ပူးပေါင်းရင်းမြစ်များ

MATTHAI 12:29

“Mi’n mihat chuh a kân masak loh chun, bangti’n a mihat ina chuh lut in a sumlepai a lâksak theih ding? a kân zawh tieng le vang chuh a in chuh luh thei ina.

1 JOHAN 4:4

Naute, Pathien a na hiu a, ziehaw chuh na zo tau hi, nangmau a Thagau um chuh, khawvel a thagau um sanga chuh a hatzawk ziekin.

ISAI 53:12

Zieziekchun, amah chuh miliente chanvo bang hawm ing ka ting, amah chun mihatte tawh gâllâk sumte chuh hawm ina; a hinna chuh thi khawp hiela a sunbuok a, migilote laka simtel a a um ziekin; ahi, mi tamtak te gitlohna chuh puo a, migilote chuh ngaihdam a a um theih na dingun a paucham sak hi.

ISAI 27:1

Zie ni chuleh Lalpa chun, a chemzâm hiem hawih tak, lopi tak leh thilhih thei tak chun Leviathan gulpi hattak leh, Leviathan gulpi kiviel ngeungo chuh gawt intin, tuipi a dragon chule that ina.

1 JOHAN 3:8

Kuole, thilhih gilo zingzing chuh Diabol a pawt ahi: Diabol chun atûng apat thil a sukhiel ngâl a. Pathien Chapa hung kiphuon lawh pên chuh, Diabol nasep a sukmangthai theihna ding ahi.

KOLOSSA 2:15

Krista chun lalna leh thuneihnate chuh hâwk tha’n, zie kross achun ziehaw chuh zo in, a zawhna chuh tângphuong takin a etsak ta a.

JOHAN 12:31

Tu’n zie khawvel hi a chung thu ngaihtuoh hun a hi ta a; zie khawvel vaihawmtu hi paihthak a um ding ahi.

ISAI 61:1

Liengvaite kawma Chanchin Pha gen dinga Lalpa’n thau ei nuh ziekin, Lalpa Pathien thagau chuh ka chungah a um. Amah chun lunggil thasie te sudam ding leh, saltâng te kawma pawt na thu leh, suongkul tângte pawtna thu phuong ding leh,

HEBRAI 2:14

Tichun, chapangte hi, phehlevo leh thisan neite ngêi ahiu a, zie tawbang mah chun Isu ngêi chule a mihiem hihnau chuh nei in, amau haw tawbang chuh a hung hi ta a. Zie chuh, thihna chunga thunei, Setan thahatna chuh a thihna zieka a sukmangthai theihna ding leh,

ROME 16:20

Khutichun, chamna Pathien chun, chawmlo kalin, Setan chuh na kêngpêk nuoi u ah hun tawh den sak pai zieng ina. I Lalpau Isu Krista lungsietna chuh na kawm u ah um hen.

THILSIEMBUL 3:15

Chun, nang leh numei hi hun kidosak ing ka ting; nang suonte leh numei suon le kido sak ing ka; amah chun na luchang khên thidup intin nangin a khawtalzum chu thidup in la,” a ti a.