MARK 3:2 - PATHIEN LEKHABU THIENGTHO (BSI)

² Zie a mi khenkhatte chun amah a hêk theihna dingun. Chawlhni’n a hihdam dei mawh ti’n a chingsui u a.

MARK 3:2 ပူးပေါင်းရင်းမြစ်များ

SAM LEHKHABU THE PSALMS 37:32

Mi nunsie chun mi diktat chuh a en tha a, Suklup a guo sek hi.

JEREMIA 20:10

Mi tamtak te’n, ning tin ah lauh-um a um a. Kihetloh sak un la, pang khawm hitiu, ti a a phunguk sausau uh ka za a. Ka melhet ka puk chânggu zing sek te chun, thep in um intin, zo ding I hiu, a chungah phuba lai tiu, a tiu a.

DANIEL 6:4

Tichun, lawiupa dangte leh thuneitu dangte chun Daniel chunga thiem lohna ding chu a hawl tau a. Himahleh a thiemlohna ding himhim a mu thei puou a, a diklohna le a mu thei diek puou ui. A ginum mah mah ziekin amah achun sukkhelh ahim, diklohna ahim muh ding a um puoh ngâl a.

MATTHAI 12:10

Chun, ngaitie, mi khat khut zeng a na um a. Isu a heksiet theihna ding un, “Chawlhni’n hihdam a thieng em?” ti’n Isu a dawng u a.

MARK 3:3

Isu’n khut zengpa kawm achun, “Hung ding dawk ah,” a ti a.

LUKE 14:1

Chun, Chawlhni’n Pharisaite laka lawiupa khat ina an ne dingin a chieh a: mipite chun Isu chuh a en thim zing u a.

LUKE 20:20

Khutichun, hun lemchâng a hawl tau a. Tichun, mi huntieng, mipha tak hileh kilawm taka va um dingin a gawlhguu a; Isu chuh Rome gam vaipawpa thuneihna leh, thilhih-theihna khuta a piek theihna ding u a, a thugen khiel chângtha ding leh, man dingin a sawl tau a.

LUKE 6:7

Tichun, Danthuzikte leh Pharisaite chun a hêkna ding a muh theihna dingun, Chawlhni a a hihdam ding leh hihdam loh ding guntak in a chingsui u a.

JOHAN 8:6

Zie thu chuh amah mat theihna dingin a gen uh ahi, a hêkna ding a muh theihna dingun. Khutichun, Isu a khun a, a khutzung in leituol a zik a.

JOHAN 9:16

Chun, Pharisaite abang in, “Zie pa hi Pathien kawma pawt hi puo’n a a ziek chuh, Chawlhni a nit puoi,” a tiu a. Khenkhatte’n vang chuh, “Migilo in bangti’n a, zie tawbang thilmak hi a hih theih ding?” a tiu a. Khutichun, a laku ah kibungkhenna a hung um ta a.